شي جينپيڭ رەسەيدىڭ زۇڭتۇڭى پۋتينمەن سانت - پەتربۋرگتە تاعى دا ءديدارلاستى
2019.06.11 08:56 كەلۋ قاينارى : شينجياڭ گازەتى
شينحۋا اگەنتتىگىنىڭ 6 - ايدىڭ 6 - كۇنى سانت - پەتربۋرگتەن بەرگەن حابارى (تىلشىلەر ليۋ حۋا، ۋي جيانحۋا). مەملەكەت ءتوراعاسى شي جينپيڭ 6 - ايدىڭ 6 - كۇنى سانت - پەتربۋرگتە رەسەيدىڭ زۇڭتۇڭى پۋتينمەن تاعى دا ءديدارلاستى.
پۋتين شي جينپيڭدى كەمەگە بىرگە وتىرىپ، نەۆا وزەنىندە سەرۋەندەۋگە ۇسىنىس ەتتى. پۋتين ءوزىنىڭ اتا مەكەنىنە شي جينپيڭنىڭ تاعى دا ساپارلاي كەلگەندىگىن قارسى الدى ءارى شي جينپيڭگە سانت - پەتربۋرگتىڭ جەرگىلىكتى سالت - ساناسىن جانە جول بويىنداعى قۇرىلىستاردى تانىستىردى.
شي جينپيڭ مىنالاردى ءبىلدىردى: پۋتين زۇڭتۇڭنىڭ اتا مەكەنى سانت - پەتربۋرگكە ساپارلاي كەلگەندىگىمە توتەنشە قۋانىشتامىن. بۇل ارانىڭ كورىنىسى كوركەم، مادەنيەت، كوركەمونەر رايى قويۋ ەكەن. وسى وركەنيەتتى ىرىستى ولكەدە، كەزىندە كوپتەگەن ەلەۋلى تاريحي وقيعالار تۋىلعان، تالاي - تالاي كورنەكتى قايراتكەرلەردى جەتىلدىرگەن، باۋلىعان، اسىرەسە، فاشيزمگە قارسى دۇنيە جۇزىلىك سوعىستىڭ جەڭىسى جولىندا زور قۇرباندىقتار بەرىپ، ماڭىزدى ۇلەس قوستى، ول رەسەيدىڭ جانە رەسەي حالقىنىڭ ماقتانىشى.
شي جينپيڭ مەن پۋتين كەزىندە قازان توڭكەرىسىنىڭ تۇڭعىش زەڭبىرەك وعىن اتقان اۆرورا اتتى شارلاۋشى كەمەگە بىرگە شىعىپ، قاتىستى تاريحي تانىستىرۋلاردى تىڭدادى. شي جينپيڭ مىنانى ءبىلدىردى: اۆرورا اتتى شارلاۋشى كەمەنىڭ جۇڭگو حالقى جونىنەن ماڭىزى ەرەكشە. سوناۋ جىلدارى قازان توڭكەرىسىنىڭ زەڭبىرەك ءۇنى جۇڭگوعا ماركسيزمدى الا كەلىپ، جۇڭگو كوممۋنيستىك پارتياسىنىڭ دۇنيەگە كەلۋىندە ماڭىزدى رول اتقاردى. وسىدان سوڭ ءدال جۇڭگو كوممۋنيستىك پارتياسىنىڭ باسشىلىعىندا جۇڭگو حالقى ءبىرىنىڭ سوڭىنان ءبىرى ەرىپ، جۇڭگو توڭكەرىسىنىڭ جانە جاڭا جۇڭگو قۇرىلىسىنىڭ كەسەك تابىسىنا قول جەتكىزدى. رەسەي جاقتىڭ اۆرورا اتتى شارلاۋشى كەمەنى اۋەلگى قالپىندا ساقتاۋى تاريحقا دەگەن قۇرمەتىن ايگىلەيدى. پۋتين مۇنى قۇپتايتىندىعىن ءبىلدىرىپ، تاريحقا قۇرمەت ەتۋگە ءتيىس ەكەندىگىن باسا دارىپتەدى.
ەكى ەلدىڭ مەملەكەت باسشىلارى جاعالاۋداعى كورىنىستەردى تاماشالاي وتىرىپ، وسى بايىرعى قالانىڭ تاريحى مەن بۇگىنى جونىندە اقتارىلا اڭگىمەلەسىپ، جۇڭگو مەن رەسەيدىڭ گۋمانيتارلىق اۋىس - كۇيىسىن جەبەپ، ەكى ەل حالقىنىڭ ءتۇسىنىسۋى مەن دوستىعىن تەرەڭدەتۋگە ءبىر اۋىزدان قوسىلدى. پۋتين اناعۇرلىم كوپ جۇڭگولىق ساياحاتشىلاردىڭ رەسەيگە، سونداي - اق سانت - پەتربۋرگكە كەلۋىن قارسى الدى.
وسىدان سوڭ ەكى ەلدىڭ مەملەكەت باسشىلارى قىسقى سارايعا كەلىپ، ۇزدىكسىز كەڭەس قۇرىپ، قازىرگى حالىقارالىق جاعداي جانە كەلەلى حالىقارالىق، وڭىرلىك ماسەلەلەر جونىندە اناعۇرلىم ىشكەرىلەي پىكىرلەستى.شي جينپيڭ بىلاي دەپ باسا دارىپتەدى: قازىر جۇڭگو مەن رەسەي ەكى ەل دە مەملەكەتتىڭ دامۋى، ۇلتتىڭ گۇلدەنۋى سىندى ماڭىزدى تاريحي كەزەڭدە تۇر. قازىرگى جاعدايدا ەكى جاق ستراتەگيالىق ىستەستىكتى تەرەڭدەتۋى كەرەك، بۇل جۇڭگو مەن رەسەي ەكى ەلدىڭ مۇددەسىن قورعاۋ ءۇشىن بولىپ عانا قالماستان، مۇنان دا ماڭىزدىسى، نەگىزگى حالىقارالىق ەرەجە مەن حالىقارالىق ءمورالدى قورعاۋ ءۇشىن، دۇنيە ءجۇزىنىڭ بەيبىتشىلىگىن، حاۋىپسىزدىگىن جانە ورنىقتىلىعىن قورعاۋ ءۇشىن بولىپ تابىلادى.
پۋتين مىنالاردى ءبىلدىردى: حالىقارالىق جاعداي نەعۇرلىم كۇردەلى، قۇبىلمالى بولعان سايىن، رەسەي مەن جۇڭگو ەكى ەل ساياسي سەنىمدىلىكتى سولعۇرلىم بەكەمدەپ جانە تەرەڭدەتىپ، حالىقارالىق ىستەردە سايكەستىكتى، ىستەستىكتى كۇشەيتىپ، حالىقارالىق زاڭ مەن حالىقارالىق قارىم - قاتىناستىڭ نەگىزگى ەرەجەسىن قورعاۋى كەرەك. (تيانشان تورابى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
