ورتالىق كوميتەتتىڭ اۋىرتپالىقتى جەڭىلدەتۋ جونىندە قۇجات تۇسىرگەنىنە ءبىر اي بولدى، جەر – جەردەگىلەر قانداي جاڭا ساياساتتاردى ورتاعا قويدى؟

2019.04.12 14:53 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　رەداكتور ەسكەرتپەسى: بيىلعى ەكى ءماجىلىس كەزىندە، ج ك پ ورتالىق كوميتەتى كەڭسە مەڭگەرمەسى «فورماشىلدىق جاعىنداعى كورنەكتى ماسەلەلەردى شەشىپ، نەگىزگى ساتىداعىلاردىڭ اۋىرتپالىعىن جەڭىلدەتۋ جونىندەگى ۇقتىرۋدى» (تومەندە «ۇقتىرۋ» دەپ اتالادى) جاريالاپ، 2019 – جىلدى «نەگىزگى ساتىداعىلاردىڭ اۋىرتپالىعىن جەڭىلدەتۋ جىلى» دەپ ايقىن بەلگىلەدى. جۋىردا «ۇقتىرۋ» تۇسىرىلگەنىنە ءبىر اي تولدى، ورتالىق دەڭگەيىندە ارناۋلى قىزمەت مەحانيزمى قۇرىلدى.

　　حىبەي، حەيلۇڭجياڭ، جىجياڭ، جياڭشي، حۋبەي، حۋنان، گۋاڭشي، شانشي جانە چيڭحاي قاتارلى ولكەلەر قۇجات شىعارىپ، شارالاردىڭ تياناقتانۋىنا كەپىلدىك ەتتى. حەيلۇڭجياڭ ولكەسى پارتيا ورتالىق كوميتەتىنە جولدايتىن جالپىلىق مالىمدەمەنىڭ ءارىپ سانى 5000 ارىپتەن اسپاۋى كەرەك دەپ تالاپ ەتتى. شانشي ولكەسى ولكە ىشىندە اشىلعان جيىن، قيمىلداردا باسشى جولداستاردىڭ اتىن اتاعان كەزدە «قۇرمەتتى» دەپ قوسۋدىڭ قاجەتى جوق، سويلەگەن ءسوزىن «ماڭىزدى ءسوز» دەۋدىڭ قاجەتى جوق دەپ ايقىن بەلگىلەدى. @ نەگىزگى ساتىداعى بارلىق كادرلەر، سىزدەر تۇرعان ورىن قانداي جاڭا ساياساتتار شىعاردى؟ حالىق تورابى جۇڭگو كوممۋنيستىك پارتياسى اقپارات تورابىمەن بىرگە ۇيرەنىڭىز.

　　ورتالىق كوميتەت دەڭگەيىندە ارناۋلى قىزمەت مەحانيزمى قۇرىلدى، ورتالىق كوميتەتتىڭ كەڭسە مەڭگەرمەسى جەتەكشىلىك ەتەدى

　　شينحۋا اگەنتتىگىنىڭ حابارلاۋىنشا، ورتالىق كوميتەتتىڭ بەكىتۋىمەن، «ج ك پ ورتالىق كوميتەتى كەڭسە مەڭگەرمەسىنىڭ فورماشىلدىق جاعىنداعى كورنەكتى ماسەلەلەردى شەشىپ، نەگىزگى ساتىداعىلاردىڭ اۋىرتپالىعىن جەڭىلدەتۋ جونىندەگى ۇقتىرۋىن» دايەكتى تياناقتاندىرۋدى مىقتى ۇستاۋ ءۇشىن، ورتالىق دەڭگەيىندە ارناۋلى قىزمەت مەحانيزمى قۇرىلعان. 4 – ايدىڭ 1 – كۇنى ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ديڭ شۋەشياڭ بەيجيڭدە ارناۋلى قىزمەت مەحانيزمىنىڭ ءبىرىنشى رەتكى ءماجىلىسىن باسقارىپ اشتى.

　　ارناۋلى قىزمەت مەحانيزمى پارتيا ورتالىق كوميتەتىنىڭ ءبىرتۇتاس باسشىلىعىندا قىزمەت ورىستەتەدى، ورتالىق كوميتەت كەڭسە مەڭگەرمەسى جەتەكشىلىك ەتەدى، ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ مەكەمەسىنىڭ ورگاندارى، ورتالىق كوميتەتتىڭ ۇيىمداستىرۋ ءبولىمى، ورتالىق كوميتەتتىڭ ۇگىت ءبولىمى قاتارلى قاتىستى ورىندار قاتىناسىپ، تياناقتاندىرۋ قىزمەتىن ءبىرتۇتاس سايكەستىرۋگە جانە ىلگەرىلەتۋگە جاۋاپتى بولادى. ارناۋلى قىزمەت مەحانيزمى كەڭسەسى ورتالىق كوميتەت كەڭسە مەڭگەرمەسىنىڭ باقىلاۋ بولىمىنە ورنالاستىرىلادى.

　　ورتالىق كوميتەت كەڭسە مەڭگەرمەسىنىڭ «ۇقتىرۋىندا» مىنالار اتاپ كورسەتىلگەن: بەس ءتۇرلى جاقتاعى ماسەلەلەردى شەشۋ كەرەك، بىرىنشىدەن، پارتيالىلىعى پاك بولماۋ، قىزمەت ناتيجەسى جونىندەگى كوزقاراسى دۇرىس بولماۋ سىندى ماسەلەلەردى كۇش سالا شەشىم ەتۋ كەرەك، ەكىنشىدەن، تاۋداي قۇجات، تاۋسىلمايتىن جيىنداردىڭ قايتالانۋى ماسەلەسىن شەشىم ەتۋ كەرەك، ۇشىنشىدەن، باقىلاۋ، باسقارۋ، باعالاۋدىڭ وتە كوپ، وتە ءجيى بولۋى، بەلگى قالدىرۋدىڭ شەگىنەن اسىپ كەتۋى ماسەلەلەرىن شەشىم ەتۋ كەرەك، تورتىنشىدەن، كادرلاردىڭ مىندەت ارقالاۋعا باتىلدىق ەتپەۋ، مىندەتتى ويداعىداي ورىنداماۋ ماسەلەسىن كۇش سالا شەشىم ەتۋ كەرەك، بەسىنشىدەن، نەگىزگى ساتىداعىلاردى قينايتىن فورماشىلدىق ماسەلەلەرىن شەشىم ەتۋگە پارمەندى تۇردە كەپىلدىك ەتۋ كەرەك.

　　كوپ جەردەگىلەر قۇجاتتاردىڭ ءارىپ سانىنا قوياتىن تالاپتى ايقىندادى، حەيلۇڭجياڭ ولكەسى پارتيا ورتالىق كوميتەتىنە جولدايتىن مالىمدەمەنىڭ 5000 ارىپتەن اسپاۋىن تالاپ ەتتى

　　ورتالىق كوميتتەتتىڭ قۇجاتىمەن سالىستىرساق، جەرگىلىكتى ورىندار جاريالاعان ءتۇرلى شارالار، بىرىنشىدەن، ورتالىق كوميتەتتىڭ ۇقتىرۋىنىڭ تالاپتارىنا قاتاڭ بويسۇنعان، ەكىنشىدەن، جەرگىلىكتى ورىننىڭ ءىس جۇزىندىك جاعدايىنا قاراي ەگجەي - تەگجەيلى بەلگىلەنگەن.

　　مىسالى، «تاۋداي قۇجات، تاۋسىلمايتىن جيىننىڭ قايتا باس كوتەرۋى ماسەلەسى» جونىندە، «ۇقتىرۋدا» ورتالىق كوميتەت دەڭگەيىنەن باستاپ، ساتىلار بويىنشا قۇجاتتار مەن جيىنداردى زور مولشەردە قىسقارتۋدى، اۋدان دارەجەلىدەن تومەنگى ورىندارعا تۇسىرەتىن قۇجاتتار مەن اشاتىن جيىنداردى %30 ~ %50 ازايتۋدى تالاپ ەتكەن. ورتالىق كوميتەت باسىپ تاراتقان ساياساتتىق قۇجاتتار، پرينسيپتىك جاقتان، 10 بەتتەن اسىپ كەتپەۋى، جەرگىلىكتى ورىن مەن تاراۋلار وسى بويىنشا قاتاڭ مەڭگەرۋى كەرەك دەپ بەلگىلەنگەن.

