شي جينپيڭ قازاقستاننىڭ تۇڭعىش پرەزيدەنتى نازاربايەۆتى «دوستىق» وردەنىمەن ماراپاتتاۋ ءراسىمىن وتكىزدى
2019.04.29 10:50 كەلۋ قاينارى : حالىق تورابى
سۋرەتتە: مەملەكەت ءتوراعاسى شي جينپيڭ 4 – ايدىڭ 28 – كۇنى بەيجيڭ حالىق قۇرىلتايى سارايىنىڭ ورتالىق زالىندا قازاقستاننىڭ تۇڭعىش پرەزيدەنتى نازاربايەۆتى «دوستىق» وردەنىمەن ماراپاتتاۋ ءراسىمىن وتكىزدى. شينحۋا اگەنتتىگىنىڭ ءتىلشىسى ياۋ داۋەي فوتوسى
حالىق گازەتى، 4 – ايدىڭ 28 – كۇنى، بەيجيڭ (ءتىلشى: دۋ شاڭزى) مەملەكەت ءتوراعاسى شي جينپيڭ 4 – ايدىڭ 28 – كۇنى حالىق قۇرىلتايى سارايىنىڭ ورتالىق زالىندا قازاقستاننىڭ تۇڭعىش پرەزيدەنتى نازاربايەۆتى «دوستىق» وردەنىمەن ماراپاتتاۋ ءراسىمىن وتكىزدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى، پارتيا مەن مەملەكەتتىڭ ەڭبەك ءسىڭىرىپ، داڭققا يە بولعانداردى ماراپاتتاۋ قىزمەتى كوميتەتىنىڭ مەڭگەرۋشىسى ۋاڭ حۋنيڭ ماراپاتتاۋ راسىمىنە قاتىناستى.
ايبىندى ورتالىق زال ساۋلەتتى، سالتاناتتى، قىزۋ ىقىلاستى كۇيگە بولەندى. جۇڭگو مەن قازاقستان ەكى ەلدىڭ مەملەكەت تۋلارى قاتارلاستىرىپ رەتتى قويىلعان. قىزىل ءتۇستى كەڭ ارتقى كورىنىس تاقتاسىنا حانزۋشا، قازاقشا «جۇڭحۋا حالىق رەسپۋبليكاسىنىڭ ‹دوستىق› وردەنىمەن ماراپاتتاۋ ءراسىمى» دەگەن جازۋ جازىلعان، التىن تۇستەس «دوستىق» وردەنىنىڭ ناقىشتارى شام جارىعىندا جالت – جۇلت جاينايدى.
ءراسىم باستالىپ، جۇڭگو حالىق ازاتتىق ارمياسى قۇرمەت قاراۋىلى جاساقتارى قۇرمەت قادامىمەن وردەنمەن ماراپاتتاۋ تەكشەسىنە شىعىپ، ەكى جاققا ءبولىنىپ ورنالاستى.
ايبىندى قۇرمەت مۋزيكاسى ءۇنى ىشىندە، شي جينپيڭ مەن نازاربايەۆ قىزىل كلەممەن قاتارلاسا ءجۇرىپ، ورتالىق زالعا كەلدى، راسىمگە قاتىناسقان بۇكىل زالداعى قۇرمەتتى قوناقتار ورىندارىنان تۇرىپ، قىزۋ قول سوعىپ، جانارلارىمەن ۇزاتىپ، قۇرمەت ءبىلدىردى.
شي جينپيڭ مەن نازاربايەۆ وردەنمەن ماراپاتتاۋ تەكشەسىنە شىقتى.
اسكەري وركەستر جۇڭحۋا حالىق رەسپۋبليكاسىنىڭ مەملەكەت ءانىن ورىندادى.
مەملەكەت ءانى اياقتاعان سوڭ، شي جينپيڭ ءسوز سويلەدى. شي جينپيڭ بىلاي دەدى: بۇگىن ءبىز وسى ارادا سالتاناتتى ءراسىم وتكىزىپ، جۇڭگو حالقىنىڭ كونەكوز دوسى، جاقسى دوسى قازاقستان رەسپۋبليكاسىنىڭ تۇڭعىش پرەزيدەنتى نازاربايەۆتى جۇڭحۋا حالىق رەسپۋبليكاسىنىڭ شەتەلدىكتەردى ماراپاتتايتىن ەڭ جوعارى قۇرمەت وردەنى — «دوستىق» وردەنىمەن ماراپاتتايمىز. تۇڭعىش پرەزيدەنت نازاربايەۆ حالىقارادا بەدەلدى ساياساتكەر ءارى جۇڭگو مەن قازاقستاننىڭ جان – جاقتى ستراتەگيالىق سەرىكتەستىك قارىم – قاتىناسىنىڭ نەگىزىن قالاۋشى ءارى ىلگەرىلەتۋشى. ول جانە جۇڭگو باسشىلارىنىڭ بىرگە جەتەكشىلىك ەتۋىنىڭ، ىلگەرىلەتۋىنىڭ ارقاسىندا، جۇڭگو – قازاقستان قارىم – قاتىناسى ۇدايى جوعارى ورەدە بولىپ، مول تابىستارعا قول جەتكىزدى. تۇڭعىش پرەزيدەنت نازاربايەۆ ءوزىنىڭ كورەگەندىگىمەن شاڭحاي سەلبەستىك ۇيىمى جانە ازيا ءوزارا سەلبەستىك جانە سەنىمدىلىك شارالارى ءماجىلىسىنىڭ قارقىندى دامۋىن ىلگەرىلەتتى، ءوڭىردىڭ، ءتىپتى دۇنيە ءجۇزىنىڭ بەيبىتشىلىگىن قورعاۋعا ماڭىزدى ۇلەس قوستى.
شي جينپيڭ مىنانى اتاپ كورسەتتى: 2013 – جىلى مەن جىبەك جولى ەكونوميكالىق بەلدەۋىن بىرگە كوركەيتۋ دارىپتەمەسىن قازاقستاندا تۇڭعىش رەت ورتاعا قويعاندا، ەڭ الدىمەن تۇڭعىش پرەزيدەنت نازاربايەۆ پەن قازاقستان قوعامىنىڭ ءار سالاسىنداعىلاردىڭ قىزۋ ءۇن قوسۋىنا يە بولدىم. «ءبىر بەلدەۋ، ءبىر جولدى» بىرگە كوركەيتۋ اياسىندا، جۇڭگو مەن قازاقستان ەڭ الدىمەن ءوندىرىس قۋاتى سەلبەستىگىن ورىستەتىپ، دامۋ ستراتەگياسىن سايكەستىرۋدى تەرەڭدەتىپ، ءبىرقىدىرۋ كەلەلى سەلبەستىك نىساندارىن اتقاردى. جۇڭگو مەن قازاقستاننىڭ سەلبەستىگى حالىقارالىق قوعامدا باسىمدىلىقتارىمەن ءوزارا تولىقتاپ، ءوزارا تيىمدىلىك جەتكىزىپ، ورتاق يگىلىككە كەنەلۋدىڭ ۇلگىسىن تىكتەدى، جاڭا تيپتەگى حالىقارالىق قارىم – قاتىناستاردى ورناتىپ، ادامزاتتىڭ ورتاق تۇلعاسىن كوركەيتۋدى ىلگەرىلەتۋگە مول وڭ ەنەرگيا سيلادى. جۇڭگو مەن قازاقستان ەكى ەلدىڭ ۇلتتىڭ ۇلى گۇلدەنۋىن، مەملەكەتتىڭ باي دا قۇدىرەتتى بولۋىن ىسكە اسىرۋ ساپارىندا قول ۇستاسا، قاتارلاسا قادام تاستاپ، ارمانعا قاراي العا باسۋىن، جۇڭگو مەن قازاقستان قارىم – قاتىناسىنىڭ شۇعىلالى بولاشاعىن ۇزدىكسىز جاراتۋىن ءۇمىت ەتەمىن.
وسىدان سوڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەتتىڭ سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى، پارتيا مەن مەملەكەتتىڭ ەڭبەك ءسىڭىرىپ، داڭققا يە بولعانداردى ماراپاتتاۋ قىزمەتى كوميتەتىنىڭ مەڭگەرۋشىسىنىڭ ورىنباسارى ياڭ جيەچى «مەملەكەت ءتوراعاسىنىڭ وردەنمەن ماراپاتتاۋ بۇيرىعىن» وقىدى. زالدى تاعى دا قىزۋ شاپالاق ءۇنى كەرنەدى.
بۇكىل زالداعىلار ورىندارىنان تۇرىپ، جىم – جىرتتىقتى ساقتادى، مەملەكەت تۋىن قورعاۋشى ساربازدار «دوستىق» وردەنىن قورعاپ، زالعا جەتكىزدى.
قۇرمەت مۋزيكاسى ىشىندە شي جينپيڭ نازاربايەۆكە سالتاناتتى تۇردە وردەن تاقتى. ولار شىنايى قول الىسىپ، ىقىلاسپەن قۇشاقتاستى. زالدى ۇزاققا سوزىلعان شاپالاق ءۇنى كەرنەدى.
اسكەري مۋزيكا ۇيىرمەسى قازاقستان رەسپۋبليكاسىنىڭ مەملەكەت ءانىن ورىندادى.
نازاربايەۆ راحىمەت ءبىلدىرۋ ءسوزىن سويلەدى. نازاربايەۆ بىلاي دەدى: ءتوراعا شي جينپيڭنىڭ بۇگىن مەنى جۇڭحۋا حالىق رەسپۋبليكاسىنىڭ «دوستىق» وردەنىمەن ماراپاتتاعانىنا شىنايى راحىمەت ايتامىن، بۇل مەن ءۇشىن اسا زور داڭق. بۇل وردەن جۇڭگو جاقتىڭ مەنىڭ قازاقستان مەن جۇڭگونىڭ جان – جاقتى ستراتەگيالىق سەرىكتەستىك قارىم – قاتىناسىن ىلگەرىلەتۋدەگى قۇلشىنىستارىما جوعارى باعا بەرگەنىن كورسەتەدى. قازاقستان مەن جۇڭگونىڭ ءوزارا قۇرمەت ەتۋ جانە ءوزارا سەنىمدىلىك نەگىزىندە ورناتقان دوستىق قارىم – قاتىناسى مەملەكەت پەن مەملەكەت اراسىنداعى قارىم – قاتىناستىڭ ۇلگىسىنە اينالدى، ەكى ەل اراسىندا ەشقانداي شەشىلمەگەن ماسەلە جوق. مەن جۇڭگو باسشىسىمەن اراداعى تەرەڭ دوستىقتى جانە ءوزارا سەنىمدىلىكتى ماڭگى جۇرەگىمدە ساقتايمىن. جۇڭگونىڭ ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىن ءساتتى وتكىزگەنىن شىن جۇرەكتەن قۇتتىقتايمىن. ءتوراعا شي جينپيڭ ورتاعا قويعان «ءبىر بەلدەۋ، ءبىر جول» دارىپتەمەسى تابىستى حالىقارالىق سەلبەستىك تەكشەسىنە اينالىپ، ازيا مەن ەۆروپا قۇرلىعىنىڭ بىرگە دامۋىن ىلگەرىلەتىپ قالماستان، دۇنيە ءجۇزىنىڭ بەيبىتشىلىگى مەن كوركەيىپ – گۇلدەنۋىن دە ىلگەرىلەتتى. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى قارساڭىندا، مەن جۇڭگو حالقىنىڭ شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسىنىڭ باسشىلىعىندا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ءساتتى ىسكە اسىرۋىن شىن جۇرەكتەن تىلەيمىن. جۇڭگونىڭ دامۋى مەن كوركەيىپ – گۇلدەنۋى دۇنيە جۇزىنە كەلەلى تيىمدىلىك جەتكىزەدى.
وردەنمەن ماراپاتتاۋ راسىمىنە ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ چىن، مەملەكەتتىك كەڭەس مۇشەسى ءارى سىرتقى ىستەر مينيسترى ۋاڭ ي، مەملەكەتتىك كەڭەس مۇشەسى ءارى مەملەكەتتىك كەڭەستىڭ باس حاتشىسى شياۋ جيە، مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، باتىر، حى ليفىڭ قاتارلىلار قاتىناستى. پارتيا مەن مەملەكەتتىڭ ەڭبەك ءسىڭىرىپ، داڭققا يە بولعانداردى ماراپاتتاۋ قىزمەتى كوميتەتىنىڭ مۇشەلەرى، ەكى ەلدىڭ ءار سالاسىنداعى دوس قايراتكەرلەر، جۇڭگو مەن قازاقستان جاستارى مەن وسپىرىمدەرى بولىپ، 400 نەشە ادام وردەنمەن ماراپاتتاۋ راسىمىنە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
