حان جىڭ 12 – كەزەكتى استانا ەكونوميكالىق فورۋمى مەن 2 – كەزەكتى جۇڭگو – قازاقستان جەرگىلىكتى سەلبەستىگى فورۋمىنا قاتىناستى
2019.05.17 15:45 كەلۋ قاينارى : حالىق تورابى
سۋرەتتە: ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 5 – ايدىڭ 16 – كۇنى نۇر – سۇلتان قالاسىندا اشىلعان 12 – كەزەكتى استانا ەكونوميكالىق فورۋمىنا قاتىناستى. شينحۋا اگەنتتىگىنىڭ ءتىلشىسى ليۋ بين فوتوسى
حالىق گازەتى، 5 – ايدىڭ 16 – كۇنى، نۇر - سۇلتان (ءتىلشى: جوۋ حانبو) ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 5 – ايدىڭ 14 – كۇنىنەن 16 – كۇنىنە دەيىن ۇسىنىس بويىنشا قازاقستانعا بارىپ، 12 – كەزەكتى استانا ەكونوميكالىق فورۋمى مەن 2 – كەزەكتى جۇڭگو – قازاقستان جەرگىلىكتى سەلبەستىگى فورۋمىنا قاتىناستى ءارى پرەزيدەنت توقايەۆپەن كەزدەستى.
توقايەۆپەن كەزدەسكەن كەزدە، حان جىڭ الدىمەن ءتوراعا شي جينپيڭنىڭ توقايەۆكە دەگەن ىستىق ىقىلاستى سالەمىن جەتكىزدى. حان جىڭ بىلاي دەدى: ەكى ەل باسشىلارىنىڭ ستراتەگيالىق جەتەكشىلىگى مەن تىكەلەي ىلگەرىلەتۋىنىڭ ارقاسىندا، جۇڭگو مەن قازاقستاننىڭ جان – جاقتى ستراتەگيالىق سەرىكتەستىك قارىم – قاتىناسى جەدەل دامىپ، ەكى جاقتىڭ ساياسي سەنىمدىلىگى كۇن سايىن تەرەڭدەپ، ءتۇرلى سالالارداعى سەلبەستىگى تاريحتاعى ەڭ جاقسى ورەگە جەتتى، ءوڭىر كولەمىندە ، ءتىپتى دۇنيە ءجۇزى كولەمىندە تاتۋ كورشىلىك، ءوزارا تيىمدىلىك جەتكىزىپ، ورتاق يگىلىككە كەنەلۋدىڭ ۇلگىسىن تىكتەدى. الدىڭعى ايدا ءتوراعا شي جينپيڭ تۇڭعىش پرەزيدەنت نازاربايەۆپەن مول ناتيجەلى كەڭەس وتكىزىپ، نازاربايەۆتى جۇڭحۋا حالىق رەسپۋبليكاسىنىڭ «دوستىق وردەنىمەن» ماراپاتتاپ، حالىقارالىق قوعامعا جۇڭگو مەن قازاقستان قارىم – قاتىناسىنىڭ جوعارى دەڭگەيى مەن ەرەكشە سيپاتىن ايگىلەدى.
«ءبىر بەلدەۋ، ءبىر جولدى» بىرگە كوركەيتۋ جۇڭگو مەن قازاقستان سەلبەستىگىنىڭ نەگىزگى جەلىسىنە اينالدى، ەكى جاق دامۋ ستراتەگيالارىن ۇشتاستىرۋ، سەلبەستىك مەحانيزمدەرىن قۇرۋ، ءىرى نىسانداردى ىلگەرىلەتۋ قاتارلى جاقتاردا كەلەلى جەتىستىكتەرگە قول جەتكىزدى. جۇڭگو جاق قازاقستان جاقپەن بىرگە جىبەك جولى ەكونوميكالىق بەلدەۋى مەن «نۇرلى جول» جاڭا ەكونوميكالىق ساياساتىن ۇشتاستىرىپ، ءوندىرىس قۋاتى، ساۋدا، بايلانىستىرۋ – توعىستىرۋ، اۋىل شارۋاشىلىعى، جوعارى تەحنيكا، فينانستىق سەلبەستىك قاتارلىلاردى ەڭ الدىمەن ويلاستىراتىن باعىت ەتە وتىرىپ، جۇڭگو مەن قازاقستان سەلبەستىگىنىڭ شىنايى تابىستارىنىڭ ورەسىن جوعارىلاتىپ، ەكى ەل مەن ەكى ەل حالقىنا اناعۇرلىم ويداعىداي باقىت جاراتۋدى قالايدى. جۇڭگو جاق قازاقستان جاقتىڭ «2050 ستراتەگياسىن» ءساتتى اتقارۋىن، مەملەكەتتى دامىتۋ ىستەرىندە ۇزدىكسىز تىڭ دا شۇعىلالى جەتىستىكتەرگە جەتۋىن تىلەيدى.
توقايەۆ الدىمەن حان جىڭنەن ءوزىنىڭ ءتوراعا شي جينپيڭگە دەگەن ىزگى تىلەگىن جەتكىزۋدى ءوتىندى ءارى جۇڭگونىڭ ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىن ءساتتى وتكىزگەنىن قۇتتىقتادى. توقايەۆ بىلاي دەدى: الىستاعى تۋىسىڭنان، جاقىنداعى كورشىڭ ارتىق، جۇڭگومەن تاتۋ كورشىلىك قارىم – قاتىناسى، ەجەلدەن بەرى، قازاقستاننىڭ ديپلوماتيالىق ىستەردەگى ەڭ الدىمەن ويلاستىراتىن باعىتتارىنىڭ ءبىرى. قازاقستان مەن جۇڭگونىڭ سەلبەستىگى ستراتەگيالىق ءمان الادى، ەكى ەل قارىم – قاتىناسى مەملەكەتتەر ارا قارىم – قاتىناستىڭ ۇلگىسىنە اينالدى. قازاقستان جاق جۇڭگو جاقپەن ەكونوميكا – ساۋدا، ءوندىرىس قۋاتى، اۋىل شارۋاشىلىعى، گۋمانيتارلىق سالا قاتارلى جاقتاردا سەلبەستىكتى ۇزدىكسىز كۇشەيتىپ، «ءبىر بەلدەۋ، ءبىر جولدى» بىرگە كوركەيتۋگە بەلسەندى اتسالىسۋدى قالايدى. قازاقستان جاق جۇڭگونىڭ دامۋ جاعىندا قول جەتكىزگەن جەتىستىكتەرىنە سۇيىنەدى، ءتوراعا شي جينپيڭنىڭ باسشىلىعىندا جۇڭگونىڭ دامۋ نىساناسىنىڭ، ءسوزسىز، ىسكە اساتىنىنا سەنەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