　　قۇجاتتاردى ىقشامداۋ جاعىندا، حەيلۇڭجياڭ ولكەسى مىناداي تالاپتار قويعان: ولكەلىك پارتكوم مەن ولكەلىك ۇكىمەت اتىنان باسىپ تاراتىلعان بارلىق ساياساتتىق قۇجاتتار، پرينسيپتىك جاقتان، 10 بەتتەن اسىپ كەتپەۋى (ادەتتە 5000 ارىپتەن اسىپ كەتپەۋى) كەرەك. پارتيا ورتالىق كوميتەتىنە جولدايتىن جالپىلىق مالىمدەمەنىڭ ءارىپ سانى 5000 ارىپتەن اسىپ كەتپەۋى كەرەك، ارناۋلى مالىمدەمەنىڭ ءارىپ سانى ادەتتە 3000 ارىپتەن اسىپ كەتپەۋى كەرەك. ولكەلىك پارتكوم مەن ولكەلىك ۇكىمەتكە جولدايتىن جالپىلىق باياندامانىڭ ءارىپ سانى ادەتتە 4000 ارىپتەن اسىپ كەتپەۋى، ارناۋلى مالىمدەمەنىڭ ءارىپ سانى ادەتتە 2500 ارىپتەن اسىپ كەتپەۋى كەرەك.

　　جىجياڭ ولكەلىك پارتكوم مەن ولكەلىك ۇكىمەت ساياساتتىق قۇجاتتاردىڭ ءارىپ سانىن 5000 ارىپتەن اسىرماۋدى تالاپ ەتتى. حۋنان ولكەسى ورتا – ۇزاق مەرزىمدىك جوسپار تۋرالى قۇجاتتان تىس، پارتيا ىشىندەگى باسقا زاڭ - ەرەجەلەر مەن جۇيەگە ءتۇسىرۋ سيپاتىندىق قۇجاتتار، جالپىلىق مالىمدەمەلەر 5000 ارىپتەن اسپاۋى كەرەك، ارناۋلى قىزمەت مالىمەتى 2000 ارىپتەن اسپاۋى كەرەك دەپ بەلگىلەدى.

　　مۇنان سىرت، قۇجاتتاردىڭ قۇپيالىق دارەجەسى جونىندە، حىبەي ولكەلىك پارتكومنىڭ كەڭسە مەڭگەرمەسى «فورماشىلدىق جاعىنداعى كورنەكتى ماسەلەلەردى شەشىپ، نەگىزگى ساتىداعىلاردىڭ اۋىرتپالىعىن جەڭىلدەتۋ جونىندەگى شارالار» اتتى قۇجاتتى باسىپ تاراتتى، مۇندا قۇجاتتاردىڭ قۇپيالىق دارەجەسىن ۇيلەسىمدى تۇراقتاندىرۋدى تالاپ ەتكەن. قۇجاتتاردىڭ قۇپيالىق دارەجەسى مەن تاراتىلۋ اۋماعىن دۇرىس پارىقتاپ، اشىق جاريالاۋعا كەلەتىندەرىن اشىق جاريالاۋ، قۇپيالىق دارەجەسىن الىپ تاستاۋعا كەلەتىندەرىن الىپ تاستاۋ، قۇجاتتاردىڭ قۇپيالىق دارەجەسى وتە جوعارى بولۋ، ۇيرەنۋگە جانە دايەكتىلەندىرۋگە قولايسىزدىق تۋدىرۋ سىندى ماسەلەلەردى شىنايى شەشىم ەتۋ كەرەك دەپ بەلگىلەدى.

　　حىبەي، چيڭحاي قاتارلى جەرلەر «ءماجىلىس اشىلمايتىن اي» بەلگىلەمەسىن جولعا قويىپ، ءماجىلىس ۋاقىتىن قاتاڭ تىزگىندەۋدى اتقاردى

　　«ساتىلار بويىنشا ءماجىلىس اشۋ» ماسەلەسىنە باعىتتاي وتىرىپ، حىبەي، چيڭحاي ەكى جەر «ءماجىلىس اشىلمايتىن اي» ءتۇزىمىن جولعا قويۋدى تۇراقتاندىردى. حىبەي ولكەسى قاجەتسىز ماجىلىستەردى قىسقارتۋدى تالاپ ەتتى. «ءماجىلىس اشىلمايتىن اي» تۇزىمىنە تاباندى بولىپ، جايشىلىقتا ولكە دارەجەلى ورىندار ءار جىلى 8 – ايدا بۇكىل ولكە دارەجەلى ءماجىلىس اشپاۋدى تۇراقتاندىردى. چيڭحاي ءار ايدىڭ ءبىرىنشى اپتاسىن «ءماجىلىس اشىلمايتىن اپتا»، ءار جىلدىڭ 4 – اي، 10 - ايلارىن «ءماجىلىس اشىلمايتىن اي» دەپ بەلگىلەۋدى تالاپ ەتتى. «ءماجىلىس اشىلمايتىن اي»، «ءماجىلىس اشىلمايتىن اپتا» مەزگىلىندە، پرينسيپتىك جاقتان، ولكەلىك سيپات العان ءماجىلىس ورنالاستىرىلمايدى.

　　جىجياڭ ولكەسى ءار اپتانىڭ سارسەنبى كۇنىن ولكەلىك پارتكوم مەن ولكەلىك ۇكىمەتتە ءماجىلىس اشىلمايتىن كۇن (ولكەلىك پارتكومنىڭ جالپى ءماجىلىسى مەن ولكەلىك ۇكىمەتتىڭ جالپى ءماجىلىسىنەن سىرت) دەپ بەلگىلەدى. جوعارى دارەجەلى ورىن اشقان ماجىلىسكە، پرينسيپتىك جاقتان، تەك ءبىر دارەجە تومەن ورىنداعىلار عانا قاتىناسادى.

　　ماجىلىسكە جۇمسالاتىن ۋاقىت جاعىنا باعىتتاي وتىرىپ، جياڭشي ولكەلىك پارتكوم «فورماشىلدىقتان ساقتانىپ، نەگىزگى ساتىداعىلاردىڭ اۋىرتپالىعىن جەڭىلدەتۋدەگى 30 تارماقتى شارانى» باسىپ تاراتىپ، ولكەلىك سيپات العان ماڭىزدى ماجىلىستە سويلەنگەن ءسوز، جاسالعان بايانداما قاتارلىلار 90 مينۋت ىشىندە اياقتالۋى، باسقارۋ ءسوزى 20 ىشىندە بولۋى كەرەك دەپ بەلگىلەگەن.

　　شانشي ولكەلىك پارتكومنىڭ كەڭسە مەڭگەرمەسى «فورماشىلدىقتاعى كورنەكتى ماسەلەلەردى شەشىپ، نەگىزگى ساتىداعىلاردىڭ اۋىرتپالىعىن جەڭىلدەتۋدەگى 10 تارماقتى شارانى» جۋىردا باسىپ تاراتتى. قۇجاتتا مىنالار تالاپ ەتىلدى: ولكەلىك پارتيا قۇرىلتايى، ولكەلىك پارتكومنىڭ جالپى ءماجىلىسى، ولكەلىك «ەكى ءماجىلىس» قاتارلى ماجىلىستەردەن سىرت، ولكەلىك پارتكوم، ولكەلىك ۇكىمەتتەگى باستى جاۋاپتى جولداستاردىڭ ولكەلىك سيپات العان ماجىلىسكە قاتىناسقانداعى سويلەگەن ءسوزى ادەتتە 70 مينۋتتان اسپاۋى كەرەك؛ ارناۋلى تاقىرىپتاعى ءماجىلىس، اڭگىمە ءماجىلىسى قاتارلى باسقا دا ماجىلىستەردە باسشىلاردىڭ سويلەگەن ءسوزى 30 مينۋتتان اسپاۋى، جازباشا ماتەريال باسىپ تاراتىلعان بولسا، ءسوز سويلەگەندە قاز - قالپىندا وقىماۋ، ۋاقىتى 8 مينۋتتان اسپاۋى كەرەك.

　　نازار اۋدارۋعا تاتيتىنى، شانشي ولكەسى ولكە دارەجەلى پارتكوم، ۇكىمەت اتىنان ەڭ ءبىرىنشى بولىپ بىلاي دەپ كورسەتتى: ولكە ىشىندەگى ماجىلىستەر مەن قيمىلداردا باسشى جولداستاردى اتاعاندا «قۇرمەتتى» دەگەن ءسوزدى قوسپاۋ، سويلەنەتىن ءسوزدى «ماڭىزدى ءسوز» دەمەۋ، ادەتتەگى ماجىلىستەردە ءسوز سويلەگەندە باس ءيىپ قۇرمەت بىلدىرمەۋ كەرەك.

