ج ك پ ورتالىق كوميتەت كەڭسەسى، مەملەكەتتىك كەڭەس كەڭسەسى «تورەلىك ايتۋ ءتۇزىمىن كەمەلدەندىرۋ، تورەلىك ايتۋدىڭ الەۋمەتتىك سەنىمدىلىگىن جوعارىلاتۋ جونىندەگى ءبىرقانشا پىكىردى» باسىپ تاراتتى
2019.04.17 16:16 كەلۋ قاينارى : حالىق تورابى
شينحۋا اگەنتتىگى، 4 – ايدىڭ 16 - كۇنى، بەيجيڭ. ج ك پ ورتالىق كوميتەت كەڭسەسى، مەملەكەتتىك كەڭەس كەڭسەسى تاياۋدا «تورەلىك ايتۋ ءتۇزىمىن كەمەلدەندىرۋ، تورەلىك ايتۋدىڭ الەۋمەتتىك سەنىمدىلىگىن جوعارىلاتۋ جونىندەگى ءبىرقانشا پىكىردى» باسىپ تاراتتى ءارى حابارلاندىرۋ شىعارىپ، جەر – جەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«ءبىرقانشا پىكىردە» مىنالار اتاپ كورسەتىلدى: تورەلىك ايتۋ − ەلىمىزدىڭ زاڭىندا بەلگىلەنگەن داۋ – شاردى شەشۋى ءتۇزىمى ءارى حالىقارادا جاپپاي قولدانىلاتىن داۋ – شار شەشۋ ءتاسىلى. تورەلىك ايتۋدىڭ داۋگەرلەردىڭ ءوز تىلەگىن ءوزى بيلەۋىنە قۇرمەت ەتۋ جانە داۋ – شاردى يكەمدى، ۇتىمدى شەشۋ سياقتى جاقتارداعى رولىن ساۋلەلەندىرۋ داۋ – شار شەشۋدىڭ كوپ نەگىزدى مەحانيزمىن كەمەلدەندىرۋ، قايشىلىقتى ادىلدىكپەن شەشۋ، دەر كەزىندە شەشۋ، داۋ – شاردى ۇيلەسىمدى جويۋ، قوعامنىڭ ورنىقتىلىعىن قورعاۋ، رەفورما جاساپ، قاقپا اشۋدى جەبەۋ، ەكونوميكانىڭ، قوعامنىڭ ۇزدىكسىز دامۋىن قامتاماسىز ەتۋ جونىنەن ماڭىزدى مانگە يە. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 – قۇرىلتايىنىڭ جانە پارتيا 19 – كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جان – جاقتى دايەكتىلەندىرىپ، تياناقتاندىرىپ، تورەلىك ايتۋ ءتۇزىمىن كەمەلدەندىرىپ، تورەلىك ايتۋدىڭ الەۋمەتتىك سەنىمدىلىگىن جوعارىلاتىپ، جۇڭگوشا سوتسياليستىك تورەلىك ايتۋدى دامىتۋ جولىمەن بۇلجىماستان ءجۇرۋ كەرەك.
«ءبىرقانشا پىكىردە» مىنالار ايقىندالدى: تورەلىك ايتۋ قۇرىلىمدارىن قۇرۋعا جانە كەزەك اۋىستىرۋعا قاتىستى قىزمەتتەردى ارناعا ءتۇسىرۋ، تورەلىك ايتۋ قۇرىلىمدارىنىڭ زاڭ بويىنشا دەربەس قىزمەت ىستەۋىن قامتاماسىز ەتۋ، داۋگەرلەردىڭ ءوز تىلەگىنە ءوزى قوجايىن بولۋ پرينسيبىن تياناقتاندىرۋ، تورەلىك ايتۋدىڭ دامۋ ءتارتىبىن ءبۇلدىرۋ ارەكەتتەرىن تۇزەتۋ سياقتى جاقتاردا تورەلىك ايتۋ زاڭ تۇزىمدەرىن قاتاڭ دايەكتىلەندىرۋ، تياناقتاندىرۋ كەرەك. تورەلىك ايتۋ كوميسسياسىنىڭ الەۋمەتتىك يگىلىك سيپاتىن، ساۋداعا جاتپايتىن سيپاتىن ايقىنداپ، كوميسسيا قۇرىلىسىن كۇشەيتىپ، ىشكى جونگە سالۋ قۇرىلىمىنا جانە باسقارۋ مەحانيزمىنە رەفورما جاساپ جانە ونى كەمەلدەندىرىپ، تورەلىك ايتۋشىلاردى تاڭداپ ۇسىنىس ەتۋدى جانە باسقارۋدى جاقسارتىپ، تورەلىك ايتۋ حاتشىلىعىن ارنايىلاندىرۋ جانە مامانداندىرۋ قۇرىلىسىن ىلگەرىلەتۋ كەرەك. تورەلىك ايتۋ تۇزىمىنە رەفورما جاساۋدى، وندا جاڭالىق جاراتۋدى جەدەل ىلگەرىلەتىپ، تورەلىك ايتۋدىڭ نەگىزگى ساتىداعى قوعامدىق جونگە سالۋمەن توعىسۋىنا قولداۋ كورسەتىپ، ينتەرنەتتە تورەلىك ايتۋدى بەلسەندىلىكپەن دامىتىپ، كاسىپتىك سەلبەسۋ مەن تورەلىك ايتۋدىڭ وڭىرلىك دامۋىن ىلگەرىلەتۋ كەرەك. مەملەكەتتىڭ جاپپاي قاقپا اشۋ جانە دامۋ ستراتەگياسىنا قىزمەت وتەپ، تورەلىك ايتۋ كوميسسياسىنىڭ حالىقارالىق باسەكەلىك قۋاتىن جوعارىلاتىپ، سىرتقا باعىتتالعان اۋىس – كۇيىستى، سەلبەستىكتى كۇشەيتىپ، شياڭگاڭ، اۋمىن، تايۋاننىڭ تورەلىك ايتۋ قۇرىلىمدارىمەن سەلبەستىكتى تەرەڭدەتۋ كەرەك. پارتيانىڭ باسشىلىعىن كۇشەيتىپ، ۇكىمەتتىڭ تورەلىك ايتۋ قىزمەتىنە قولداۋ كورسەتۋ جانە ونى باقىلاۋ تەبىنىن ارتتىرىپ، كاسىپتىك تەجەمدى كەمەلدەندىرىپ، ءادىليالىق قولداۋ كورسەتۋ، باقىلاۋ مەحانيزمىن كەمەلدەندىرىپ، قوعامنىڭ باقىلاۋ رولىن ساۋلەلەندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
