شي جينپيڭ ا ق ش حارۆارد ۋنيۆەرسيتەتىنىڭ مەكتەپ مەڭگەرۋشىسى لاۋرەنس باكوۋمەن كەزدەستى
ول مىنانى اتاپ كورسەتتى: وقۋ - اعارتۋ اۋىس - كۇيىسى مەن سەلبەستىگى ــ جۇڭگو - ا ق ش قاتىناسىنىڭ ماڭىزدى قۇرامداس بولەگى، بۇل جۇڭگو مەن ا ق ش دوستىعىنىڭ حالىق تىلەگى نەگىزىن بەكەمدەۋگە ءتيىمدى
2019.03.21 16:14 كەلۋ قاينارى : حالىق تورابى
«حالىق گازەتى»، 3 – ايدىڭ 20 - كۇنى، بەيجيڭ (ءتىلشى ۋاڭ يۋان). مەملەكەت ءتوراعاسى شي جينپيڭ 3 ـ ايدىڭ 20 ـ كۇنى حالىق سارايىندا ا ق ش حارۆارد ۋنيۆەرسيتەتىنىڭ مەكتەپ مەڭگەرۋشىسى لاۋرەنس باكوۋمەن كەزدەستى.
شي جينپيڭ لاۋرەنس باكوۋدىڭ حارۆارد ۋنيۆەرسيتەتىنىڭ مەكتەپ مەڭگەرۋشىسى بولعاننان كەيىن تۇڭعىش رەت جۇڭگوعا ساپارلاي كەلگەنىنە القاۋ ايتىپ، بۇل مەكتەپ مەڭگەرۋشىسى لاۋرەنس باكوۋدىڭ جۇڭگو مەن اق ش ـ تىڭ وقۋ ـ اعارتۋ اۋىس - كۇيىسىنە ءمان بەرگەندىگىن كورسەتەدى دەپ القادى. شي جينپيڭ بىلاي دەپ اتاپ كورسەتتى: وقۋ ـ اعارتۋ اۋىس ـ كۇيىسى مەن سەلبەستىگى ــ جۇڭگو - ا ق ش قاتىناسىنىڭ ماڭىزدى قۇرامداس بولەگى، بۇل جۇڭگو مەن ا ق ش دوستىعىنىڭ حالىق تىلەگى نەگىزىن بەكەمدەۋگە ءتيىمدى. جاڭا جۇڭگو قۇرىلعان 70 جىلدان بەرى، وتە - موتە رەفورما جاساپ، قاقپا اشقان 40 جىلدان بەرى شەتەلدەن ءبىلىم الىپ ەلگە ورالعان قىرۋار دارىندى جۇڭگونىڭ دامۋىنا، قۇرىلىس ىستەرىنە ماڭىزدى ۇلەس قوستى. «وزگە تاۋدىڭ تاسىنان التىن قورىتا ءبىل» دەگەن ءسوز بار. ءبىز ءوزارا ۇيرەنۋدى، ءوزارا ۇلگى الۋدى قۋاتتايمىز، شەتەلگە شىعىپ وقۋعا شابىتتاندىرامىز، جۇڭگو مەن شەتەلدىڭ وقۋ - اعارتۋ اۋىس - كۇيىسى مەن سەلبەستىگىن قولدايمىز، جۇڭگو مەن ا ق ش ـ تىڭ گۋمانيتارلىق اۋىس - كۇيىسىندە اناعۇرلىم كوپ بەلسەندى تابىسقا قول جەتكىزۋدى ءۇمىت ەتەمىز. بىلتىر جىل سوڭىندا پرەزيدەنت ترامپپەن ارگەنتينادا كەزدەستىم، ول دا جۇڭگو مەن ا ق ش - تىڭ وقۋ - اعارتۋ اۋىس - كۇيىسىن، سەلبەستىگىن قولدايتىنىن ءبىلدىردى، بۇعان قاتتى قۋاندىم.
شي جينپيڭ مىنالاردى دارىپتەدى: رەفورما جاساپ، قاقپا اشقان 40 جىلدان بەرى جۇڭگونىڭ تەز قارقىنمەن دامۋى وقۋ ـ اعارتۋ دەڭگەيىنىڭ جوعارىلاۋىنىڭ ارقاسىندا ىسكە استى دەۋگە بولادى. جۇڭگو وقۋ - اعارتۋدىڭ وسىزاماندانۋىن ىلگەرىلەتۋگە، وقۋ - اعارتۋدا قۇدىرەتتى ەل قۇرۋعا، حالىق رازى بولاتىن وقۋ - اعارتۋدى ويداعىداي جۇرگىزۋگە كۇش سالىپ كەلەدى. ءبىز وقۋ - اعارتۋ سالاسىندا سىرتقا قاقپا اشۋدى كەڭەيتىپ، دۇنيە جۇزىندەگى ەلدەرمەن اۋىس - كۇيىستى، ءوزارا ۇلگى الۋدى كۇشەيتىپ، وقۋ - اعارتۋ ىستەرىنىڭ دامۋىن بىرگە جەبەيمىز. وسى بارىستا ءبىز حارۆارد ۋنيۆەرسيتەتى قاتارلى ا ق ش وقۋ ـ اعارتۋ عىلمي زەرتتەۋ قۇرىلىمدارىمەن اناعۇرلىم كەڭ كولەمدە اۋىس ـ كۇيىس، سەلبەستىك جاساۋدى قالايمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
