بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

بيىلعى ەكى ماجىلىستە شي جينپيڭ نەلەردى دارىپتەدى

2019.03.14 15:51     كەلۋ قاينارى : حالىق تورابى


  1. دامۋ

  جاڭا دامۋ ۇستانىمىن دايەكتىلەندىرىپ، ساپالى دامۋ جولى، اۋىل شارۋاشىلىعىن، اۋىل – قىستاقتى الدىمەن دامىتۋ، جاسىل دامۋ، تاماشا دامۋ ورتاسىن جاراتۋ، ارميامىزدىڭ قۇرىلىسى، دامۋى، جوسپارى جاقتارىندا ىزدەنىس جاساۋ كەرەك... ۇيىرمە، گرۋپپالارعا بارعان سايىن باس شۋجي قايتكەندە دامۋعا بولاتىنىن تۇيىندەپ اڭگىمەلەپ وتىردى، مەملەكەتتىڭ دامىپ، العا باسۋى ەكونوميكالىق دامۋدى قامتۋدان تىس، دەموكراتيانىڭ، زاڭمەن باسقارۋدىڭ اقاۋسىز بولۋى، مادەنيەت – كوركەمونەردىڭ گۇلدەنۋى، قوعامنىڭ جاراسىمدى، ورنىقتى بولۋى، ەكولوگيالىق ورتانىڭ كورىكتى بولۋى سياقتىلاردى دا قامتيدى، اتاپ ايتقاندا، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋ كەرەك.

  2. كەدەيلىكتەن ارىلتۋ

  كوپتەگەن ۋاكىلدەر ۇيىرمەسىندە باس شۋجي شي جينپيڭ كەدەيلىكتەن ارىلتۋدان قامال الۋ شايقاسىن دەرلىك ورتاعا قويىپ وتىردى، ويتكەنى 2020 – جىلى كەدەيلىكتەن ارىلتۋ مىندەتىن ورىنداپ بولۋعا 20 اي عانا ۋاقىت قالدى، ەڭ قينالاتىن كەزگە ءدوپ كەلدىك. شي جينپيڭ گانسۋ ۋاكىلدەر ۇيىرمەسىندە كەدەيلىكتەن ارىلتۋعا تۇيىندەپ نازار اۋداردى ءارى بىلاي دەدى: تولىق جەڭىسكە جەتپەي استە بەل شەشۋگە بولمايدى. ۋاقىت از قالدى، قايتكەندە قامال الۋعا بولادى دەگەندە تاسىلگە نازار اۋدارۋ كەرەك، شي جينپيڭ بۇل جاعىنان مىناداي 5 ءتۇيىندى دارىپتەدى: بەرىك سەنىمنەن اۋىتقىماۋ كەرەك، نىسانانى كوزدەپ العان بەتتەن قايتپاۋ كەرەك، ماسەلەلەردى قاتاڭ جونگە سالۋ كەرەك، جاۋاپكەرلىكتى بۇلجىماي تياناقتاندىرۋ كەرەك، ستيلدە بۇرىلىس جاساپ، ەنجارلىقتان اۋلاق بولۋ كەرەك.

  3. ەكولوگيا

  ەكولوگيالىق وركەنيەت قۇرىلىسى باس شۋجي شي جينپيڭ كوپ رەت دارىپتەگەن مازمۇن سانالادى، بيىلعى ەكى ماجىلىستە دە سولاي بولدى. اسىرەسە، ءوزى تۇرعان ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا شي جينپيڭ ەكولوگيالىق وركەنيەت قۇرىلىسىن توڭىرەكتەي وتىرىپ «ءتورت ءبىردى» تۇڭعىش رەت ورتاعا قويدى: «بەستى ءبىر تۇلعالاندىرۋ» جالپى تۇلعالىق ورنالاستىرۋىنىڭ بىرەۋى ــ ەكولوگيالىق وركەنيەت قۇرىلىسى، جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ نەگىزگى جالپى جوباسىندا ادام مەن تابيعاتتىڭ جاراسىمدى قاتار تۇرۋىندا تاباندى بولۋ ــ ءبىر نەگىزگى جالپى جوبا، جاڭا دامۋ ۇستانىمىنىڭ ىشىندە جاسىل ــ ءبىر كەلەلى ۇستانىم، ءۇش ءىرى قامال الۋ شايقاسىندا لاستانۋدان ساقتانۋ جانە ونى تەجەۋ ــ ءبىر ءىرى قامال الۋ شايقاسى.

  4. قامال الۋ

  بيىل ــ شەشۋشى جىل، قامال الۋ جىلى دەسە دە بولادى. 2020 – جىلى كەدەيلىكتەن ارىلتۋدان قامال الۋ مىندەتىن ورىنداپ بولۋ مىندەتى توتەنشە شۇعىل، باس شۋجي شي جينپيڭ بۇل جونىنەن بىلاي دەپ دارىپتەدى: كەدەيلىكتەن ارىلتۋدان قامال الۋ ەڭ سوڭعى ساتكە نەعۇرلىم تاياعان سايىن جۇمىس سەرپىنىن سولعۇرلىم كۇشەيتۋ كەرەك. تاعى ءۇش ۇلكەن قامال الۋ شايقاسىنداعى كەلەلى حاۋىپ – قاتەردەن ساقتانۋ جانە ونى جويۋ، لاستانۋدى جونگە سالۋ بار، ءالى دە قامال الۋدىڭ مىعىم تەبىنى مەن كۇيىن جالعاستىرۋ كەرەك.

  5. حالىق

  حالىق باس شۋجي شي جينپيڭنىڭ كوكەيىندە باستان – اياق ەڭ جوعارى ورىندا تۇرىپ كەلەدى. ول مىنالاردى دارىپتەدى: «حالىقتى وزەك ەتۋ كەرەك»، «حالىققا قىزمەت وتەۋ كەرەك»، «بارلىق تابىس حالىقتىڭ ارقاسىندا كەلگەن، بارلىق اتاق حالىققا ءتان».

  6. ءداۋىر

  مادەنيەت، ادەبيەت – كوركەمونەر سالاسىنىڭ، قوعامدىق عىلىمدار سالاسىنىڭ مۇشەلەرىنە امانداسا بارعاندا باس شۋجي شي جينپيڭ دارىپتەگەن وزەكتى ءسوزدىڭ ءبىرى «ءداۋىر» بولدى. ول كوپشىلىكتەن جاڭا ءداۋىردى ەستەلىككە الۋ، جاڭا ءداۋىردى بەينەلەۋ، جاڭا ءداۋىردى جىرلاۋ بورىشىن ارقالاپ، ءداۋىر تاقىرىبىنا باتىلدىقپەن جاۋاپ قايتارىپ، ءداۋىر كارتيناسىن، ءداۋىر شەجىرەسىن، ءداۋىرءمورالىن ايشىقتاۋدى ءۇمىت ەتتى.

  7. تياناقتاندىرۋ

  ورنالاستىرۋدان تياناقتاندىرۋ الدەقايدا ماڭىزدى. باس شۋجي شي جينپيڭ تياناقتاندىرۋعا ايرىقشا ءمان بەرەدى، ول كەزىندە بىلاي دەپ دارىپتەگەن بولاتىن: «تياناقتاندىرۋدى دەن قويىپ ويداعىداي يگەرمەسەك، قانشالىق جاقسى نىسانا، قانشالىق جاقسى جوبا بولسا دا، قول جەتپەس قيالعا اينالىپ قالادى». كەدەيلىكتەن ارىلتۋدان قامال الۋ جونىنەن شي جينپيڭ بىلاي دەپ دارىپتەدى: «جاۋاپكەرلىكتى ارقالاۋ»، «تياناقتاندىرۋ جاۋاپكەرلىگىن بوساڭسىتپاۋ كەرەك»؛ ەكولوگيانى قورعاۋ جونىنەن شي جينپيڭ بىلاي دەپ دارىپتەدى: «اۋرۋىنا قاراي ەم قولدانىپ، تياناقتاندىرۋدى شىنايى ويداعىداي يگەرۋ كەرەك»؛ ارميا قۇرىلىسى جونىنەن شي جينپيڭ بىلاي دەپ دارىپتەدى: «جوسپاردى تياناقتاندىرۋدىڭ قاتاڭ جاۋاپكەرلىك جۇيەسىن قالىپتاستىرۋ كەرەك».

  8. ەكونوميكا

  جۇڭگونىڭ ەكونوميكاسى جوعارى قارقىنمەن ارتۋ ساتىسىنان ساپالى دامۋ ساتىسىنا قادام تاستادى، مۇندا مىناداي قىزىل سىزىقتان اتتاپ وتۋگە بولمايدى: ەكونوميكانىڭ دامۋى ازىراق قيىندىققا ءدوپ كەلسە، جۇمىستى دوعارىپ، نىساندى قايتادان جاڭالاۋعا بولمايدى، ەكولوگيالىق ورتانى قۇرباندىققا شالىپ ەكونوميكانى ارتتىرۋ ويىندا بولماۋ كەرەك.

  فۋجيان ۋاكىلدەر ۇيىرمەسىندە باس شۋجي شي جينپيڭ بىلاي دەپ دارىپتەدى: شىنايى، زەيىندى شوعىرلاندىرا وتىرىپ شارۋاشىلىق جۇرگىزۋ كەرەك، بۇل ــ بورىش. حالىقتىق كاسىپورىنداردىڭ «جاڭالىق جاراتا دامۋدى جۇزەگە اسىرۋىنا» كومەكتەسۋ كەرەك.

  9. مادەنيەت

  ءتۇپ – تامىردى بەكەمدەپ، رۋحتى سومدادى، بۇل ــ باس شۋجي شي جينپيڭنىڭ مادەنيەت قۇرىلىسىنا بەرگەن جوعارى باعاسى. ول ءتۇيىندى ءتورت ءسوزدى دارىپتەدى: ءبىرىنشى، ءداۋىر، مۇندا داۋىرمەن جارىسا العا باسۋدان جازباۋ كەرەك، ەكىنشى، حالىق، مۇندا حالىقتى وزەك ەتۋدەن جازباۋ كەرەك؛ ءۇشىنشى، سارا تۋىندىلار، مۇندا سارا تۋىندىلارمەن حالىققا ۇلەس قوسۋدان جازباۋ كەرەك؛ ءتورتىنشى، تاماشا ءمورال، مۇندا تاماشا مورالمەن سالتقا جەتەكشىلىك ەتۋ كەرەك.

  10. اۋىل – قىستاق

  حىنان ۋاكىلدەر ۇيىرمەسىندە باس شۋجي شي جينپيڭ باستىسى اۋىل شارۋاشىلىعى، اۋىل – قىستاق، شارۋالار ماسەلەسىن اڭگىمەلەدى، استىق حاۋىپسىزدىگى، اۋىل – قىستاق نەگىزدىك قۇرىلعى قۇرىلىسى، اۋىل – قىستاقتى جونگە سالۋ، تۇزىممەن قامتاماسىزداندىرۋ جانە رەفورمانى تەرەڭدەتۋ، كەدەيلىكتەن ارىلتۋدان قامال الۋ سياقتىلاردى تۇيىندەپ اڭگىمەلەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار