شي جينپيڭ قازاقستاننىڭ تۇڭعىش پرەزيدەنتى نازاربايەۆپەن كەزدەستى
2019.04.29 13:16 كەلۋ قاينارى : حالىق تورابى
سۋرەتتە: مەملەكەت ءتوراعاسى شي جينپيڭ 4 – ايدىڭ 28 – كۇنى بەيجيڭدەگى حالىق قۇرىلتايى سارايىندا قازاقستاننىڭ تۇڭعىش پرەزيدەنتى نازاربايەۆپەن كەزدەستى. شينحۋا اگەنتتىگىنىڭ ءتىلشىسى لي شۋەرىن فوتوسى
شينحۋا اگەنتتىگى، 4 – ايدىڭ 28 – كۇنى، بەيجيڭ (ءتىلشى: دۋ يفەي) مەملەكەت ءتوراعاسى شي جينپيڭ 4 – ايدىڭ 28 – كۇنى حالىق قۇرىلتايى سارايىندا قازاقستاننىڭ تۇڭعىش پرەزيدەنتى نازاربايەۆپەن كەزدەستى.
شي جينپيڭ مىنانى باسا دارىپتەدى: نازاربايەۆ مىرزا قازاقستان مەملەكەتىنىڭ نەگىزىن قالاۋشى ءارى ۇلت كوشباسشىسى، قازاقستاننىڭ تاۋەلسىزدىگى مەن دامۋىنا وشپەس ۇلەس قوستى، قازاقستان ۇلتتارىنا ەڭبەك ءسىڭىردى، تاعىلىم قالدىردى، ۇلگى تىكتەدى، سونىمەن بىرگە، جۇڭگو مەن قازاقستاننىڭ جان – جاقتى ستراتەگيالىق سەرىكتەستىك قارىم – قاتىناسىنىڭ ورناۋى مەن دامۋىنا تاريحي سيپاتتى ۇلەس قوستى، بۇعان ءبىز جوعارى باعا بەرەمىز. جۇڭگو مەن قازاقستان قارىم – قاتىناسى 27 جىلدى باستان كەشىرىپ، تاريحي سىناقتاردان ءوتىپ، قۋاتتى ومىرشەڭدىك كۇشىن كورسەتتى. جۇڭگو جاق قازاقستاننىڭ تاۋەلسىزدىگىن، ەگەمەندىگىن، تەرريتورياسىنىڭ تۇتاستىعىن، قوعامىنىڭ ورنىقتىلىعىن، ەكونوميكاسىنىڭ دامۋىن باتىل قولدايدى.
شي جينپيڭ مىنانى باسا دارىپتەدى: جۇڭگو مەن قازاقستان «ءبىر بەلدەۋ، ءبىر جولدى» بىرگە كوركەيتۋدىڭ جول باستاۋشىلارى. ەكى جاق جالعاستى قايراتتانا ۇمتىلىپ، دامۋ ستراتەگياسىن ۇشتاستىرۋدى تەرەڭدەتىپ، جىبەك جولى ەكونوميكالىق بەلدەۋى قۇرىلىسىن «نۇرلى جول» جاڭا ەكونوميكالىق ساياساتىمەن سايكەستىرۋ سەلبەستىگى جوباسىن ويداعىداي تياناقتاندىرۋى كەرەك. ساۋدا مەن قارجىلاندىرۋدى قولايلىلاندىرۋدى ىلگەرىلەتىپ، ءوندىرىس قۋاتى سەلبەستىگىن ورنىقتى ىلگەرىلەتىپ، بايلانىستىرۋ – تۇتاستىرۋ قۇرىلىسىن كۇشەيتۋى كەرەك. گۋمانيتارلىق سالالارداعى اۋىس – كۇيىستى كۇشەيتىپ، جەرگىلىكتى ورىندار اراسىنداعى سەلبەستىكتى كەڭەيتۋى، حاۋىپسىزدىك جاعىنداعى سەلبەستىك ورەسىن جوعارىلاتۋى، حالىقارالىق ىستەردە تىعىز سەلبەستىكتى ۇزدىكسىز ساقتاۋى كەرەك. مەن پرەزيدەنت توقايەۆپەن تىعىز قىزمەتتىك قارىم – قاتىناس جانە دوستىق ورناتۋدى، جۇڭگو مەن قازاقستاننىڭ قارىم – قاتىناسىندا تىڭ ىلگەرىلەۋشىلىكتەرگە قول جەتكىزۋدى ءۇمىت ەتەمىن.
نازاربايەۆ مىنانى ءبىلدىردى: بۇل مەنىڭ جاقسى دوسىم، كونەكوز دوسىم شي جينپيڭمەن 19 – رەت كەزدەسۋىم، مەن وسى تەرەڭ دوستىقتى ماڭگى قاستەرلەيمىن. ۇلى جۇڭگو قازاقستاننىڭ اسا سەنىمدى جاقسى سەرىگى. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن شىن جۇرەكتەن قۇتتىقتايمىن، دۇنيە جۇزىندە ەشقانداي مەملەكەت وسىنداي قىسقا ۋاقىت ىشىندە وسىنشاما زور تابىستارعا قول جەتكىزبەگەن. جۇڭگونىڭ دامۋى، جۇڭگونىڭ جاۋاپكەرشىلدىگى دۇنيە ءجۇزى جانە بۇكىل ادامزات جونىنەن كەلەلى ماڭىز الادى. مەن مىندەتتەن شەگىنگەننەن كەيىن دە، قازاقستاننىڭ ىشكى جانە سىرتقى ساياساتتارى جالعاسىن تابادى ءارى ورنىقتى بولادى، قازاقستان الدا قازاقستان مەن جۇڭگونىڭ جان – جاقتى ستراتەگيالىق سەرىكتەستىك قارىم – قاتىناسىنىڭ ۇزدىكسىز العا قاراي دامۋىن جالعاستى باتىلدىقپەن ىلگەرىلەتەدى. جۇڭگو جاقتىڭ ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىن ءساتتى وتكىزگەنىن قۇتتىقتايمىن. قازاقستاننىڭ «نۇرلى جول» دارىپتەمەسى «ءبىر بەلدەۋ، ءبىر جول» سەلبەستىگىنىڭ ماڭىزدى قۇرامداس بولەگىنە اينالدى. قازاقستان جاق جۇڭگو جاقپەن «ءبىر بەلدەۋ، ءبىر جول» اياسىنداعى سەلبەستىكتى تەرەڭدەتۋدى قالايدى. قازاقستان جاق جۇڭگونىڭ حالىقارالىق ىستەردەگى ماڭىزدى قۋاتتامالارىن قولدايدى، «ءۇش ءتۇرلى كۇشكە» بىرگە سوققى بەرۋدى قولدايدى.
ديڭ شۋەشياڭ، ياڭ جيەچى، ۋاڭ ي، حى ليفىڭ كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
