شي جينپيڭ مەن پىڭ لييۋان ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسۋعا كەلگەن شەتەلدىك باسشىلار مەن ولاردىڭ حانىمدارىن، قۇرمەتتى قوناقتاردى قارسى الدى

2019.04.27 10:49   كەلۋ قاينارى : حالىق تورابى

　　ءتوراعا شي جينپيڭ مەن حانىمى پىڭ لييۋان 4 – ايدىڭ 26 – كۇنى بەيجيڭدەگى حالىق قۇرىلتايى سارايىندا قوناعاسى وتكىزىپ، ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسۋعا كەلگەن شەتەلدىك باسشىلار مەن ولاردىڭ حانىمدارىن، قۇرمەتتى قوناقتاردى قارسى الدى. سۋرەتتە: شي جينپيڭ مەن پىڭ لييۋان شەتەلدىك باسشىلارمەن جانە ولاردىڭ حانىمدارىمەن، قۇرمەتتى قوناقتارمەن سۋرەتكە ءتۇسىپ، ەستەلىك قالدىرۋدا. شينحۋا اگەنتتىگىنىڭ ءتىلشىسى شيە حۋانچى فوتوسى

　　حالىق گازەتى، 4 – ايدىڭ 26 – كۇنى، بەيجيڭ (ءتىلشى: لي ۋەيحۇڭ، ۋاڭ دي) مەملەكەت ءتوراعاسى شي جينپيڭ مەن حانىمى پىڭ لييۋان 4 – ايدىڭ 26 – كۇنى حالىق قۇرىلتايى سارايىندا قوناعاسى وتكىزىپ، ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسۋعا كەلگەن شەتەلدىك باسشىلار مەن ولاردىڭ حانىمدارىن، قۇرمەتتى قوناقتاردى قارسى الدى. لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قوناعاسىعا قاتىناستى.

　　4 – ايدا بەيجيڭدە كوكتەم لەبى ەستى. سول كۇنى كەشتە حالىق قۇرىلتايى سارايى ەرەكشە سالتاناتقا ەنىپ، قوناقتار مەن دوستاردىڭ جۇزىنەن كۇلكى ەستى. كەشكى ساعات 7دەن 35 مينۋت وتكەندە، شي جينپيڭ مەن پىڭ لييۋان ەكىنشى قاباتتاعى قوناقتاردى قارسى الۋ سارايىنا كەلىپ، شەتەلدىك باسشىلار جانە ولاردىڭ حانىمدارىمەن ءبىر – بىرلەپ قول الىسىپ، ءوزارا اماندىق سۇراستى. «تابيعات قانداي تاماشا» اتتى ءىرى قابىرعا سۋرەتتىڭ الدىندا، شي جينپيڭ مەن پىڭ لييۋان شەتەلدىك باسشىلار جانە ولاردىڭ حانىمدارىمەن سۋرەتكە ءتۇسىپ، ەستەلىك قالدىردى.

　　قوناقتاردى قارسى الۋعا ارنالعان شات – شادىمان مۋزيكا ءۇنى ىشىندە، شي جينپيڭ مەن پىڭ لييۋان قۇرمەتتى قوناقتارمەن بىرگە قوناعاسى زالىنا قادام تاستادى.

　　شي جينپيڭ ءسوز سويلەپ، جۇڭگو ۇكىمەتى مەن جۇڭگو حالقى اتىنان قۇرمەتتى قوناقتاردى قارسى الدى. شي جينپيڭ: وسى ءبىر ۇمىتكە تولى مەزگىلدە، ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمى ۋادەلى ۋاقىتتا اشىلدى. ءبىز سان مىڭ شاقىرىم شالعايدان كەلىپ، بەيجيڭدە باس قوسىپ وتىرمىز، وسىنداي قىمباتتى باس قوسۋ ورايىن قادىرلەۋىمىز كەرەك، — دەپ اتاپ كورسەتتى.

　　كەلۋ قاينارى: حالىق تورابى