بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

پارتيا 19 – قۇرىلتايىنان بەرى ورتالىقتىڭ باسقارۋىنداعى كادرلەردىڭ اراسىنان تەكسەرۋگە الىنعان 77 كادردىڭ بارىندە مىناداي ەكى ماسەلە ساقتالعان

2019.03.19 16:32     كەلۋ قاينارى : حالىق تورابى

  [رەداكتور ەسكەرتپەسى] «جۇڭگو ءتارتىپ تەكسەرۋ جانە باقىلاۋ گازەتىنىڭ» 3 – ايدىڭ 17 – كۇنى جاريالاعان «ساياسي ءتارتىپتى قاتاڭ ايقىنداپ، ساياسي باقىلاۋدى كۇشەيتەيىك» اتتى ماقالاسىنا قاراعاندا، پارتيا 19 – قۇرىلتايى اياقتاعاننان 2018 – جىلدىڭ سوڭىنا دەيىن، ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتى دەلو تۇرعىزىپ، تەكتەۋ – تەكسەرۋ جۇرگىزگەن لۋ ۋەي، فىڭ شينجۋ، لي يحۋاڭ قاتارلى ورتالىقتىڭ باسقارۋىنداعى 77 كادردىڭ بارىندە «جەتى بار» جانە «ەكىبەتكەيلىك» ماسەلەلەرى ساقتالعان، بىردە – بىرەۋى سىرت قالماعان. ەندەشە، بۇل ەكى ماسەلەنى قالاي ءتۇسىنۋ كەرەك، ولاردىڭ زيانى قايسىلار؟ حالىق تورابى جۇڭگو كوممۋنيستىك پارتياسى اقپارات تورابى سىزدەرگە تالداپ كورسەتەدى.


  «جەتى بار» ايتىلىمى باسشى كادرلەردىڭ يدەياسى مەن ستيلىندەگى كورنەكتى ماسەلەلەردى توتەسىنەن ورتاعا قويعان


  «جەتى بار» ايتىلىمى ارقىلى باس شۋجي شي جينپيڭ ساياسي ءتارتىپ پەن ساياسي قاعيدانى كاپەرىنە الماعان ءىشىنارا كورنەكتى ماسەلەلەردى كورسەتىپ بەردى، بۇل سانسىزداعان ماسەلەلەردىڭ اراسىنان جيناقتالعان جانە قورىتىندىلانعان، اسا كۇشتى رەالدىق جانە باعىتتامالىق ەرەكشەلىككە يە.


  2014 – جىلى 10 – ايدىڭ 23 – كۇنى باس شۋجي شي جينپيڭ 18 – كەزەكتى ورتالىق كوميتەتتىڭ ءتورتىنشى جالپى ءماجىلىسىنىڭ 2 – رەتكى جالپى ماجىلىسىندە مىنانى اتاپ كورسەتكەن: «ءىشىنارا ادامدار پارتيانىڭ ساياسي ءتارتىبى مەن ساياسي قاعيداسىن كاپەرىنە المايدى، ءوزىنىڭ اتالمىش ءمانساپ جولى ءۇشىن، ءوزىنىڭ اتالمىش ىقپالى ءۇشىن، جاقىندارىن عانا قىزمەتكە تاعايىنداپ، باسقالاردى قاقپايلايتىندار بار، ۇيىمداسىپ، توپقا بولىنەتىندەر بار، جاسىرىن جالا جاۋىپ، وسەك – اياڭ تاراتاتىندار بار، جۇرتتى وزىنە بەيىمدەپ، وزىنە داۋىس بەرۋگە تارتاتىندار بار، شەن – شەكپەن ارقىلى ەلىكتىرەتىندەر، ءمانساپقا وتىرعان سوڭ ماڭايىنداعىلاردى جارىلقايتىندار بار، ءوز بىلگەنىن ىستەپ، كورنەۋدە تۇزىمگە بويسۇنعانسىپ، كومەسكىدە قايشى كەلەتىندەر بار، باسقارۋعا مويىنسال بولماي، ورتالىقتىڭ ورنالاستىرۋلارىنا ءجونسىز كۇمان بىلدىرەتىندەر بار». 2018 – جىلى 1 – ايدا اشىلعان 19 – كەزەكتى ورتالىق ءتارتىپ تەكسەرۋ كوميتەتى 2 – ماجىلىسىندە باس شۋجي مىنانى باسا دارىپتەگەن: «جەتى بار» ماسەلەسى — ساياسي جاقتاعى كومەسكى اپات، ءسوزسىز، پارمەندى شارا قولدانۋ ارقىلى بۇل اپاتتان ساقتانۋ جانە ونى تەجەۋ كەرەك.


