ءتوراعا شي جينپيڭنىڭ حالىق تەڭىز ارمياسىنىڭ دامۋىنا كوڭىل بولگەنى جونىندە
2019.04.23 15:42 كەلۋ قاينارى : حالىق تورابى
حالىق تەڭىز ارمياسىنىڭ العا باسۋىندا شۇعىلالى ساپار جولىنا پارتيا جەتەكشىلىك ەتتى.
70 جىل قان كەشىپ، داڭققا شومدى، 70 جىل ۇدىرە العا تارتتى. حالىق تەڭىز ارمياسى 1949 - جىلى 23 - ساۋىردە دۇنيەگە كەلگەننەن بەرى پارتيانىڭ پارمەندى باسشىلىعىندا، تولقىن جارا ىلگەرىلەپ، بايتاق تەڭىز - مۇحيتتان ەرلىكپەن ەندەي ءوتىپ، ءداۋىردىڭ دامۋ اعىمىنا ارشىندى قادام تاستاپ، كۇللى دۇنيە ءجۇزىن جالت قاراتقان ۇلى تابىستارعا قول جەتكىزىپ، بەس ءىرى اسكەر ءتۇرى تولىق، يادرولىق قارۋلارى مەن جاي قارۋلارى قاتار سايلانعان ستراتەگيالىق ارمياعا اينالدى.
پارتيانىڭ 18 - قۇرىلتايىنان بەرى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ستراتەگيالىق تۇرعىسىندا تۇرىپ، تەڭىز ـ مۇحيتتا قۇدىرەتتى ەل قۇرۋ ۇلى ۇندەۋىن شىعارىپ، حالىق تەڭىز ارمياسىنا زور ءۇمىت ارتىپ، زور قامقورلىق جاساپ، حالىق تەڭىز ارمياسىنىڭ قۇرىلىسى مەن ۇزاق بولاشاقتىق دامۋىنا ساياتىن ءبىرقىدىرۋ ستراتەگيالىق جوبا جاسادى. حالىق تەڭىز ارمياسى قۇرىلىستىڭ، دامۋدىڭ جاڭا ورايىن قارسى الىپ، تاريحي قارىشتاپ دامۋدىڭ جاڭا ساپارىن باستادى.
ۇزاقتى بولجاي وتىرىپ جوبا جاساپ، مىڭداعان جەلكەننىڭ تەڭىزگە بەت الۋىنا جول نۇسقادى
«مەملەكەت تەڭىزگە قاراي كوركەيەدى، تەڭىزگە قاراي قۇلدىرايدى، تەڭىزدى باسقارا الماسا، تەڭىزدىڭ باسقارۋىندا كەتەدى». بۇل تاريحتا جۇڭحۋا ۇلتىنىڭ ەستەن كەتپەس ساباعى بولدى، 1840 - جىلدان 1949 - جىلعا دەيىنگى ءجۇز نەشە جىلدا دۇنيە جۇزىندەگى بەلدى ەلدەر جيىنى 470 نەشە رەت تەڭىزدەن جۇڭگوعا شاپقىنشىلىق جاسادى.
«تەڭىز ارمياسى بولماسا، تەڭىز قورعانىسى بولماق ەمەس». جاڭا جۇڭگو قۇرىلۋ قارساڭىندا ماۋ زىدۇڭدى باستى ۋاكىل ەتكەن جۇڭگو كوممۋنيستەرى نازارىن تەڭىز - مۇحيتقا اۋدارىپ، تەڭىز قورعانىسىن كۇشەيتۋ، تەڭىز ارمياسىن قۇرۋ جونىندە جاپالى ىزدەنىستەر جاسادى.
1949 – جىلى 1 - ايدىڭ 8 - كۇنى ورتالىق كوميتەتتىڭ ساياسي بيۋروسى شيبايپودا ءماجىلىس اشىپ، ماۋ زىدۇڭ جازعان «قازىرگى جاعداي جانە پارتيانىڭ 1949 - جىلعى مىندەتىن» ماقۇلداپ، «تەڭىز جاعالاۋىن، وزەن جاعالاۋىن قورعايتىن تەڭىز ارمياسىن قۇرۋ» مىندەتىن العا قويدى.
سول جىلى 4 - ايدىڭ 23 - كۇنى جۇڭگو حالىق ازاتتىق ارمياسى شىعىس جۇڭگو اسكەري رايونى تەڭىز ارمياسى جياڭسۋدىڭ تايجوۋ قالاسىنداعى بايمامياۋدا دۇنيەگە كەلگەنى جاريالاندى. 8 - ايدىڭ 28 - كۇنى ماۋ زىدۇڭ شىعىس جۇڭگو اسكەري رايونىنىڭ تەڭىز ارمياسىنا: «ءبىز، ءسوز جوق، تەڭىز ارمياسىن قۇرۋىمىز كەرەك، وسى تەڭىز ارمياسى تەڭىز قورعانىسىن قورعاپ، يمپەرياليستەردىڭ مۇمكىندىگى بار شاپقىنشىلىعىنان ۇتىمدى قورعانۋى كەرەك» دەگەن ارناۋ ءسوز جازىپ بەردى.
جاڭا جۇڭگو قۇرىلعان العاشقى مەزگىلدە ويراندالعاننىڭ ءبارىن كوركەيۋگە تۋرا كەلدى. 1952 – جىلى 11 - ايدىڭ 17 - كۇنى ماۋ زىدۇڭ قۇدىرەتتى تەڭىز ارمياسىن ساتى بويىنشا قۇرۋ جونىندە ماڭىزدى نۇسقاۋ بەردى. 1953 – جىلى 2 - ايدىڭ 19 - كۇنى ماۋ زىدۇڭ تۇڭعىش رەت تەڭىز ارمياسى قوسىندارىن كوزدەن كەشىرىپ ، 4 كۇن، 3 ءتۇن اسكەري كەمەگە وتىرىپ، «چاڭجياڭ»، «لوياڭ»، «نانچاڭ»، «حۋاڭحى»، «گۋاڭجوۋ» سىندى 5 سوعىس كەمەسىنە ارناۋ ءسوز جازىپ بەردى، مۇنىڭ بارلىعى «جيانگەرلەردىڭ شاپقىنشىلىعىنا قارسى تۇرۋ ءۇشىن، ءبىز، ءسوز جوق، قۇدىرەتتى تەڭىز ارمياسىن قۇرۋىمىز كەرەك» دەگەن مازمۇندا ەدى. 1959 - جىلى ماۋ زىدۇڭ باتىلدىقپەن: «يادرولىق سۇڭگۋىر كەمەنى قانشاما زامان وتسە دە جاساپ شىعۋىمىز كەرەك!» دەگەن ۇيعارىم جاسادى. حالىق تەڭىز ارمياسى مەملەكەت قۇرۋشى كوسەم سىزعان ۇلى جوبانى بويلاپ، جوقتان بار بولۋ، كىشكەنەدەن زورايۋ، السىزدەن قۇدىرەتتەنۋ ايبىندى جورىعىن باستادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
