جاڭا ءداۋىر ۇيرەنۋ كەڭسەسى
شي جينپيڭ: بۇگىنگى جۇڭگو — ازيانىڭ جۇڭگوسى، دۇنيە ءجۇزىنىڭ جۇڭگوسى
2019.05.16 13:53 كەلۋ قاينارى : حالىق تورابى
[رەداكتور ەسكەرتپەسى] 5 – ايدىڭ 15 – كۇنى تۇستەن بۇرىن، ازيا وركەنيەتتەرىنىڭ تىلدەسۋى جينالىسى بەيجيڭدەگى مەملەكەتتىك ءماجىلىس ورتالىعىندا سالتاناتپەن وتكىزىلدى. مەملەكەت ءتوراعاسى شي جينپيڭ جينالىستىڭ اشىلۋ سالتىنا قاتىناستى ءارى ارقاۋ ءسوز سويلەدى.
«ادامزاتتىڭ تەك تەرىسىنىڭ ءوڭى مەن تىلىندە عانا پارىق بار، وركەنيەتىندە تەك قۇلپىرعان الۋان گۇلدەردەي ۇقساماستىق قانا بار، الايدا، جوعارى – تومەن، وزىق – توزىق دەيتىندەي پارىق بولمايدى»، «ءاسىلى ءتۇرلى وركەنيەتتەر اراسىندا قاقتىعىس جوق، تەك وركەنيەتتەردىڭ اسەمدىگىنەن ءلاززات الاتىن سەزىم بولۋى قاجەت» ... جاڭا ءداۋىر ۇيرەنۋ كەڭسەسى شي جينپيڭنىڭ وسى رەتكى سويلەگەن التىنداي سالماقتى ارقاۋ سوزىنەن ءۇزىندى الىپ، وقىرمان دوستاردىڭ ۇيرەنۋىنە ۇسىنىپ وتىر.
1. ورتاق سىناقتارعا توتەپ بەرىپ، جارقىن بولاشاققا قادام تاستاۋدا ەكونوميكا مەن عىلىم – تەحنيكانىڭ كۇش – قۋاتى دا، مادەنيەت پەن وركەنيەتتىڭ كۇش – قۋاتى دا بىردەي قاجەت.
2. ەگەر بارشا ەلدەر ءوزىن – ءوزى تۇمشالاعان وقشاۋ ارال كۇيىنە قايتا ورالاتىن بولسا، ادامزات وركەنيەتى بارىس – كەلىس جاساماۋ سەبەبىنەن تىنىسى مەن ومىرشەڭدىك قۋاتىنان ايىرىلاتىن بولادى.
3. ادامزاتتىڭ تەك تەرىسىنىڭ ءوڭى مەن تىلىندە عانا پارىق بار، وركەنيەتىندە تەك قۇلپىرعان الۋان گۇلدەردەي ۇقساماستىق قانا بار، الايدا، جوعارى – تومەن، وزىق – توزىق دەيتىندەي پارىق بولمايدى.
4. ءوز ءناسىلى مەن وركەنيەتى وزگەلەردەن ءبىر دارەجە جوعارى دەپ قاراپ، باسقا وركەنيەتتەردى وزگەرتۋگە نەمەسە ونىڭ ورنىن باسۋعا قاسارىسۋ، تانىمدىق جاقتان ايتقاندا اقىماقتىق، تاسىلدىك جاقتان ايتقاندا اپات.
5. ەگەر ادامزات وركەنيەتى تەك ءبىر تۇسكە، ءبىر ۇلگىگە وزگەرەتىن بولسا، وندا بۇل دۇنيە وتە جاداعاي بولار ەدى، قىزىعى دا بولماس ەدى!
6. ءاسىلى ءتۇرلى وركەنيەتتەر اراسىندا قاقتىعىس جوق، تەك وركەنيەتتەردىڭ اسەمدىگىنەن ءلاززات الاتىن سەزىم بولۋى قاجەت. ءبىز ءوز ەلىمىزدىڭ وركەنيەتىن گۇلدەندىرۋمەن بىرگە، وزگە ەلدەردىڭ وركەنيەتىن دامىتۋىنا شارت – جاعداي جاراتۋىمىز، دۇنيە ءجۇزى وركەنيەتىن الۋان گۇلدەر شەشەك اتىپ، كورىك تالاستىرعان اسەم باقشاعا اينالدىرۋىمىز كەرەك.
7. بارشا ورگانيكالىق تىرشىلىك زات الماسۋدى قاجەت ەتەدى، ويتپەگەندە تىرشىلىك تىنىسى توقتايدى. وركەنيەت تە وسىعان ۇقساس، ەگەر ۇزاق ۋاقىت بويى ءوزىن – ءوزى تۇمشالاسا، زاۋالعا بەت الاتىنىندا كۇمان جوق.
8. وركەنيەتتەردىڭ اۋىس – كۇيىسى مەن ءوزارا ۇلگى الۋى تەڭ تۇرعىدا بولۋى، ءادىل بولۋى كەرەك، كوپ نەگىزدى، كوپ باعىتتى بولۋى كەرەك، زورلىقپەن كوندىرۋ، ماجبۇرلەۋ سيپاتىندا بولماۋى كەرەك، جالاڭ نەگىزدى، جالاڭ باعىتتى بولماۋى كەرەك.
9. دۇنيە ءجۇزى وركەنيەتىنىڭ تاريحى مىناداي ءبىر قاعيدانى ايقىندادى: ءارقانداي وركەنيەت داۋىرمەن بىرگە ىلگەرىلەۋى، ءداۋىردىڭ مايەگىن ۇزدىكسىز قابىلداۋى كەرەك.
10. جۇڭحۋا وركەنيەتى — ازيا وركەنيەتىنىڭ ماڭىزدى قۇرامداس بولەگى. ەجەلدەن بەرى، جۇڭحۋا وركەنيەتى مۇراگەرلىك ەتۋ جانە جاڭالىق جاراتۋ بارىسىندا ۇزدىكسىز دامىدى، داۋىرگە ساي وزگەرىپ وتىرۋ بارىسىندا ۇزدىكسىز ورگە باستى، جۇڭحۋا ۇلتىنىڭ ەڭ باعالى رۋحاني بايلىعىنا تالپىنۋ — جۇڭحۋا ۇلتىن ساباقتاستىعىن جويماي، دامىپ ۇلعايۋعا جەتەلەپ وتىرعان.
11. جاقىن دوس، تاتۋ كورشى، بەرەكەلى ىرگەلەس جۇرت بولۋ — جۇڭحۋا وركەنيەتىنىڭ ەجەلدەن بەرگى ۇستانعان بارىس – كەلىس جولى، حالىققا تيىمدىلىك جەتكىزۋ، حالىقتى الاڭسىز اۋقاتتاندىرۋ — جۇڭحۋا وركەنيەتىنىڭ ايقىن قۇن باعدارى، ەسكىنى تاستاپ، جاڭالىققا كوشۋ، داۋىرمەن بىرگە ىلگەرىلەۋ — جۇڭحۋا وركەنيەتىنىڭ بۇلجىماس رۋحاني قاسيەتى، تابيعات زاڭىنا جۇگىنىپ، ادام مەن تابيعاتتىڭ توعىسۋىن دارىپتەۋ — جۇڭحۋا وركەنيەتىنىڭ وزىندىك ءومىر ءسۇرۋ تانىمى.
12. بۇگىنگى جۇڭگو — تەك جۇڭگونىڭ جۇڭگوسى عانا ەمەس، ازيانىڭ جۇڭگوسى، دۇنيە ءجۇزىنىڭ جۇڭگوسى. بولاشاقتا جۇڭگونىڭ اناعۇرلىم اشىق رايمەن دۇنيە جۇزىنە قۇشاق جايىپ، اناعۇرلىم ومىرشەڭدىك قۋاتقا تولى وركەنيەتپەن دۇنيە جۇزىنە ۇلەس قوسارى داۋسىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
