ءتوراعا شي جينپيڭنىڭ يتاليا ريم مەملەكەتتك جاتاقتى مەكتەبىنىڭ وقىتۋشى – وقۋشىلارىنا قايتارعان جاۋاپ حاتى
2019.03.19 16:21 كەلۋ قاينارى : حالىق تورابى
جاۋاپ حات
مەكتەپ باستىعى ريال، وقۋشىلار:
جازعان حاتتارىڭىزدى تاپسىرىپ الدىم، وقۋشىلاردىڭ ءوز ويلارىن حانزۋ تىلىندە جاتىق بەينەلەپ بەرگەنىن كورىپ قاتتى قۋاندىم.
مەكتەپتەرىڭىز حانزۋ تىلىندە وقىتاتىن حالىقارالىق جاراتىلىستىق عىلىمدار ورتا مەكتەبىن ءساتتى اشىپ، جۇڭگو – يتاليا دوستىق ىستەرىنە ىنتالى ءبىر جاستى باۋلىدى. وقۋشىلار حاتىندا كۇڭزى ساباقحاناسى نىسانى ارقىلى جۇڭگونى جاقىننان ءتۇسىنۋ ورايىنا يە بولىپ، دۇنيە ءجۇزىنىڭ كەڭدىگى مەن كوپ نەگىزدى مادەنيەتتىڭ قۇنىن بايقاعاندارىن تانىستىرىپتى. مۇنى سىزدەردىڭ ۇيرەنۋ امالياتى ارقىلى قول جەتكىزگەن تابىستارىڭىز دەۋگە بولادى. سىزدەردىڭ جۇڭگو – يتاليا جاستارىنىڭ وي – پىكىر الماستىرۋى مەن مادەنيەتتىك اۋىس – كۇيىس جاساۋىن ىلگەرىلەتۋدى، جۇڭگو – يتاليا حالىقتارىنىڭ دوستىعىن نىعايتۋدى مۇرات ەتكەندەرىڭىزگە توتەنشە رازى بولدىم. سىزدەردىڭ جاڭا داۋىردەگى ماركوپولو بولىپ، جۇڭگو – يتاليا مادەنيەت اۋىس – كۇيىسىنىڭ ەلشىسىنە اينالۋلارىڭىزدى ءۇمىت ەتەمىن.
جاستىق كوكتەم قاشان دا ارمانمەن ساباقتاس. سىزدەر جۋىق ارادا ورتا مەكتەپتى ءبىتىرىپ، جوعارى مەكتەپ تابالدىرىعىن اتتايسىزدار. سىزدەردىڭ جاستىق ورالدارىڭىزدىڭ دەر شاعىندا جالىندى جاستىق شاقتىڭ قادىرىن ءبىلىپ، ارمانعا جەتۋلەرىڭىزگە تىلەكتەسپىن. سىزدەردىڭ جۇڭگوعا كەلىپ وقۋلارىڭىزدى جانە قىزمەت ىستەۋلەرىڭىزدى قارسى الامىن، جۇڭگونىڭ دا سىزدەردىڭ ارمانعا قول جەتكىزەتىن جەرلەرىڭىزگە اينالۋىن ءۇمىت ەتەمىن.
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
2019 – جىلى 3 – ايدىڭ 17 – كۇنى
(شينحۋا اگەنتتىگى، 3 – ايدىڭ 18 - كۇنى، بەيجيڭ)
شينحۋا اگەنتتىگى، 3 – ايدىڭ 18 - كۇنى، بەيجيڭ. جۇڭگونىڭ مەملەكەت ءتوراعاسى شي جينپيڭ يتالياعا مەملەكەتتىك ساپاردا بولۋ قارساڭىندا يتاليا ريم مەملەكەتتك جاتاقتى مەكتەبىنىڭ مەكتەپ باستىعى ريال جانە وسى ورتا مەكتەپتىڭ 8 وقۋشىسى ءتوراعا شي جينپيڭگە حات جازىپ، ءتوراعا شي جينپيڭنىڭ ساپارلاي كەلۋىن اسىعا كۇتەتىندەرىن جانە جۇڭگو – يتاليا دوستىق ىستەرىمەن شۇعىلدانۋ سىندى تاماشا تىلەگىن ءبىلدىردى. ءتوراعا شي جينپيڭ وسى مەكتەپتەگى وقىتۋشى – وقۋشىلارعا جاۋاپ حات جازىپ، ولاردى جاڭا داۋىردەگى جۇڭگو – يتاليا مادەنيەت اۋىس – كۇيىسىنىڭ ەلشىسى بولۋعا شابىتتاندىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
