جۇڭگو - رەسەي باسشىلارى «جۇڭحۋا حالىق رەسپۋبليكاسى مەن رەسەي فەدەراتسياسىنىڭ وسى زامانعى دۇنيە ءجۇزىنىڭ ستراتەگيالىق ورنىقتىلىعىن كۇشەيتۋ جونىندەگى بىرلەسكەن مالىمدەمەسىنە» قول قويدى
2019.06.06 15:19 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 5 - كۇنى، ماسكەۋ. مەملەكەت ءتوراعاسى شي جينپيڭ مەن رەسەيدىڭ پرەزيدەنتى پۋتين 6 – ايدىڭ 5 – كۇنى ماسكەۋدە «جۇڭحۋا حالىق رەسپۋبليكاسى مەن رەسەي فەدەراتسياسىنىڭ وسى زامانعى دۇنيە ءجۇزىنىڭ ستراتەگيالىق ورنىقتىلىعىن كۇشەيتۋ جونىندەگى بىرلەسكەن مالىمدەمەسىنە» بىرگە قول قويدى.
مالىمدەمەدە مىنالار اتاپ كورسەتىلدى: جۇڭگو مەن رەسەي قازىرگى حالىقارالىق حاۋىپسىزدىك ورتاسىنىڭ اۋىر سىن - سايىسىنا ءدوپ كەلگەنىن تانىپ، ستراتەگيالىق ءوزارا سەنىمدىلىكتى تەرەڭدەتىپ، ستراتەگيالىق سەلبەستىكتى كۇشەيتىپ، دۇنيە جۇزىلك جانە وڭىرلىك ستراتەگيالىق ورنىقتىلىقتى باتىل قورعاۋعا بەل بايلادى.
جۇڭگو مەن رەسەي بىلاي دەپ قارادى: ءىشىنارا ەلدەردىڭ وزدەرىنىڭ وڭىرلىك ساياسيىن شىعار ءتۇيىن ەتىپ، ءتىپتى ساۋدا مۇددەسىن ويلاستىرا وتىرىپ، وزدەرىنىڭ قاجەتى بويىنشا قازىرگى اسكەري مەڭگەرۋ جانە كەڭ كولەمدەگى قىرعىنداعىش قارۋ - جاراقتىڭ تارالۋىنان ساقتانۋ جۇيەسىن ءبۇلدىرىپ وتىرعان ارەكەتى توتەنشە حاۋىپتى بولۋدا.
جۇڭگو مەن رەسەي يادرولىق قارۋلاردى كەڭەيتپەۋ جۇيەسىن كۇشەيتىپ، يادرولىق قارۋلاردى ازايتۋ، يادرولىق قارۋلاردى كەڭەيتپەۋ، يادرولىق قارۋلاردى بەيبىت پايدالانۋ سىندى ءۇش ۇلكەن تىرەكتى بەلسەنە ىلگەرىلەتۋدى دارىپتەدى.
جۇڭگو مەن رەسەي يراننىڭ يادرو ماسەلەسى جونىندە جالپى بەتتىك كەلىسىمدى شارتسىز تياناقتاندىرۋعا بۇرىنعىداي تاباندى بولاتىنىن قايتالاي دارىپتەدى. ەكى جاق ا ق ش - تىڭ يرانعا ءبىر جاقتى جازا بەرۋىن قابىلداۋعا بولمايدى دەپ قارادى.
جۇڭگو مەن رەسەي ەكى جاق مىنانى دارىپتەدى: كوپ جاقتىلىقتى تىزە قوسا ىلگەرىلەتىپ، وڭاي - وسپاق قولعا كەلمەگەن كەڭ كولەمدەگى قىرعىنداعىش قارۋ - جاراقتىڭ تارالۋىنان ساقتانۋ جانە اسكەري مەڭگەرۋ سالاسىنداعى حالىقارالىق مەحانيزم جۇيەسىن بىرگە قورعاۋدا، بەكەمدەۋدە تاباندى بولۋى كەرەك. ەكى جاق حالىقارالىق قوعامدى قولداۋ كورسەتۋگە ءارى اسكەري مەڭگەرۋدى، اسكەري دايىندىقتاردى ازايتۋدى جانە قازىرگى اتقارىلىپ وتىرعان كەلىسىم جۇيەسىن ءبۇلدىرۋدى ماقسات ەتكەن ارەكەتتەردىڭ زاردابىن بايىپپەن باعالاۋعا ۇندەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
