بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ موناكونىڭ حانزاداسى البەرە II مەن كەڭەس وتكىزدى

2019.03.25 16:01     كەلۋ قاينارى : حالىق تورابى


  «حالىق گازەتى»، 3 – ايدىڭ 24 - كۇنى، موناكو (تىلشىلەر دۋ شاڭزى، فىڭ شۋەجۇن). مەملەكەت ءتوراعاسى شي جينپيڭ 3 – ايدىڭ 24 – كۇنى موناكونىڭ حانزاداسى البەرە II مەن كەڭەس وتكىزدى.

  شي جينپيڭ بىلاي دەپ اتاپ كورسەتتى: مارتەبەلى حانزادانىڭ ۇسىنىسىمەن موناكو كىنازدىگىنە مەملەكەتتىك ساپارمەن كەلگەنىمەن ەرەكشە قۋانىشتىمىن. بۇل − جۇڭگونىڭ مەملەكەت ءتوراعاسىنىڭ موناكودا تۇڭعىش رەت ساپاردا بولۋى. ءبىزدىڭ ەلدەرىمىزدىڭ ۇقساستاۋ كەلەتىن ۇلتتىق مىنەز – قۇلقى مەن ورتاق رۋحاني تالپىنىسى ءبىزدى ءوزارا ءتۇسىنىستىرىپ، جاقىنداستىردى. جۇڭگو مەن موناكو ديپلوماتيالىق قاتىناس ورناتقان 20 نەشە جىلدان بەرى ەكى جاق قاشان دا ىزگى نيەتتى دوستىقپەن ءبىر – بىرىنە تەڭ تۇرعىدا مامىلە جاساپ كەلەدى. قازىر جۇڭگو مەن موناكونىڭ ەكى جاقتى قاتىناسى نىق قاداممەن دامىپ، ناقتى سەلبەستىگى داۋىرمەن بىرگە العا باسۋدا، اسىرەسە، ورتانى قورعاۋ، تەلەگراف، جىلجىمالى تولەۋ سياقتى سالالاردا جۇڭگو – ەۆروپا سەلبەستىگىنىڭ الدىڭعى لەگىندە كەلەدى. جۇڭگو – موناكو قاتىناسى ۇلكەن – كىشىلىگى ۇقسامايتىن، تاريحي مادەنيەتى ۇقسامايتىن، قوعامدىق ءتۇزىمى ۇقسامايتىن مەملەكەتتەردىڭ دوستىق بارىس – كەلىسىنىڭ ۇلگىسىنە اينالدى.

  شي جينپيڭ مىنالاردى دارىپتەدى: مەن جانە مارتەبەلى حانزادانىڭ جارتى جىل ىشىندە ءوزارا ساپاردا بولۋىمىز جۇڭگو – موناكو قاتىناسىنىڭ جوعارى دەڭگەيىن ايگىلەدى. ەكى جاق ەكى جاقتى قاتىناستىڭ دۇرىس بەتالىسىن مىقتاپ يگەرىپ، ءداستۇرلى دوستىق پەن ساياسي سەنىمدى ۇزدىكسىز نىعايتىپ، بىرلەسكەن مەملەكەتتەر ۇيىمى اياسىندا جانە حالىقارالىق ىستەردە ءوزارا قاتىناس جاساپ سايكەسۋدى جانە ءوزارا قولداۋدى كۇشەيتتى. ەكى جاق قاقپا اشۋدا، سەلبەستىك جاساۋدا تاباندى بولىپ، ءوزارا پايدا جەتكىزىپ تەڭ يگىلىككە كەنەلۋدى تەرەڭدەتۋى كەرەك. جۇڭگو موناكونىڭ «ءبىر بەلدەۋ، ءبىر جولدى» بىرگە قۇرۋ حالىقارالىق سەلبەستىگىنە بەلسەنە قاتىناسۋىن قارسى الادى. ەكى جاق ەكى ەلدىڭ ورتا جاعىنداعى سەلبەستىگىنىڭ دەڭگەيىن كوتەرۋى كەرەك. جۇڭگو حانزادا قور قوعامىنىڭ جۇڭگودا ورتانى قورعاۋ بويىنشا الەۋمەتتىك يگىلىك ارەكەتىن ورىستەتىپ، گۋمانيتارلىق اۋىس – كۇيىستىڭ مازمۇنىن ۇزدىكسىز بايىتۋىن قارسى الادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار