بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

جۇڭگو كوممۋنيستىك پارتياسى ورتالىق كوميتەتى «ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ جونىندەگى پىكىردى» باسىپ تاراتتى

2019.03.29 15:53     كەلۋ قاينارى : حالىق تورابى

  شينحۋا اگەنتتىگى، 3 – ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى تاياۋدا «ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

  «ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ جونىندەگى پىكىردىڭ» تولىق ءماتىنى تومەندەگىدەي.

  ورتالىق پەن مەملەكەت ورگاندارى پارتيا مەن مەملەكەتتىڭ جونگە سالۋ جۇيەسىندە ەرەكشە ماڭىزدى ورىندا تۇرادى، ولار ــ پارتيا ورتالىق كوميتەتىنىڭ ەل باسقارۋداعى، پارتيانى باسقارۋداعى، پارتيانى جونگە سالۋداعى شەشىم، ورنالاستىرۋلارىنىڭ دايەكتىلەنۋىن، تياناقتانۋىن ىلگەرىلەتەتىن باسشىلىق ورگاندار. ورتالىق پەن مەملەكەت ورگاندارىنىڭ پارتيا قۇرىلىسى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا سايادى، پارتيا ورتالىق كوميتەتىنىڭ شەشىم، ورنالاستىرۋلارىنىڭ دايەكتىلەنۋىنە، تياناقتانۋىنا سايادى، قالىڭ حالىقتىڭ ءتۇبىرلى مۇددەسىن ىسكە اسىرۋعا سايادى. جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىلگەرىلەتۋدە ورتالىق پەن مەملەكەت ورگاندارى الدا ءجۇرۋى، ۇلگى بولۋى كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 – قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ، جاڭا داۋىردەگى پارتيا قۇرىلىسىنىڭ جالپى تالاپتارى مەن پارتيانىڭ ۇيىمدىق لۋشيانىن مۇقيات تياناقتاندىرۋ، ورتالىق پەن مەملەكەت ورگاندارىنىڭ پارتيانى جاپپاي قاتاڭ جونگە سالۋىنىڭ تەرەڭدەي دامۋىن ىلگەرىلەتۋ ءۇشىن مىناداي پىكىر شىعاردىق.

  ءبىرىنشى، جالپى تالاپ جانە نەگىزگى پرينسيپ

  (1) جالپى تالاپ. ماركسيزم – لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، باستاماشىلىقپەن «ەكىنى قورعاۋدى» ورىنداپ، پارتيانىڭ ساياسي قۇرىلىسىن باسشىلىققا الىپ، نازاريامەن قارۋلانۋدى كۇش سالا تەرەڭدەتىپ، نەگىزگى ساتىنىڭ نەگىزىن كۇش سالا بەكەمدەپ، ستيلدى دۇرىستاپ، ءتارتىپتى قاتايتۋدى كۇش سالا ىلگەرىلەتىپ، «شامنىڭ ءتۇبى قاراڭعى بولۋ» ماسەلەسىن كۇش سالا شەشىپ جانە تەجەپ، ورتالىق پەن مەملەكەت ورگاندارىنىڭ پارتيا قۇرىلىسى ساپاسىن جاپپاي جوعارىلاتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدە، دايەكتىلەندىرۋدە شىن مانىندە ۇلگى بولىپ، باستان – اياق شي جينپيڭ جولداس ۇيىتقى بولعان پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدا ۇلگى بولىپ، پارتيا ورتالىق كوميتەتىنىڭ شەشىم، ورنالاستىرۋلارىن باتىل دايەكتىلەندىرۋدە، تياناقتاندىرۋدا ۇلگى بولىپ، پارتيا ورتالىق كوميتەتى الاڭسىز، حالىق بۇقاراسى رازى بولاتىن ۇلگىلى ورگان قۇرىپ، ورتالىق پەن مەملەكەت ورگاندارى ىستەرىنىڭ دامۋىن ىلگەرىلەتۋگە پارمەندى كەپىلدىك ازىرلەۋ.

  (2) نەگىزگى پرينسيپ. پارتيانىڭ جالپى بەتتىك باسشىلىعىندا تاباندى بولۋ جانە ونى كۇشەيتۋ، پارتيانى پارتيا باسقارۋدا، پارتيانى جاپپاي قاتاڭ جونگە سالۋدا تاباندى بولۋ؛ وزەكتى ارقاۋ ەتۋدە، قوسىن قۇرىلىسىندا، بۇقاراعا قىزمەت وتەۋدە تاباندى بولىپ، ورگانداردىڭ پارتيا قۇرىلىسى مەن كاسىپتىك قىزمەتىنىڭ تەرەڭدەي توعىسۋىن، ءبىر - ءبىرىن جەبەۋىن ىلگەرىلەتۋ؛ جوعارى تومەنگە ۇلگى بولۋدا، ورگان ارقىلى جۇيەنى جەتەكتەۋدە تاباندى بولىپ، باسشىلىق ورگاندارى مەن باسشى كادرلاردىڭ ۇلگى كورسەتۋ، جەتەكتەۋ رولىن تولىق ساۋلەلەندىرۋ؛ ماسەلەنى باعدار ەتۋدە تاباندى بولىپ، تۇرگە ءبولىپ جەتەكشىلىك ەتۋدى كۇشەيتۋ، شارانى ءدال قولدانۋعا باسا ءمان بەرۋ؛ شىندىقتى ءىس جۇزىنەن ىزدەۋدە، رەفورما جاساۋدا، جاڭالىق جاراتۋدا تاباندى بولىپ، ەرەكشەلىكتى، زاڭدىلىقتى يگەرىپ، ورگانداردىڭ پارتيا قۇرىلىسى قىزمەتىنىڭ باعىتتامالىلىعىن، ناقتى ونىمدىلىگىن شىنايى كۇشەيتۋ.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار