شي جينپيڭ تەڭىز ارمياسى قۇرىلعانىنىڭ 70 جىلدىعىن قۇتتىقتاۋعا ارنالعان تەڭىزدەگى پارات قيمىلىنا قاتىناستى
2019.04.24 16:06 كەلۋ قاينارى : حالىق تورابى
شينحۋا اگەنتتىگى، 4 – ايدىڭ 23 - كۇنى، چيڭداۋ (تىلشىلەر لي شۋەيۇڭ، لي شۋانلياڭ، مەي شىشيۇڭ). جۇڭگو حالىق ازاتتىق ارمياسى تەڭىز ارمياسىنىڭ 70 جىلدىق مەرەي تويى ساتىندە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 – ايدىڭ 23 – كۇنى چيڭداۋدا وتكىزىلگەن تەڭىز ارمياسى قۇرىلعانىنىڭ 70 جىلدىعىن قۇتتىقتاۋعا ارنالعان تەڭىزدەگى پارات قيمىلىنا قاتىناستى.
چيڭداۋ ارالى كوكتەم شۋاعىنا بولەنىپ، حۋاڭحاي تەڭىزىندە تولقىن تۋلادى. چيڭداۋ اۋفان ورتالىق كەمە تۇراعىندا كوزدەن كەشىرۋ مىندەتىن ارقالاعان شينيڭ سوعىس كەمەسىنە تەڭىز ارمياسىنىڭ ەڭ جوعارى قۇرمەتى بويىنشا مەملەكەت تۋلارى، ارميا تۋلارى ءىلىندى، بەس جۇلدىزدى قىزىل تۋ، 1 – تامىز ارميا تۋى جەلبىرەدى. 61 مەملەكەتتەن كەلگەن تەڭىز ارمياسى ۋاكىلدەر ۇيىرمەلەرىنىڭ باستىقتارى كوزدەن كەشىرۋ كەمەسىنە جينالىپ، مەرەيلى ءساتتى كۇتتى.
ساعات 12 دەن 40 مينۋت وتكەندە شي جينپيڭ چيڭداۋ اۋفان ورتالىق كەمە تۇراعىنا كەلدى. ايبىندى مۋزىكا ءۇنى ىشىندە شي جينپيڭ تەڭىز ارمياسىنىڭ قۇرمەت قاراۋىلدارىن كوزدەن كەشىرىپ، ونان سوڭ كوزدەن كەشىرۋ كەمەسىنە شىقتى.
ساعات 13 تە كوزدەن كەشىرۋ كەمەسى گۋدوك شالىپ ورنىنان قوزعالىپ، پارات وتەتىن تەڭىز ايدىنىنا قاراي ءجۇردى.
ساعات 14 تەن 30 مينۋت وتكەندە كوزدەن كەشىرۋ كەمەسى بەلگىلەنگەن تەڭىز ايدىنىنا جەتتى. تەڭىز ارمياسىنىڭ باس قولباسشىسى شىن جينلۇڭ كوزدەن كەشىرۋدى قابىلدايتىن قوسىننىڭ ساقاداي سايلانىپ بولعانىن مالىمدەدى، شي جينپيڭ كوزدەن كەشىرۋدى باستاۋ بۇيرىعىن بەردى. تەڭىز ۇستىندە جىگەرلى «سالتانات قاتارى مارىشى» مۋزىكاسىنىڭ اۋەنى كوتەرىلدى.
كوزدەن كەشىرۋدى قابىلدايتىن سوعىس كەمەلەرى سۇڭگۋىر كەمەلەر توبى، قۋعىنداۋشى كەمەلەر توبى، قورعاۋشى كەمەلەر توبى، جاعاعا شىعۋشى كەمەلەر توبى، كومەكشى كەمەلەر توبى، اۆياماتكا شوعىرى بولىپ ءبولىنىپ، تولقىن جارا ءجۇزىپ ءوتتى. كوزدەن كەشىرۋدى قابىلدايتىن ۇشاقتار گۇرىلدەپ اۋەدەن ۇشىپ ءوتتى.
تەڭىز بۋىرقانىپ، كەمەلەر مەن ۇشاقتار اسقاق ايبىن ايگىلەدى. 1949 – جىلى 4 – ايدىڭ 23 – كۇنى جياڭسۋدىڭ تايجوۋ بايمامياۋ دەگەن جەرىندە جەلكەن كوتەرگەننەن بەرى حالىق تەڭىز ارمياسى پارتيانىڭ جەتەكشىلىگىندە تولقىن جارا العا تارتىپ، بىرتىندەپ دامىپ، مەملەكەتتىڭ يەلىك ۇقىىعن، حاۋىپسىزدىگىن، دامۋ مۇددەسىن ءونىمدى قورعاي الاتىن تەڭىز قارۋلى كۇشىنە اينالدى.
كوزدەن كەشىرۋدى قابىلدايتىن سوعىس كەمەلەرى كوزدەن كەشىرۋ كەمەسىنىڭ الدىنان وتكەن كەزدە ۇزاق گۋدوك شالىنىپ، كوماندير – جاۋىنگەرلەر سالتاناتتى قاتار تۇزەپ، باس شۋجي شي جينپيڭگە قۇرمەت ءبىلدىردى. «جولداستار، سالەمەتسىزدەر مە!» «ءتوراعا، سالەمەتسىز بە!» «جولداستار، جاپا شەكتىڭىزدەر!» «حالىق ءۇشىن قىزمەت ىستەيمىز!» اسكەري مۋزىكاعا تولقىن داۋىسى قوسىلىپ، شي جينپيڭنىڭ ىقىلاستى سالەمى مەن كوماندير – جاۋىنگەرلەردىڭ ايبىندى جاۋابى ءبىر – ءبىرىنىڭ ايبىنىن اسىرىپ، باس قولباسشى مەن كوماندير – جاۋىنگەرلەردىڭ جۇرەگى تىعىز توعىستى.
جاڭا ءداۋىر، جاڭا ساپار. شي جينپيڭ حالىق تەڭىز ارمياسىنىڭ قۇرىلىسىنا ايرىقشا ءمان بەرىپ، ىلگەرىندى – كەيىندى كوپ رەت تەڭىز ارمياسى قوسىندارىنا قىزمەت تەكسەرىپ، «حالىق تەڭىز ارمياسىن دۇنيە جۇزىندە بىرەگەي تەڭىز ارمياسى ەتىپ جاپپاي قۇرىپ شىعۋعا قۇلشىنۋ» ۇندەۋىن تاستادى. حالىق تەڭىز ارمياسى جاڭا بەينەمەن ارشىنداي العا باسىپ، تەڭىز بەن كوكتە ارمان قۋدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
