شي جينپيڭ مەن پىڭ لييۋان 2019 - جىلعى جۇڭگو بەيجيڭ الەمدىك باۋ - باقشا كورمەسىنە قاتىناسقان شەتەلدىك باسشىلارمەن جانە ولاردىڭ حانىمدارىمەن بىرگە باۋ ـ باقشا كورمەسىن ەكسكۋرسيالادى
2019.04.29 16:52 كەلۋ قاينارى : حالىق تورابى
«حالىق گازەتى»، 4 – ايدىڭ 28 - كۇنى، بەيجيڭ (تىلشىلەر حى يۇڭ، لي حاۋران). مەملەكەت ءتوراعاسى شي جينپيڭ مەن حانىمى پىڭ لييۋان 4 - ايدىڭ 28 - كۇنى بەيجيڭنىڭ يانچيڭ رايونىندا 2019 - جىلعى جۇڭگو بەيجيڭ الەمدىك باۋ - باقشا كورمەسىنە قاتىناسقان شەتەلدىك باسشىلارمەن جانە ولاردىڭ حانىمدارىمەن بىرگە باۋ - باقشا كورمەسىن ەكسكۋرسيالادى.
كەشكى ساعات 7 مولشەرىندە شي جينپيڭ مەن حانىمى پىڭ لييۋان جۇڭگو سارايىنىڭ ءبىرىنشى قاباتىنداعى كىرە بەرىس زالدا شەتەل باسشىلارى مەن حانىمدارىن قارسى الدى. كوپشىلىك بەيجيڭ باۋ - باقشا كورمەسىنىڭ نەگىزگى فيلمدەرىن بىرگە كوردى ءارى الەمدىك باۋ - باقشا كورمەسىنىڭ تاقىرىپتىق قابىرعاسىنىڭ الدىندا توپتىق سۋرەتكە ءتۇستى.
شي جينپيڭ سيلى قوناقتارمەن بىرگە كورمەنى قۋانا تاماشالادى، اڭگىمە شەرتتى. شي جينپيڭ مىنالاردى اتاپ كورسەتتى: جۇڭگو سارايى ايبىندى وڭىرلىك مادەنيەتتى ايگىلەپ، كورىكتى باۋ - باقشا حيكاياسىن بايانداپ، جۇڭگونىڭ ەكولوگيالىق وركەنيەت قۇرىلىسىنىڭ تابىسىن جيناقتادى، ءبىز تاماشا باۋ - باقشادان ءلاززات الۋمەن بىرگە، جۇڭگو مەن دۇنيە ءجۇزىنىڭ جاسىل تۇرمىسقا تالپىنۋ، دامۋ تابىسىنان بىرگە يگىلىكتەنۋ ۇستانىمىن اناعۇرلىم ايگىلەي تۇستىك.
شەتەل باسشىلارى جۇڭگونىڭ ەكولوگيالىق وركەنيەت قۇرىلىسىندا قول جەتكىزگەن دامۋ تابىسى مەن باعبانداردىڭ شەبەرلىگىن اۋىز جاپپاي القاپ، جۇڭگومەن اۋىس - كۇيىستى، سەلبەستىكتى اناعۇرلىم كۇشەيتىپ، الۋان ءتۇرلى ەرەكشەلىككە يە كورىكتى مەكەن قۇرۋدى ءۇمىت ەتەتىندەرىن ءبىلدىردى.
شي جينپيڭ مەن حانىمى پىڭ لييۋان شەتەلدىك قوناقتارمەن بىرگە كورمەگە قاتىناسقان مەملەكەتتەردىڭ امبەباپ كورمە رايونىنا كەلدى. ولار كامبودجا، چەحيا، جيبۋت، قىرعىزستان، بيرما، نەپال، پاكيستان، جاپونيا، سينگاپور جانە تاجىكستاننىڭ گۇل تەكشەلەرىن ەكسكۋرسيالادى. 10 مەملەكەتتىڭ گۇل تەكشەلەرى سول مەملەكەتتەردىڭ مەملەكەت گۇلدەرىنەن، ەرەكشە گۇلدەرىنەن جوبالانىپ، ايگىلى گۋمانيتارلىق كورىنىستەرى مەن تابيعات بەت - بەينەسىن ايگىلەپ، دۇنيە جۇزىلىك باۋ – باقشا كورمەسىنىڭ دۇنيە ءجۇزى حالىقتارىنىڭ دوستىق اۋىس - كۇيىسىنىڭ، ادام مەن تابيعاتتىڭ جاراسىمدى قاتار ءومىر ءسۇرۋىنىڭ سيموۆلى بولاتىنىن بەينەلەدى. شەتەلدىك قوناقتار جۇڭگونىڭ وتاعاسى رەتىندە ءوز مەملەكەتتەرىنىڭ كورمەگە قاتىناسۋىن بارىنشا قولداعانىنا العىس ايتتى، بەيجيڭ دۇنيە جۇزىلىك باۋ – باقشا كورمەسىنىڭ تابىستى بولۋىن تىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