　　كوپتەگەن جەرلەر باسى ارتىق ۋيچات، APP قاتارلىلاردى رەتتەدى، جىجياڭ ولكەسى ناتيجەنى مەزەت سايىن جاريالاپ وتىرۋدى كۇشىنەن قالدىردى

　　نەگىزگى ساتىداعى كادرلەردىڭ اڭىسى كۇشتى بولعان «باقىلاۋ، تەكسەرۋ، باعالاۋدىڭ شەكتەن تىس كوپ بولۋى، شەكتەن تىس كوپ بەلگى قالدىرۋ ماسەلەلەرىنە» باعىتتاي وتىرىپ، جىجياڭ ولكەسى مىنالاردى تالاپ ەتتى: كۇندەلىكتى قىزمەتتە، نەگىزگى ساتىداعىلاردان QQ، ۋيچات، ارناۋلى APP قاتارلىلار ارقىلى ناتيجەنى مەزەت سايىن جاريالاپ وتىرۋدى تالاپ ەتۋگە بولمايدى. ولكەگە توتە قاراستى ورىندار، پرينسيپتىك جاقتان، قىزمەت تۇرىندەگى ءبىر عانا ۋيچات تەكشەسىن قولدانۋى كەرەك، نەگىزگى ساتىداعىلاردان ۋيچات تەكشەسىن زورلىقتى تۇردە قولفونعا قوسۋدى جانە قاتىستى ينفورماتسيالار مەن ماتەريالداردى جولداۋدى تالاپ ەتۋىنە بولمايدى.

　　حۋبەي ولكەسى «فورماشىلدىقتىڭ، تورەشىلدىكتىڭ الدىن الۋ جانە ونى جونگە سالۋدىڭ شارالارىندا» مىنالاردى تالاپ ەتتى: زورلىقتى تۇردە ۋيچات تەكشەسىن جالپىلاستىرۋعا، ۇكىمەت ىستەرىنە قاتىستى APPدى زورلىقتى تۇردە جالپىلاستىرۋعا، ۋيچات، QQ قىزمەت توبىن جانە ۇكىمەت ىستەرىنە قاتىستى APP قاتارلىلاردى 24 ساعات قىزمەتتىڭ مەدياسى ەتۋگە، ۋيچات، QQ قىزمەت توبىندا قىزمەتكە قاتىستى كورىنىس قيما سۋرەتىن جولداۋدى نەمەسە كەسكىن تارتىپ جولداۋدى ناقتى قىزمەت جاعدايىنىڭ ورنىنا قويۋعا بولمايدى. «توپتى كىم قۇرسا سول جاۋاپتى بولۋ»، «كىم باسقارسا سول جاۋاپتى بولۋ» پرينسيپىنە ساي، ۋيچات، QQ قىزمەت توبى مەن ۇكىمەت ىستەرى APP قولدانباسى قاتارلىلاردى رەتكە سالۋ، ۇقساس تيپتەگى ۇكىمەت ىستەرى، جۇمىس سيپاتىندىق قىزمەت وتەيتىن قىزمەت توبى مەن APP قاتارلىلاردى بىرىكتىرىپ، مۇنداي توپتاردى كوپ جاقتى ورنالاستىرۋدان، قايتالاي ورنالاستىرۋدان ساقتانۋ كەرەك. جۇڭگو كوممۋنيستىڭ پارتياسى اقپارات تورابىنىڭ ءتىلشىسى ياۋ شي رەتتەگەن / نۇرعيسا قۇرمانجان ۇلى، قاۋلا بەيسەن قىزى اۋدارعان / ماتەريالداردىڭ كەلۋ قاينارى: شينحۋا اگەنتتىگى، جەر - جەردەگى پارتيا گازەتتەرى

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

ارناۋلى تاقىرىپ

حالىق تورابىنىڭ «جاڭا جىبەك جولى» اتىنداعى فوتوسۋرەت جارىسى

حالىق تورابى قازاقشا ارناسى ۇسىنادى ــ جىلقى جىلعى تابىستار

كەسكىن

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved