بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ قۇرلىق ارميا جاياۋ اسكەرلەر ينستيتۋتىن كوزدەن كەشىرگەندە مىنانى دارىپتەدى

مەكتەپ باسقارۋ، ادام تاربيەلەۋ ورەسىن جاپپاي جوعارىلاتىپ، ارميانى قۇدىرەتتەندىرۋ ىسىنە دارىندىلار جاعىنان پارمەندى قولداۋ كورسەتۋ كەرەك

2019.05.22 15:43     كەلۋ قاينارى : حالىق تورابى


  شينحۋا اگەنتتىگى، 5 – ايدىڭ 21 – كۇنى، نانچاڭ (تىلشىلەر لي شۋانلياڭ، لي چيڭحۋا). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 21 - كۇنى قۇرلىق ارميا جاياۋ اسكەرلەر ينستيتۋتىندا قىزمەت تەكسەردى. ول مىنالاردى دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، سوعىس مايدانىنا، اسكەري بولىمدەرگە، بولاشاققا بەت الىپ، ىشكى ماندىك دامۋ جولىمەن ءجۇرىپ، ساياسي كەپىلدىكتى كۇشەيتىپ، مەكتەپ باسقارۋ ورنىن ويداعىداي يگەرىپ، رەفورمانى تەرەڭدەتىپ، جاڭالىق اشىپ، مەكتەپ باسقارۋ، ادام تاربيەلەۋ ورەسىن جاپپاي جوعارىلاتىپ، ارميانى قۇدىرەتتەندىرۋ ىستەرىنە دارىندىلار جاعىنان پارمەندى قولداۋ كورسەتۋ كەرەك.


  5 - ايداعى جياڭشيدىڭ بايتاق دالاسى جاسىل جەلەك جامىلعان، تۇنىق سۋ مولدىرەي اعۋدا، نانچاڭ قاھارماندار قالاسى تىرشىلىك تىنىسىنا شومعان. تۇستەن بۇرىن ساعات 10 مولشەرىندە شي جينپيڭ اۆتوكولىكپەن قۇرلىق ارميا جاياۋ اسكەرلەر ينستيتۋتىنا كەلدى. شاتىرلاعان شاپالاق ءۇنى ىشىندە شي جينپيڭ جياڭشيدە تۇراتىن اسكەري بولىمدەردىڭ ورىنباسار ديۆيزيا دارەجەلىدەن جوعارى باسشى كادرلارىن جانە شتاتتى تۋان دارەجەلى ورىنداردىڭ نەگىزگى باستىقتارىن، قۇرلىق ارمياسى جاياۋ اسكەرلەر ينستيتۋتى باس ءبولىمىنىڭ پولك باستىعى دارەجەلىدەن جوعارى كادرلارىن جانە شىجياجۋاڭ مەكتەپ رايونىنىڭ نەگىزگى باستىقتارىن، مامان پروفەسسورلاردىڭ ۋاكىلدەرىن ىقىلاسپەن قابىلداپ، كوپشىلىكپەن بىرگە سۋرەتكە ءتۇسىپ ەستەلىك قالدىردى.


  ينستيتۋتتىڭ جاتتىعۋ الاڭىندا وقۋشىلار ناقتى شايقاستىق جاتتىعۋ جاساپ جاتقان بولاتىن. شي جينپيڭ كۇردەلى كەدەرگى جاتتىعۋ الاڭىنىڭ قاسىنا بارىپ، وقۋشىلاردىڭ كۇردەلى كەدەرگىدە جاتتىعۋ جاعدايىن كوردى. كۇردەلى كەدەرگىدە جاتتىعۋ وقۋشىلاردىڭ دەنە قۋاتىن، ەرىك - جىگەرىن، رۋحاني ءتوزىمىن شىڭداۋدا، سوعىس مايدانىنا ۇيلەسۋ قابىلەتىن جوعارىلاتۋدا اسا ماڭىزدى مانگە يە. شي جينپيڭ جاتتىعۋ الاڭىنا جاياۋ كىرىپ، قاتىستى جاتتىعۋ قۇرىلعىلارى مەن جاتتىعۋ جاعدايىن ەگجەي - تەگجەيلى ۇعىستى. وقۋشىلار تامنان سۋعا سەكىرۋ، باسبالداقتان اسۋ، كەدەرگىلەدەن اتتاپ ءوتۋ، بيىك كەڭىستىكتە سولقىلداق كوپىردەن ءوتۋ، بورەنە كوتەرۋ سياقتى جاتتىعۋلار جاساپ جاتتى. وقۋشىلاردىڭ جاپالى ماشىعىن كورگەن شي جينپيڭ ايرىقشا ءسۇيىندى.


  جاتتىعۋ الاڭىنان اتتانعاننان كەيىن شي جينپيڭ ينستيتۋتتىڭ توڭكەرىستىك بايلىقتى زەرتتەۋ ورتالىعىنا كەلدى. ۇزاق ۋاقىتتان بەرى ينستيتۋت توڭكەرىستىك بايلىق ابزالدىعىن ساۋلەلەندىرۋدە تاباندى بولىپ، توڭكەرىستىك رۋح ارقىلى ادام تاربيەلەۋ جاعىندا بەلسەندى ىزدەنىس جاسادى. شي جينپيڭ قاتىستى جاعدايلار جونىندەگى تانىستىرۋدى تىڭداپ، ينستيتۋتتىڭ قىزمەتىن تۇراقتاندىردى. شي جينپيڭ مىنالاردى دارىپتەدى: توڭكەرىستىك بايلىقتان ويداعىداي پايدالانىپ، توڭكەرىستىك گەندى ويداعىداي جالعاستىرىپ، قىزىل ارميانىڭ ۇرپاقتان - ۇرپاققا جالعاسقان تولىمدى ءىزباسارلارىن تاربيەلەۋ كەرەك.


  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار