شي جينپيڭ رەسەيدە مەملەكەتتىك ساپاردا بولادى ءارى 23 - كەزەكتى سانت - پەتەربۋرگ حالىقارالىق ەكونوميكا فورۋمىنا قاتىناسادى
سىرتقى ىستەر مينيسترلىگى جۇڭگو مەن شەتەلدىڭ اقپارات قۇرالدارىنا قۇلاق قاعىس ەتۋ ءماجىلىسىن اشىپ، قاتىستى جاعدايلاردى تانىستىردى
2019.05.31 14:32 كەلۋ قاينارى : حالىق تورابى
«حالىق گازەتى»، 5 – ايدىڭ 30 - كۇنى، بەيجيڭ (تىلشىلەر مىڭ شياڭلين، حۋاڭ فاحۇڭ). سىرتقى ىستەر مينيسترلىگى 5 - ايدىڭ 30 - كۇنى جۇڭگو - شەتەل اقپارات قۇرالدارىنا قۇلاق قاعىس ەتۋ ءماجىلىسىن اشتى. سىرتقى ىستەر مينيسترلىگىنىڭ ورىنباسار مينيسترى جاڭ حانحۇي مەملەكەت ءتوراعاسى شي جينپيڭنىڭ رەسەيدە مەملەكەتتىك ساپاردا بولۋ ءارى 23 - كەزەكتى سانت - پەتەربۋرگ حالىقارالىق ەكونوميكا فورۋمىنا قاتىناسۋ جاعدايىن تانىستىردى ءارى تىلشىلەردىڭ سۇراۋىنا جاۋاپ بەردى.
جاڭ حانحۇي بىلاي دەدى: ءتوراعا شي جينپيڭ 6 - ايدىڭ 5 - كۇنىنەن 7 - كۇنىنە دەيىن رەسەيدە مەملەكەتتىك ساپاردا بولادى ءارى 23 - كەزەكتى سانت - پەتەربۋرگ حالىقارالىق ەكونوميكالىق فورۋمىنا قاتىناسادى. قازىر حالىقارالىق جاعداي عاسىردا كەزدەسپەگەن زور وزگەرىس جاعدايىنا ءدوپ كەلىپ وتىر، سىڭار جاقتىلىق باس كوتەرىپ، حالىقارالىق قاتىناستىڭ نەگىزگى ولشەمدەرىنە اۋىر سوققى بەرۋدە؛ وڭىرلىك قولامتالى ماسەلەلەر اشىققا شىعىپ، ادامزات قوعامى ءدوپ كەلىپ وتىرعان ورتاق قاتەر مەن سىن - سايىس كوبەيدى. قازىرگى جاعدايدا جۇڭگو مەن رەسەيدىڭ قاتىناسى كۇن سايىن تولىسىپ، ورنىقتى، بەكەم بولىپ كەلەدى. ەكى جاقتىڭ ساياسي سەنىمدىلىگى وتە بەرىك بولىپ، ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ءبىرىن - ءبىرى باتىل قولداۋدا. ەكى جاقتى ساۋدا سوماسى وتكەن جىلى 100 ميلليارد امەريكا دوللارىنان اسىپ، تاريحتاعى ەڭ جوعارى ورەنى جاراتتى. ەنەرگيا، اۆياتسيا، عارىش، ءوزارا بايلانىس سياقتى سالالارداعى ستراتەگيالىق ءىرى نىساندار تىڭعىلىقتى ىلگەرىلەپ، اۋىل شارۋاشىلىعى، فينانس، عىلىم - تەحنيكا، ينتەرنەت، ەلەكتروندىق ساۋدا سياقتى جاڭادان گۇلدەنگەن سالالارداعى سەلبەستىك جەدەل دامىپ، ەكى ەلدىڭ سەلبەستىگى قۇدىرەتتى ىشكى قوزعاۋشى كۇش پەن كەڭ دامۋ بولاشاعىن ايگىلەدى. وتكەن جىلى جانە بيىل ەكى جاق ءوزارا جەرگىلىكتى ورىنداردىڭ سەلبەستىك، اۋىس - كۇيىس جىلىن وتكىزىپ، جەرگىلىكتى ورىنداردىڭ بارىس - كەلىسى ۇزدىكسىز كەڭەيىپ، گۋمانيتارلىق اۋىس - كۇيىس ۇزدىكسىز ارتتى. جۇڭگو مەن رەسەي حالىقارالىق ىستەردە تىعىز، ۇتىمدى سەلبەستىك ورىستەتىپ، ب م ۇ - نى ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، دۇنيە ءجۇزىنىڭ بەيبىتشىلىگى مەن ورنىقتىلىعىن جانە حالىقارالىق ادىلدىك پەن ادىلەتتىلىكتى باتىل قورعاپ، كوپ جاقتىلىق پەن دۇنيە ءجۇزىنىڭ اشىق ەكونوميكاسىن تۋدى ايقىن ۇستاي وتىرىپ دارىپتەپ، اۋمالى - توكپەلى حالىقارالىق جاعدايدا ورنىقتىرعىش رولىن ساۋلەلەندىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
