اۋەلگى ماقساتتى ۇمىتپاي، قايتادان رەتكە ءتۇسىپ، جورىققا تاعى دا اتتانايىق
− باس شۋجي شي جينپيڭنىڭ جياڭشيدە قىزمەت تەكسەرگەنى ءارى ورتا بولەك رايوندارىنىڭ گۇلدەنۋىن ىلگەرىلەتۋ قىزمەتى اڭگىمە ءماجىلىسىن باسقارىپ اشقانى جونىندە
2019.05.24 14:10 كەلۋ قاينارى : حالىق تورابى
5 - ايدىڭ 20 – كۇنىنەن 22 – كۇنىنە دەيىن باس شۋجي شي جينپيڭ جياڭشيگە بارىپ، گانجوۋدان نانچاڭعا دەيىن ات باسىن بۇرىپ، كاسىپورىنداردى، اۋىل - قىستاقتى، توڭكەرىستىك ەسكەرتكىش سارايلارىن ارالاپ، ەكونوميكانىڭ، قوعامنىڭ دامۋىن كوزدەن كەشىرىپ، تەكسەرۋ - زەرتتەۋ جۇرگىزىپ، ورتا بولەك رايوندارىنىڭ گۇلدەنۋىن ىلگەرىلەتۋ قىزمەتى اڭگىمە ءماجىلىسىن باسقارىپ اشىپ، توڭكەرىستىك بايىرعى رايونداردىڭ ساپالى دامۋىن ىلگەرىلەتۋ، ورتا بولەك رايوندارىنىڭ گۇلدەنۋىن ىلگەرىلەتۋ سياقتىلار جونىنەن ماڭىزدى ورنالاستىرۋ جاساپ، بۇكىل پارتيادا ورىستەتىلگەلى وتىرعان «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسى جونىندە تالاپ قويدى.
«سۋ ىشكەندە قاينارىن ۇمىتپاۋىمىز كەرەك، توڭكەرىستىك اعا بۋىنداردى، توڭكەرىستىك قۇربانداردى ۇمىتۋىمىزعا بولمايدى»
جياڭشي ولكەسىنىڭ گانجوۋ قالاسى، يۇيدۋ وزەنىنىڭ جاعاسىندا ورتالىق قىزىل ارميا ۇزاق جورىعىنىڭ جورىققا اتتانۋ ەسكەرتكىشى ەڭسە كوتەرىپ، اسقاق جەلبىرەگەن جەلكەندەي مەنمۇندالاپ تۇر.
5 – ايدىڭ 20 - كۇنى تۇستەن كەيىن باس شۋجي شي جينپيڭ وسى اراعا كەلىپ، تاريحتىڭ جاڭعىرىعىنا قۇلاق ءتۇرىپ، توڭكەرىستىك ەستەمەگە دەن قويدى.
ەسكەرتكىش الدىنداعى الاڭدا ورناتىلعان مىرامورعا جۇڭگو جۇمىسشى - شارۋا قىزىل ارمياسىنىڭ ۇزاق جورىق جول كارتاسى ويىلعان. باس شۋجي ەڭكەيىپ زەر سالا قاراپ: «گانشيان اۋدانى مىنا جەردە»، «انا جەر شياڭجياڭ وزەنى»، «مىنا جاقپەن فۋجيانعا بارۋعا بولادى»... دەدى.
كارتادا قىزىل، كوك ەكى ءتۇستى سترەلكا ءوزارا شىرمالىپ، قورشاپ جويۋعا قارسى قاندى شايقاس پەن ۇزاق جورىقتىڭ ەرلىك جولى بەينەلەنگەن.
1934 - جىلى 10 - ايدا ورتالىقتاعى ورگانداردان، ورتالىق اسكەري ىستەر كوميتەتىنەن جانە ورتالىق قىزىل ارميانىڭ نەگىزگى كۇشتەرىنەن 86 مىڭ ادام يۇيدۋعا جينالىپ، ۇزاق جورىققا اتتاندى، سودان تۋرا 1936 - جىلدىڭ 10 – ايىندا گانسۋدىڭ حۇينيڭ اۋدانىنا جەتىپ، ءۇش ءىرى نەگىزگى كۇشتىڭ توعىسۋى جۇزەگە استى.
باس شۋجي شي جينپيڭ كارتادان اينالىپ ءوتىپ، ەسكەرتكىشكە گۇل شارباق قويدى ءارى ءۇش رەت باس ءيىپ، توڭكەرىستىك قۇرباندارعا دەگەن شەكسىز قۇرمەت سەزىمىن ءبىلدىردى. گۇل شارباقتىڭ لەنتاسىنداعى «ۇزاق جورىق رۋحى ماڭگى شۇعىلا شاشادى» دەگەن جازۋ ايرىقشا كوز تارتادى.
ەسكەرتكىشتىڭ ارتقى جاعىندا يۇيدۋ وزەنى سول ءبىر شۇعىلالى كۇندەردىڭ كۋاسىنداي كىلكىپ اعۋدا. باس شۋجي شي جينپيڭ ۇزاققا كوز جىبەرىپ، ءبىرتالايعا دەيىن قاسقايىپ تۇردى.
«قازان ايى، كۇز سامالى ەسەدى،
قىزىل ارميا جورىققا مىنە، اتتاندى.
ءتۇن جامىلىپ يۇيدۋ وزەنىنەن وتەدى،
ەسكىنى جويىپ، جاڭانى ورناتۋ − نيەتى».
لۋ ديڭ - ي جولداس جازعان وسى «ۇزاق جورىق جىرى» ەسكەرتكىش قورشاۋىنا ويىلعان، ول وسى ولەڭىندە كەزىندە قىزىل ارميانىڭ يۇيدۋ وزەنىنەن تۇندەلەتىپ ءوتىپ، ۇلى ىستەردى باستاعان اسەرلى كورىنىسىن سۋرەتتەگەن. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
