لي كىچياڭ مەملەكەتتىك كەڭەستىڭ بۇيرىعىنا قول قويىپ، «مەملەكەتتىك كەڭەستىڭ ءىشىنارا اكىمشىلىك زاڭ – ەرەجەلەرگە وزگەرىس ەنگىزۋ جونىندەگى ۇيعارىمىن» جاريالادى
2019.03.19 16:23 كەلۋ قاينارى : حالىق تورابى
شينحۋا اگەنتتىگى، 3 – ايدىڭ 18 – كۇنى، بەيجيڭ. تاياۋدا مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەستىڭ بۇيرىعىنا قول قويىپ، «مەملەكەتتىك كەڭەستىڭ ءىشىنارا اكىمشىلىك زاڭ – ەرەجەلەرگە وزگەرىس ەنگىزۋ جونىندەگى ۇيعارىمىن» (تومەندە قىسقاشا «ۇيعارىم» دەلىنەدى) جاريالادى، جاريالانعان كۇننەن باستاپ اتقارىلادى.
«ۇيعارىمدا» مىنالار اتاپ كورسەتىلدى: پارتيا 19 – كەزەكتى ورتالىق كوميتەتىنىڭ ءۇشىنشى جالپى ماجىلىسىندە قارالىپ ماقۇلدانعان «ج ك پ ورتالىق كوميتەتىنىڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋ جونىندەگى ۇيعارىمىنا»، «پارتيا مەن مەملەكەتتىڭ قۇرىلىم رەفورماسىن تەرەڭدەتۋ جوباسىنا» جانە 13 – كەزەكتى مەملەكەتتىك حالىق قۇرىلتايىنىڭ 1 – ماجىلىسىندە بەكىتىلگەن «مەملەكەتتىك كەڭەستىڭ قۇرىلىم رەفورماسى جوباسىنا» سونداي – اق «ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋمەن باسقارۋدى ۇشتاستىرۋ، ساپالى قىزمەت وتەۋ» رەفورماسىن تەرەڭدەتۋ ورنالاستىرۋىنا ساي، مەملەكەتتىك كەڭەس 49 تاراۋ اكىمشىلىك زاڭ – ەرەجەنىڭ ءىشىنارا تارماقتارىنا وزگەرىس ەنگىزۋدى ۇيعاردى، نەگىزگى مازمۇنى مىنالاردى قامتيدى:
قۇرىلىم رەفورماسى جاعىندا: قاتىستى تاراۋلاردىڭ مىندەت جاۋاپكەرلىگىن بىرلەستىرۋ جاعدايىنا قاراي ءبىرىنشى، بازار باقىلاپ – باسقارۋ جانە زاڭ اتقارۋ ءتۇزىلىسى كەمەلدەندىرىلىپ، يمپورت – ەكسپورت تاۋارلارىن العاش ءوندىرۋشى ورىن ەرەجەسى، تالون باسقارۋ ءادىسى سىندى 29 تارماق اكىمشىلىك زاڭ – ەرەجەگە وزگەرىس ەنگىزىلدى؛ ەكىنشى، الەۋمەتتىك قىزمەت وتەۋدى باسقارۋ ءتۇزىلىسى كەمەلدەندىرىلىپ، قوعامدىق قۇتقارۋ – كومەك بەرۋ ۋاقىتتىق شاراسى، قۇربانداردى ماداقتاۋ ەرەجەسى سىندى 8 تارماق اكىمشىلىك زاڭ – ەرەجەگە وزگەرىس ەنگىزىلدى؛ ءۇشىنشى، جاراتىلىستىق بايلىق قاينارى جانە ەكولوگيالىق ورتانى باسقارۋ ءتۇزىلىسى رەفورمالانىپ، بۇكىل ەل بويىنشا بىلعانىش قاينارىن جاپپاي تەكسەرۋ ەرەجەسى سىندى 4 تارماق اكىمشىلىك زاڭ – ەرەجەگە وزگەرىس ەنگىزىلدى؛ ءتورتىنشى، ماكرولىق باسقارۋ تاراۋلارىنىڭ فۋنكتسياسى ۇيلەسىمدى ورنالاستىرىلىپ، مەردىگەر شاقىرۋ، مەردىگەرلىككە مالىمدەۋ زاڭىن اتقارۋ ەرەجەسى سىندى 4 تارماق اكىمشىلىك زاڭ – ەرەجەگە وزگەرىس ەنگىزىلدى.
«ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋمەن باسقارۋدى ۇشتاستىرۋ، ساپالى قىزمەت وتەۋ» رەفورماسى جاعىندا: ءبىرىنشى، ءىشىنارا اكىمشىلىك رۇقسات ەتۋ تۇرلەرى كۇشىنەن قالدىرىلدى. ەلەكتر قۋاتىمەن قامداۋ جانە ونى پايدالانۋ ەرەجەسى سىندى 14 تارماق اكىمشىلىك زاڭ – ەرەجەگە وزگەرىس ەنگىزىلىپ، مانتيورلاردىڭ توراپقا كىرىپ جۇمىس ىستەۋ رۇقسات كۋالىگىن تەكسەرىپ – تاراتۋ سىندى 15 ءتۇرلى اكىمشىلىك رۇقسات ەتۋ ءتۇرى كۇشىنەن قالدىرىلدى. حالىقارالىق تەڭىز تاسىمالى ەرەجەسىنە وزگەرىس ەنگىزىلىپ، شەتەل ساۋداگەرلەرى قارجى قوسقان تيجاراتتاعى حالىقارالىق كەمە – پاراحود تاسىمالى سىندى 7 ءتۇرلى كاسىپتى تەكسەرىپ – بەكىتۋ كۇشىنەن قالدىرىلدى. تاس جول تاسىمال ەرەجەسىنە وزگەرىس ەنگىزىلىپ، 4.5 توننا جانە ودان تومەن ادەتتەگى تاسىمال كاسىپتەرىمەن شۇعىلدانۋ تولىمدىلىق كۋالىگى جانە اۆتوموبيل تاسىمال كۋالىگى كۇشىنەن قالدىرىلدى. ەكىنشى، تەكسەرىپ – بەكىتۋ بارىسى ساپالىلاندىرىلدى. بەزەنۋ بۇيىمدارىنىڭ اقاۋسىزدىعىن باقىلاپ – قۋزاۋ ەرەجەسىنە وزگەرىس ەنگىزىلىپ، بەزەنۋ بۇيىمدارىن ءوندىرۋ اكىمشىلىك رۇقسات كۋالىگى مەن بەزەنۋ بۇيىمدارىنىڭ اقاۋسىزدىق اكىمشىلىك رۇقسات كۋالىگى سىندى 2 ءتۇرلى اكىمشىلىك رۇقسات كۋالىگى بىرىكتىرىلدى. كاسىپورىن زاڭدى ۋاكىلىن تىزىمدەپ باسقارۋ ەرەجەسى مەن سەرىكتەسكەن كاسىپورىنداردى تىزىمدەپ باسقارۋ ەرەجەسىنە وزگەرىس ەنگىزىلىپ، تيجارات كۋالىگىن كۇشىنەن قالدىرۋدى گازەتتە جاريالاۋدىڭ قاتىستى بەلگىلەمەلەرى كۇشىنەن قالدىرىلدى. ءۇشىنشى، شەتەلگە قاتىستى تەحنيكا وتكەرمەلەۋ ورتاسى ساپالىلاندىرىلدى. تەحنيكا يمپورت – ەكسپورتىن باسقارۋ ەرەجەسىنە وزگەرىس ەنگىزىپ، تەحنيكا يمپورتى توقتامىنىڭ كۇشكە يە مەرزىمى ىشىندە تەحنيكا جەتىستىگى قاراستىلىعىن وزگەرتۋ سىندى بەلگىلەمەلەرى الىنىپ تاستالدى. جۇڭگو – شەتەل قارجى قوسىپ باسقاراتىن كاسىپورىندار زاڭىن اتقارۋ ەرەجەسىنە وزگەرىس ەنگىزىپ، تەحنيكا وتكەرمەلەۋ كەلىسىمدى مەرزىمىنىڭ ادەتتە 10 جىلدان اسۋىنا بولمايدى سياقتى بەلگىلەمەلەرى الىنىپ تاستالدى. ءتورتىنشى، قاتىستى انىقتاما جۇمىستارى كۇشىنەن قالدىرىلدى. جۇڭگو ازاماتتارىنىڭ بالا اسىراپ الۋدى تىزىمدەۋ شاراسىنا وزگەرىس ەنگىزىپ، بالا اسىراپ الۋشى تاپسىراتىن بالا اسىراۋشى ىستەيتىن مەكەمە نەمەسە قىستاق تۇرعىندار كوميتەتى، الەۋمەتتىك اۋماق تۇرعىندار كوميتەتى شىعارىپ بەرەتىن بالاسىنىڭ بار – جوق ەكەندىگى جونىندە انىقتاما سىندى جۇمىس تۇرلەرى كۇشىنەن قالدىرىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