  ساياسي جاقتاعى «ەكى بەتكەي ادامداردى» پارىقتاۋدا، مىناداي ادامداردان بارىنشا قىراعى بولۋ كەرەك


  «جەتى بار» ماسەلەسى بار باسشى كادرلەردىڭ بارلىعى دەرلىك ساياسي جاقتاعى «ەكى بەتكەيلەر»، ءسوزى مەن ارەكەتى بىردەي ەمەس، سويلەگەنى مەن ىستەگەنى ۇقسامايتىن، الەۋمەتتىك ورىنداردا ءادىل، پاك بولۋدى تىلگە تيەك ەتىپ، كومەسكىدە ارامزالىق ىستەپ، جۇرتشىلىقتىڭ كادرلەرگە بولعان سەنىمىنە اۋىر دارەجەدە

  كەسىرىن تيگىزەتىندەر.


  2 – ايدىڭ 27 – كۇنى جاريالانعان «ج ك پ ورتالىق كوميتەتىنىڭ پارتيانىڭ ساياسي قۇرىلسىن كۇشەيتۋ جونىندەگى پىكىرىندە»، «ەكى بەتكەيلەر» دەگەن ءسوز ءۇش رەت تىلگە الىنىپ، «ساياسي جاقتا ازعىنداعان ،ءتۇسىن وزگەرتكەن ەكى بەتكەي ادامداردى دەر كەزىندە پارىقتاپ، الاستاۋدى» باسا دارىپتەدى، «ساياسي جاقتاعى ەكى بەتكەي ادامدارعا مۇلدە ورىن بەرمەۋ كەرەك »، «پارتيا ورتالىق كوميتەتىنە كورىنىستە بويسۇنعانسىپ، كومەسكىدە قايشىلىق جاسايتىن ەكى بەتكەي ادامدارعا، ‹جالعان ادالدىققا› باساتىندارعا استە جول قويماۋ كەرەك».


  «كىسى الاسى ىشىندە» دەگەندەي، ساياسي وتكەلدى ويداعىداي يگەرىپ، «ەكى بەتكەيلەردى» دالمە – ءدال پارىقتاۋ وڭاي ەمەس. پارتيانىڭ 18 – قۇرىلتايىنان بەرى، تارتىپكە، ەرەجەگە قايشىلىق جاساعان كوپتەگەن باسشى كادرلەر تەكسەرۋگە الىنىپ ءبىرجاقتى ەتىلدى، مۇندا باسىم كوپ ساندىسى ساياسي جاقتاعى «ەكى بەتكەيلەر»، كورىنىستە ءبىر ءتۇرلى، كومەسكىدە ءبىر ءتۇرلى، اۋىز جۇزىندە ءبىر ءتۇرلى، ارەكەتتە ءبىر تۇرلىلەر. كەيبىر «ەكى بەتكەيكەر» قاراماققا ادال بولىپ بارىنشا بەزەنگەندىكتەن، ولاردىڭ جاسىرىنۋ جانە الجاستىرۋ قۋاتى وتە كۇشتى بولادى.


  ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتىنىڭ توراپ بەكەتى قۇجات شىعارىپ، ساياسي جاقتاعى «ەكى بەتكەيلەردى» پارىقتاۋدا، مىناداي ادامداردان بارىنشا قىراعى بولۋ كەرەك دەپ اتاپ كورسەتتى: مىسالى، جۇرت الدىندا سەرت بەرىپ، «ءتورت تانىمدى» جوعارى اۋەنمەن اشىق پوزيتسيادا ايتىپ، ال استىرتىن تۇردە ورتالىق كوميتەتتى قيسىنسىز جازعىرىپ، پارتيا ورتالىق كوميتەتىنىڭ لۋشيان، باعىت، ساياساتتارىن دايەكتىلەندىرمەيتىندەر؛ اۋىز جۇزىندە «ءتورت سەنىمدى»، ماركسيزمدىك سەنىمدى بەكەمدەۋ دەپ جار سالىپ، كومەسكىدە دۇرىس پەن بۇرىس ماسەلەسىندە پوزيتسياسى كۇڭگىرت، مايدانى تۇراقسىز بولعاندار؛ مەملەكەتتىڭ بولاشاعى مەن تاعدىرى جونىندە كوسىلە سويلەپ، كومەسكىدە جەكە باسىنىڭ اتاق – ابرويىنا ساياتىن ىستەردە ۇيىمدى جازعىراتىندار ؛ باسشىلاردىڭ الدىندا قۇرشا جورعالاپ، جارامساقتانىپ، ال قول استىنداعىلارمەن بۇقارانىڭ الدىندا كەردەڭ قاعىپ، ەدىرەڭدەپ، اسپەنسىپ جۇرەتىندەر؛


  ىلگەرتىندە، گۇاڭدۇڭ ولكەلىك پارتكومنىڭ بۇرىنعى تۇراقتى مۇشەسى، ولكەلىك ءتارتىپ تەكسەرۋ كوميتەتىنىڭ شۋجيى حۋاڭ شيانياۋ «ەكى بەتكەيلەردى» سارالاپ، تۇرگە ءبولىپ، سەگىز ءتۇرلى «بەت بوياۋىن» ءتىزىپ شىققان — كورىنىستە ماركسيزم – لەنينيزمگە سەنەدى، كومەسكىدە «اۋليەگە» تابىنادى؛ كورىنىستە بار ىنتاسىمەن جۇمىس ىستەيدى، كومەسكىدە ءىشىپ – جەپ راحاتقا بەرىلەدى؛ كورىنىستە دامۋدى جوسپارلاپ، كومەسكىدە مانساپتىلارمەن، ساۋداگەرلەرمەن استاسادى؛ كورىنىستە كوپتىڭ قامىن ويلاپ، كومەسكىدە «ءبىر ءۇي، ەكى ءتۇزىم» بويىنشا جۇرەدى؛ كورىنىستە مەملەكەت كادرى، كومەسكىدە ەكى كەمەنىڭ قۇيرىعىن ۇستايدى؛ سىرتتاي قاراعاندا ءتارتىپ – ءتۇزىمشىل، كومەسكىدە ءوز بىلگەنىن ىستەيدى؛ كورىنىستە بىلىمدىلەردى عانا قىزمەتكە قويادى، كومەسكىدە اقشاسى باردى مىندەتكە تاعايىندايدى؛ كورىنىستە جەرگە بولىنبەيدى، كومەسكىدە توپ قۇرادى.


  كەيبىرەۋى كەدەي كىسىمسيدى، مىسالى كيىم كيىنۋى قاراپايىم، قىزمەتكە قاتتامالى ۆەلوسيپەد ءمىنىپ شىعاتىن مەملەكەتتىك ەنەرگيا مەكەمەسى كومىر مەڭگەرمەسى باستىعىنىڭ بۇرىنعى ورىنباسارى ۋەي پىڭيۋان، اياعىنا سۋلياۋ ساندال كيىپ، بەلدىگىنىڭ جالىم – جۇلىمى شىققان گۋاڭشي جۇاڭزۋ اۆتونوميالى رايونى حىجوۋ قالاسى باستىعىنىڭ بۇرىنعى ورىنباسارى ماۋ شاۋليە؛ كەيبىرەۋى پاك كىسىمسيدى، مىسالى ءىرىپ – شىرۋگە قارسى تۇرۋ جونىندە كوپ رەت پوزيتسيا ءبىلدىرىپ، «بۇكىل وتباسىمەن ءىرىپ – ءشىرۋ»، ءسوز جوق، «بۇكىل وتباسىنىڭ جىلاپ - سىقتاۋىنا» اپارىپ سوعادى دەپ جەرىنە جەتكىزە ايتقان حىبەي ولكەلىك پارتكومنىڭ بۇرىنعى شۋجيى جوۋ بىنشۇن، ءوزىنىڭ ءبىر جىلدا 67 رەت ءىرىپ – شىرۋگە قارسى تۇرۋ قىزمەتىنە بۇرىشتاما بەرگەنىن اۋزىنان تاستامايتىن حىنان ولكەسى جياۋزو قالالىق پارتكومنىڭ بۇرىنعى شۋجيى سۇن ليكۇن؛ كەيبىرەۋى تۋىس – تۋعانىنا جان باسپايتىن كىسىمسيدى، مىسالى، ءوزىن پاكپىن دەپ ماقتانىپ، تۇرمىسىندا قيىنشىلىعى بار تۋىستارىنا كومەكتەسىپ قىزمەت ماسەلەسىن شەشىم ەتپەگەنىن العا تارتاتىن جاڭ دى قاتالىلار....


  «ەكى بەتكەيلەر» پارتيا ىشىندە تىڭنان پايدا بولعان ماسەلە ەمەس. «ەكى بەتكەي ادامدار، ەكى بەتكەي توپتار» ۇران شىعارۋعا عانا داعدىلانعان، ناقتىلى ارەكەتى از، ولاردىڭ ەڭ ۇلكەن زيانى پارتيانىڭ وبرازىنا ىقپال جاساپ، پارتيانىڭ بۇقارالىق نەگىزىن السىرەتەدى، پارتيا مەن بۇقارانىڭ اراسىن ءبولىپ، پارتيا مەن ۇكىمەت بۇقارامەن قالىپتى قاتىناس جاساي المايتىن، حالىق بۇقاراسىنىڭ ءۇنىن شىنايى تۇسىنە المايتىن جاعدايدى تۋدىرادى، ءتىپتى ورتالىقتىڭ ساياسات باعىتىن تۇبەگەيلى دايەكتىلەندىرۋدىڭ، بۇقاراعا شىنايى تابىس سەزىمىن سيلاۋدىڭ ءوزى قيىنعا سوعادى، ەڭ سوڭىندا پارتيانىڭ بيلىك جۇرگىزۋ ورنىنا حاۋىپ ءتوندىرىپ، مەملەكەتتىڭ ساياسي حاۋىپسىزدىگىنە زيان جەتكىزۋى ابدەن مۇمكىن. «ەكى بەتكەيلەر» پارتيانىڭ كادرلەردى تاڭداپ مىندەتكە تاعايىنداۋعا قاتىستى قىزمەت ءتارتىبىن قيىنشىلىق قىسپاعىندا قالدىرادى. بەيجيڭ ۋنيۆەرسيتەتى پاكتىك قۇرىلسىن زەرتتەۋ ورتالىعى مەڭگەرۋشىسىنىڭ ورىنباسارى جۋاڭ دىشۋي «ەكى بەتكەيلەردىڭ» زيانىن وسىلاي اتاپ ءوتتى.


  جۋاڭ دىشۋي بىلاي دەپ قارادى: تاماشا ساياسي ەكولوگيا قالىپتاستىرىپ، ستيل قۇرىلسىن ۇزدىكسىز ىلگەرىلەتىپ، فورماشىلدىق مەن تورەشىلىكتى جونگە سالىپ، «ەكى بەتكەي ادامداردى، ەكى بەتكەي توپتاردى» ءمانساپ جاعىندا نارىقسىز كۇيگە ءتۇسىرىپ، ولارعا ەشقانداي دامۋ ورايىن بەرمەي، ناعىز جۇمىس تىندىرعىسى كەلەتىن، جۇمىس تىندىرا الاتىن كادرلەردى باسشىلىق ورىنعا قويىپ، ولارعا كوپتەگەن دامۋ ءورىسى مەن ساحنا جاراتىپ بەرۋ كەرەك. وسىلاي ىستەگەندە عانا، جاقسى كادرلەردىڭ باستاماشىلىق جانە ۇلگىلىك رولىن اتقارۋىنا شارت – جاعداي جاراتىپ، ناشار كادرلەردى شىن مانىندە قاتاردان شىعارۋعا بولادى. اۋدارعان نۇرعيسا قۇرمانجان ۇلى، قاۋلا بەيسەن قىزى (پراكتيكانت)


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار