شي جينپيڭ 2 – كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسقان ءبىر ءبولىم مەملەكەتتىڭ باسشىلارىمەن جانە حالىقارالىق ۇيىمداردىڭ جاۋاپتىلارىمەن جەكە – جەكە كەزدەستى
2019.04.25 16:11 كەلۋ قاينارى : حالىق تورابى
شي جينپيڭ موزامبيكتىڭ پرەزيدەنتى نيۋسيمەن كەزدەستى
«حالىق گازەتى»، 4 – ايدىڭ 24 - كۇنى، بەيجيڭ (ءتىلشى لي ۋەيحۇڭ). مەملەكەت ءتوراعاسى شي جينپيڭ 4 - ايدىڭ 24 - كۇنى حالىق سارايىندا موزامبيكتىڭ پرەزيدەنتى نيۋسيمەن كەزدەستى.
شي جينپيڭ مىنالاردى اتاپ كورسەتتى: پرەزيدەنت مىرزانىڭ جۇڭگوعا كەلىپ، 2 – كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسۋىن قارسى الامىز. وسى كەزەكتى فورۋمدا ءار ەل باسشىلارى ورتاق اقىلداسۋ، ورتاق قۇرۋ، ورتاق يگىلىكتەنۋ پرينسيبى بويىنشا، دامۋ ساياساتتارىن توعىستىرۋ، نەگىزدىك قۇرىلعىلاردى ءوزارا بايلانىستىرۋ، باياندى دامۋ سياقتى ورتاق كوڭىل ءبولىپ وتىرعان كەڭەستىك تاقىرىپتاردى تالقىلاپ، دۇنيە ءجۇزى ەكونوميكاسىنىڭ ارتۋىن جەبەۋگە، حالىقارالىق ەكونوميكالىق سەلبەستىكتى ىلگەرىلەتۋگە اناعۇرلىم زور ۇلەس قوسادى. موزامبيك − بايىرعى تەڭىز جىبەك جولىنىڭ ماڭىزدى بەكەتى، تاياۋ جىلداردان بەرى «ءبىر بەلدەۋ، ءبىر جولدى» ورتاق قۇرۋعا بەلسەنە ات سالىستى. ەكى جاق «ءبىر بەلدەۋ، ءبىر جول» سەلبەستىك جوباسىن بىرگە ىلگەرىلەتۋ جونىندە ءبىر اۋىزدىلىققا كەلدى، ءوزارا ءتيىمدى سەلبەستىكتىڭ ساپاسىن جوعارىلاتىپ، ونىمدىلىگىن ارتتىرۋعا كۇش سالىپ، گۋمانيتارلىق اۋىس - كۇيىستى، سەلبەستىكتى كۇشەيتىپ، جۇڭگو مەن موزامبيكتىڭ جولداستىق، باۋىرلاستىق ءداستۇرلى دوستىعىنا ۇزدىكسىز مۇراگەرلىك ەتۋ جانە ونى ساۋلەلەندىرۋ كەرەك.
شي جينپيڭ ازەربايجاننىڭ پرەزيدەنتى اليەۆپەن كەزدەستى
«حالىق گازەتى»، 4 – ايدىڭ 24 - كۇنى، بەيجيڭ (ءتىلشى دۋ ي - فەي). مەملەكەت ءتوراعاسى شي جينپيڭ 4 - ايدىڭ 24 - كۇنى حالىق سارايىندا ازەربايجاننىڭ پرەزيدەنتى اليەۆپەن كەزدەستى.
شي جينپيڭ مىنالاردى اتاپ كورسەتتى: ازەربايجان − جۇڭگونىڭ ەۆرو - ازيا وڭىرىندەگى ماڭىزدى سەلبەستىك سەرىگى، سونداي - اق «ءبىر بەلدەۋ، ءبىر جولدى» بىرگە قۇرۋعا ەڭ ەرتە ءۇن قوسقان جانە بەلسەنە ات سالىسقان ەلدەردىڭ ءبىرى. جۇڭگو مەن ازەربايجان سەلبەستىگى ءبىرقىدىرۋ تابىسقا قول جەتكىزىپ، ەكى ەل حالىقتارىنا ناقتى پايدا جەتكىزدى. جۇڭگو ازەربايجان حالقىنىڭ ءوز ەلىنىڭ دامۋ جاعدايىنا ۇيلەسەتىن دامۋ جولىن تاڭداعانىن، ازەربايجاننىڭ ەكونوميكانى دامىتۋ، حالىق تۇرمىسىن جاقسارتۋ جولىنداعى قۇلشىنىسىن قولدايدى. جۇڭگو مەن ازەربايجاننىڭ «ءبىر بەلدەۋ، ءبىر جولدى» بىرگە قۇرۋ ىستەرىنىڭ بولاشاعى زور. جۇڭگو ازەربايجانمەن قول ۇستاسا قۇلشىنىپ، «ءبىر بەلدەۋ، ءبىر جولدى» بىرگە قۇرۋدى وراي ەتىپ، دامۋ جوباسىن توعىستىرىپ، نەگىزدىك قۇرىلعى قۇرىلىسى قاتارلى اۋقىمدى سالاداعى سەلبەستىكتى تەرەڭدەتىپ، مادەنيەت، وقۋ - اعارتۋ، جەرگىلىكتى ورىندار ارا اۋىس - كۇيىستى كەڭەيتىپ، ءوزارا ءتۇسىنىسۋ مەن دوستىقتى كۇشەيتۋدى قالايدى.
شي جينپيڭ ەفيوفيانىڭ پرەمەر مينيسترى ابيمەن كەزدەستى
«حالىق گازەتى»، 4 – ايدىڭ 24 - كۇنى، بەيجيڭ (ءتىلشى لي ۋەيحۇڭ). مەملەكەت ءتوراعاسى شي جينپيڭ 4 - ايدىڭ 24 - كۇنى حالىق سارايىندا ەفيوفيانىڭ پرەمەر مينيسترى ابيمەن كەزدەستى.
شي جينپيڭ مىنالاردى دارىپتەدى : ەفيوپيا − جۇڭگونىڭ افريكاداعى ماڭىزدى سەلبەستىك سەرىگى. جۇڭگو مەن ەفيوفيانىڭ ەكەۋى دە − دامۋ ۇستىندەگى ءىرى ەلدەر، ءبارى دە ءوز قۇلشىنىسىنا سۇيەنىپ، ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇردى. جۇڭگو ەفيوفيانىڭ ورنىقتىلىقتى قورعاۋ، ەكونوميكانى دامىتۋ، حالىق تۇرمىسىن جاقسارتۋ جولىنداعى قۇلشىنىستارىن قولدايدى، ەفيوفيامەن جوعارى جىكتەگىلەردىڭ بارىس - كەلىس جاعدايىن جالعاستىرىپ، ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ءوزارا ءتۇسىنىسۋدى جانە قولداۋدى قالايدى؛ ەكى جاقتى ءوزارا ءتيىمدى سەلبەستىكتى ىلگەرىلەتىپ، ەفيوفيانىڭ ونەركاسىپتەنۋ ورەسى مەن ەكسپورت ارقىلى سىرتقى پەرەۆود تابۋ قۋاتىن جوعارىلاتۋىنا كومەكتەسەدى؛ كليمات وزگەرىسى، افريكا مۇيىسىندەگى جاعداي سياقتى حالىقارالىق جانە وڭىرلىك ىستەردە پىكىرلەسۋدى، سايكەسۋدى جيىلەتۋ كەرەك. جۇڭگو «ءبىر بەلدەۋ، ءبىر جولدى» بىرگە قۇرۋدى جانە جۇڭگو - افريكا سەلبەستىك فورۋمى بەيجيڭ ءسامميتىنىڭ تابىسىن تياناقتاندىرۋدى وراي ەتىپ، ەكى ەلدىڭ جان - جاقتى ستراتەگيالىق سەلبەستىك، ارىپتەستىك قاتىناسىن تەرەڭدەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى.
شي جينپيڭ بيرمانىڭ مەملەكەت ىستەرى اقىلشىسى اڭسان سۋكيمەن كەزدەستى
«حالىق گازەتى»، 4 – ايدىڭ 24 - كۇنى، بەيجيڭ (ءتىلشى دۋ ي - فەي). مەملەكەت ءتوراعاسى شي جينپيڭ 4 - ايدىڭ 24 - كۇنى حالىق سارايىندا بيرمانىڭ مەملەكەت ىستەرى اقىلشىسى اڭسان سۋكيمەن كەزدەستى.
شي جينپيڭ مىنالاردى اتاپ كورسەتتى: جۇڭگو مەن بيرما − دوستىق سۇيىسپەنشىلىگى تەرەڭ، ءبىر وزەننىڭ سۋىن بىرگە ىشەتىن تاعدىرلاس ورتاق تۇلعا. جاڭا جاعدايدا جۇڭگو بيرمامەن ءداستۇرلى دوستىقتى ساۋلەلەندىرىپ، ءوزارا ءتيىمدى سەلبەستىكتى نىعايتىپ، جۇڭگو - بيرما قاتىناسىنىڭ ۇزدىكسىز دامۋىن ىلگەرىلەتۋدى قالايدى. ەكى جاق كەلەر جىلى جۇڭگو مەن بيرمانىڭ ديپلوماتيالىق قاتىناس ورناتقانىنىڭ 70 جىلدىعىن قۇتتىقتاۋ قيمىلىنا ۇشتاستىرىپ، ءار دارەجەلى بارىس - كەلىس پەن گۋمانيتارلىق اۋىس - كۇيىستى بەلسەنە ورىستەتىپ، ەكى ەلدىڭ ناقتى سەلبەستىگىن حالىق تۇرمىسى سالاسىنا كوبىرەك بەيىمدەپ، جۇڭگو - بيرما دوستىعىنىڭ حالىق رايى نەگىزىن ۇزدىكسىز بەكەمدەۋى كەرەك. جۇڭگو بيرمانىڭ ەكونوميكانى دامىتىپ، حالىق تۇرمىسىن جاقسارتۋىن قولدايدى، بيرما ۇكىمەتىنىڭ ەل ىشىندەگى بەيبىتشىلىكتى ىلگەرىلەتۋ جولىنداعى قۇلشىنىسىن القايدى. جۇڭگو جۇڭگو - بيرما شەكاراسىنىڭ حاۋىپسىزدىگى مەن ورنىقتىلىعىن بيرمامەن بىرگە قورعاپ، شەكارا تۇرعىندارىنىڭ حاۋىپسىزدىگى مەن قالىپتى ءتارتىپتى شىنايى قامتاماسىز ەتۋدى قالايدى.
شي جينپيڭ حالىقارالىق اقشا قورى ۇيىمىنىڭ ءتوراعاسى لاگادپەن كەزدەستى
«حالىق گازەتى»، 4 – ايدىڭ 24 - كۇنى، بەيجيڭ (ءتىلشى لي ۋەيحۇڭ). مەملەكەت ءتوراعاسى شي جينپيڭ 4 - ايدىڭ 24 - كۇنى حالىق سارايىندا حالىقارالىق اقشا قورى ۇيىمىنىڭ ءتوراعاسى لاگادپەن كەزدەستى.
شي جينپيڭ مىنالاردى اتاپ كورسەتتى: لاگارد حانىم حالىقارالىق اقشا قورى ۇيىمىنىڭ جۇڭگومەن سەلبەستىك جاساۋىن بەلسەنە ىلگەرىلەتتى، «ءبىر بەلدەۋ، ءبىر جولدى» بىرگە قۇرۋ حالىقارالىق سەلبەستىگىن قولدادى، جۇڭگو مۇنى القايدى. جۇڭگو حالىقارالىق اقشا قورى ۇيىمىمەن تاماشا قاتىناستى بەلسەنە باعالايدى، ەكى جاقتىڭ سەلبەستىگىن ۇزدىكسىز تەرەڭدەتۋدى ءۇمىت ەتەدى. قازىر كوپتەگەن ەلدىڭ «ءبىر بەلدەۋ، ءبىر جولدى» بىرگە قۇرۋعا ات سالىسۋى بارعان سايىن كوبەيىپ كەلەدى، بۇل «ءبىر بەلدەۋ، ءبىر جولدىڭ» ءار ەلدىڭ دامۋ قاجەتىنە ۇيلەسەتىنىن، جۇرت كوڭىلىنە ۇيالاعانىن تولىق دالەلدەدى. ءبىز حالىقارالىق اقشا قورى ۇيىمى سياقتى حالىقارالىق قۇرىلىمداردىڭ «ءبىر بەلدەۋ، ءبىر جولدى» بىرگە قۇرۋعا ءتىپتى دە بەلسەنە ات سالىسۋىن قارسى الامىز، وسى سەلبەستىك ارقىلى «ءبىر بەلدەۋ، ءبىر جول» بويىنداعى ەلدەردى ءتىپتى دە جاقسى الەۋمەتتىك ونىممەن قامداۋدى قالايمىز.
