بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ 2019 - جىلعى جۇڭگو بەيجيڭ الەمدىك باۋ - باقشا كورمەسىنىڭ اشىلۋ سالتىنا قاتىناستى ءارى ماڭىزدى ءسوز سويلەدى

بەيجيڭ الەمدىك باۋ - باقشا كورمەسىنىڭ اشىلعانىن جاريالادى، ءار جاقتىڭ جەر شارى سىندى ورتاق مەكەندى بىرگە كورىكتەندىرۋىن دارىپتەدى

2019.04.29 16:55     كەلۋ قاينارى : حالىق تورابى

  «حالىق گازەتى»، 4 – ايدىڭ 28 - كۇنى، بەيجيڭ (تىلشىلەر دۋ شاڭزى، گۋ جۇڭياڭ). مەملەكەت ءتوراعاسى شي جينپيڭ 4 - ايدىڭ 28 – كۇنى بەيجيڭنىڭ يانچيڭ رايونىندا 2019 - جىلعى جۇڭگو بەيجيڭ الەمدىك باۋ - باقشا كورمەسىنىڭ اشىلۋ سالتىنا قاتىناستى ءارى «جاسىل تۇرمىستى بىرگە جوسپارلاپ، كورىكتى مەكەندى بىرگە قۇرايىق» دەگەن تاقىرىپتا ماڭىزدى ءسوز سويلەپ (ءسوزدىڭ تولىق مازمۇنىن «حالىق گازەتىنەن» وقي الاسىزدار)، مىنانى دارىپتەدى: تابيعاتقا سايكەسۋ، ەكولوگيانى قورعاۋ سىندى جاسىل دامۋ تانىمىمەن بولاشاققا بەت الۋىمىز كەرەك. جەر شارى − بۇكىل ادامزاتتىڭ تىرشىلىك ەتەتىن بىردەن - ءبىر مەكەنى. جۇڭگو ءار ەلمەن بىرگە جەر شارى سىندى ورتاق مەكەندى بىرگە كورىكتەندىرىپ، ادامزاتتىڭ تاعدىرلاس ورتاق تۇلعاسىن بىرگە قۇرۋعا پەيىل.

  كەشكى ساعات 8 مولشەرىندە شي جينپيڭ مەن حانىمى پىڭ لييۋان 2 – كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنا ەندى عانا قاتىناسىپ بولعان چەحيانىڭ پرەزيدەنتى زەمان، جيبۋتتىڭ پرەزيدەنتى گۇللەح، قىرعىزستاننىڭ پرەزيدەنتى جيەنبەكوۆ، نەپالدىڭ پرەزيدەنتى بانداري، تاجىكستاننىڭ پرەزيدەنتى راحمون، كامبودجانىڭ باس ءۋازىرى حۇڭسىن، بيرمانىڭ مەملەكەت ىستەرى اقىلشىسى اڭسان سۋكي، پاكيستاننىڭ پرەمەر مينيسترى يمران حان، سينگاپۋردىڭ پرەمەر مينيسترى لي شيانلۇڭ، جاپونيا باس ءۋازىرىنىڭ ەرەكشە ەلشىسى توشيحيرو نيكاي قاتارلى شەتەل باسشىلارى ءماجىلىس زالىنا بىرگە كىردى.

  دۋ قول شاپالاق ءۇنى ىشىندە شي جينپيڭ ماڭىزدى ءسوز سويلەپ، جۇڭگو ۇكىمەتى مەن جۇڭگو حالقى اتىنان الىستان كەلگەن سيلى قوناقتاردى قىزۋ قارسى الدى. شي جينپيڭ مىنالاردى اتاپ كورسەتتى: جۇڭحۋانىڭ بايتاق دالاسى − جۇڭحۋا ۇلتىنىڭ ءومىر ءسۇرۋى مەن دامۋىنىڭ مەكەنى، بۇل مەكەن جۇڭحۋا ۇلتىنىڭ 5 مىڭ جىلدان استام ۋاقىتتان بەرگى شۇعىلالى وركەنيەتىنە ءنار بەرىپ، جۇڭحۋا ۇلتىنىڭ تابيعات پەن ادامنىڭ جاراسىمدىلىعى جولىنداعى وسكەلەڭ تالپىنىسىن سومدادى. قازىر ەكولوگيالىق وركەنيەت قۇرىلىسى جۇڭگونىڭ مەملەكەت دامۋىنىڭ جالپى تۇلعالىق ورنالاستىرۋىنا ەنگىزىلدى، كورىكتى جۇڭگو قۇرۋ جۇڭگو حالقىنىڭ اڭساعان كۇرەس نىساناسىنا اينالدى. جۇڭگونىڭ ەكولوگيالىق وركەنيەت قۇرىلىسى جەدەل دامۋ ارناسىنا ءتۇستى، اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق جۇڭگونى كورەتىن بولاسىزدار.

  شي جينپيڭ مىنالاردى دارىپتەدى: ادامزات وركەنيەتىنىڭ دامۋ تاريحىنا كوز جىبەرسەك، ەكولوگيا كوركەيسە، وركەنيەت كوركەيگەن، ەكولوگيا قۇلدىراسا، وركەنيەت قۇلدىراعان. ۇيا بۇزىپ قۇس اۋلاۋ، كولدى سارقىپ بالىق اۋلاۋ سىندى دامۋ ءتاسىلى شەگىنە جەتتى، بولاشاقتا تابيعاتقا ۇيلەسىپ، ەكولوگيانى قورعايتىن جاسىل دامۋ جولىمەن ءجۇرۋىمىز كەرەك. جەر شارى − بۇكىل ادامزاتتىڭ تىرشىلىك ەتەتىن بىردەن - ءبىر مەكەنى. ءبىز ەكولوگيالىق ورتانى كوز قاراشىعىمىزداي قورعاۋىمىز، ەكولوگيالىق ورتاعا ومىرىمىزدەي مامىلە جاساۋىمىز، ەكولوگيالىق وركەنيەتتىڭ نەگىزىن بىرگە قالاۋىمىز، جاسىل دامۋ جولىمەن بىرگە ءجۇرۋىمىز كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار