ۋاڭ ي قازاقستاننىڭ سىرتقى ىستەر مينيسترى اتامقۇلوۆپەن كەزدەستى
2019.05.22 14:29 كەلۋ قاينارى : حالىق تورابى
حالىق تورابى، 5 – ايدىڭ 22 – كۇنى، بەيجيڭ. 5 – ايدىڭ 21 – كۇنى، مەملەكەت ىستەرى القاسى ءارى سىرتقى ىستەر مينيسترى ۋاڭ ي بيشكەكتە شاڭحاي سەلبەستىك ۇيىمىنىڭ سىرتقى ىستەر مينيسترلەر كەڭەسىنە قاتىناساردىڭ الدىندا قازاقستاننىڭ سىرتقى ىستەر مينيسترى اتامقۇلوۆپەن كەزدەستى.
ۋاڭ ي بىلاي دەدى، جۇڭگو مەن قازاقستان جالپى بەتتىك ستراتەگيالىق سەرىك. وتكەن ايدا قازاقستاننىڭ تۇڭعىش پرەزيدەنتى نازاربايەۆ جۇڭگوعا بارىپ 2 – كەزەكتى «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى تالقىسىنا قاتىناسقان كەزدە، ءتوراعا شي جينپيڭ نازاربايەۆقا جۇڭگونىڭ ەكىنشى «دوستىق وردەنىن» تاقتى، سونداي – اق، نازاربايەۆپەن اۋىز تولتىرىپ ايتار تابىسى مول كەلىسسوز وتكىزدى. ەكى ەل باسشىلارىنىڭ ستراتەگيالىق جەتەكشىلىگىندە، جۇڭگو مەن قازاقستان قاتىناسىنىڭ بيىل ءتىپتى دە مول تابىستارعا قول جەتكىزەتىنىنە سەنەمىن.
ۋاڭ ي بىلاي دەپ اتاپ كورسەتتى: قازاقستان __ جىبەك جولى ەكونوميكالىق بەلدەۋى دارىپتەمەسى العاش العا قويىلعان جەر، جۇڭگو مەن قازاقستان «ءبىر بەلدەۋ، ءبىر جول» قۇرىلىسىن بىرلىكتە جۇرگىزىپ، العاشقى ماڭىزدى تابىسقا قول جەتكىزدى، ەۆروپا جەرىندە، ءتىپتى بۇكىل دۇنيە جۇزىندە بەلسەندى ۇلگىلىك رول اتقاردى. الدا، تاراپتار «ءبىر بەلدەۋ، ءبىر جول» دارىپتەمەسى مەن قازاقستاننىڭ «نۇرلى جول» جاڭا ەكونوميكالىق ساياساتىن ىشكەرلەي توعىستىرۋدى ىلگەرلەتىپ، ٶندىرىس قۇرىلىسى سەلبەستىك قۋاتىن تەرەڭدەتىپ، ناقتىلاندىرىپ، قازىنا – اقشا سەلبەستىگىن تەرەڭدەتىپ، سترەولدى ءوزارا بايلانىس جاعدايىن قالىپتاستىرىپ، ەكى ەلدىڭ سەلبەستىك سالاسى مەن كەڭىستىگىن توقتاۋسىز اشۋ كەرەك.
ۋاڭ ي بىلاي دەدى: بۇگىنگى تاڭدا الەم تۇراقسىزدىققا تولى، ءبىر جاقتىلىق پەن قورعانىمپازدىق باس كوتەرۋدە، قىرعي قاباقتىق وي مەن زورەكەرلىك ارەكەتتەرى جارىققا شىقتى. جۇڭگو مەن قازاقستان جالپى بەتتىك ستراتەگيالىق سەرىكتەس رەتىندە ستراتەگيالىق سايكەستىرۋ سەلبەستىگىن ونان ارى كۇشەيتىپ، اشىلۋ الدىندا تۇرعان شاڭحاي ىنتىماقتاستىق ۇيىمىنىڭ سىرتقى ىستەر مينيسترلەر كەڭەسى مەن بيشكەك فورمىندا ورتاق تانىمعا كەلۋدى ىلگەرىلەتىپ، ناقتى ارەكەتى ارقىلى قورعانىمپازدىقتى تەجەپ، ەركىن ساۋدا جۇيەسىن، حالىقارالىق ادىلدىكتى قورعاپ، الەمنىڭ بەيبىت دامۋى ءۇشىن ۇلەس قوسۋى كەرەك.
اتامقۇلوۆ بىلاي دەدى: قازاقستان جۇڭگونىڭ تۇڭعىش پرەزيدەنت نازاربايەۆقا «دوستىق وردەنىن» تاققاندىعىن جوعارى باعالادى، بۇل قازاقستان مەن جۇڭگونىڭ قايماعى بۇزىلماعان دوستىعى مەن جوعارى دەڭگەيدەگى ستراتەگيالىق سەنىمىنىڭ ايقىن بەينەسى. قازاقستان جۇڭگومەن ەكى ەل باسشىلارىنىڭ ورتاق تانىمىن ويداعىداي تياناقتاندىرىپ، جوعارى جىكتەگىلەردىڭ بارىس – كەلىسىن قويۋلاتىپ، «نۇرلى جول» جاڭا ەكونوميكالىق ساياساتى مەن «ءبىر بەلدەۋ، ءبىر جول» دارىپتەمەسىن ورتاق قۇرۋدى ىشكەرىلەي توعىستىرىپ، ەكى ەلدىڭ جالپى بەتتىك ستراتەگيالىق سەلبەستىك قاتىناسىنىڭ ءمانىن تولىق ايگىلەۋدى قالايدى. قازاقستان قازىر حالىقارادا جارىققا شىققان سىڭار جاقتىلىق پەن قورعانىمپازدىقتان قاتتى الاڭدايدى، جۇڭگو مەن بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، ازيا ٴوزارا سەلبەستىك جانە سەنىمدىلىك شارالارى ٴماجىلىسى قاتارلى كوپ جاقتى جۇلگەنىڭ اياسىندا سايكەستىكتى كۇشەيتىپ، قازىرگى حالىقارالىق ءتارتىپ پەن ەكى ەلدىڭ ورتاق مۇدەسىن قورعاۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