شي جينپيڭ جاپونيا باس ءۋازىرىنىڭ ەرەكشە ەلشىسى توشيحيرو نيكايمەن كەزدەستى
«حالىق گازەتى»، 4 – ايدىڭ 24 - كۇنى، بەيجيڭ (ءتىلشى دۋ ي - فەي). مەملەكەت ءتوراعاسى شي جينپيڭ 4 - ايدىڭ 24 - كۇنى حالىق سارايىندا جاپونيا باس ءۋازىرىنىڭ ەرەكشە ەلشىسى، ەركىن دەموكراتتار پارتياسى باس ءىس ءبىتىرۋشىسى توشيحيرو نيكايمەن كەزدەستى.
شي جينپيڭ مىنالاردى اتاپ كورسەتتى: قازىر جۇڭگو - جاپونيا قاتىناسى قالىپتى ارناعا ءتۇسىپ، بەلسەندى دامۋ اۋقىمى جارىققا شىقتى. ەكى جاق جۇڭگو مەن جاپونيانىڭ 4 ساياسي قۇجاتىندا بەلگىلەنگەن ءتۇرلى پرينسيپتەرگە بويسۇنىپ، بەيبىتشىلىك، دوستىق نەگىزگى باعىتىنان جازباي، ءوزارا ءتيىمدى سەلبەستىكتى ۇزدىكسىز تەرەڭدەتىپ، ەكى ەل قاتىناسىنىڭ اقاۋسىز، ورنىقتى دامۋىن ىلگەرىلەتۋى كەرەك. جۇڭگو مەن جاپونيانىڭ «ءبىر - بىرىنە حاۋىپ توندىرمەۋ»، «ءبىر - ءبىرىنىڭ سەلبەستىك سەرىگى بولىپ، ءبىر - ءبىرىنىڭ بەيبىت دامۋىن قولداۋ» سىندى ساياسي ورتاق تانىمىن ناقتى تياناقتاندىرىپ، ەكى ەلدىڭ ءار سالاداعى اۋىس - كۇيىسى مەن سەلبەستىگىن تىڭ دەڭگەيگە كوتەرۋ كەرەك. ەكى جاق سەلبەستىك كومەسكى كۇشىن اشۋلارى كەرەك. جۇڭگو جاپونيانىڭ جۇڭگونىڭ رەفورما جاساپ، قاقپا اشۋىنا ۇزدىكسىز ىشكەرىلەي ات سالىسۋىن قارسى الادى، جاپونيانىڭ «ءبىر بەلدەۋ، ءبىر جولدى» بىرگە قۇرۋعا اناعۇرلىم بەلسەنە ات سالىسۋىن ءۇمىت ەتەدى. ەكى جاق قارىم - قاتىناس پەن سايكەسۋدى كۇشەيتىپ، كوپ جاقتىلىقتى جانە ەركىن ساۋدانى بىرگە قورعاپ، دۇنيە ءجۇزىنىڭ اشىق ەكونوميكا جۇيەسىن قۇرۋدى بىرگە ىلگەرىلەتۋى كەرەك. جۇڭگو جاپونيانىڭ 20 ەل توبى باسشىلارىنىڭ وساكا باسشىلار كەڭەسىن ويداعىداي وتكىزۋىن قولدايدى. بيىل − جۇڭگو - جاپونيا جاستارى مەن ورەندەرىنىڭ اۋىس - كۇيىسىن جەبەۋ جىلى، ەكى جاق ەكى ەل حالىقتارى اراسىندا، اسىرەسە، جاستار مەن ورەندەر اراسىندا دوستىق تۇقىمىن سەۋىپ، حالىقتارىمىزىڭ تىلەگىن توعىستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
