شي جينپيڭ سانت - پەتربۋرگ مەملەكەتتىك داشۋەسىنىڭ قۇرمەتتى دوكتورى عىلمي اتاعىن قابىلداۋ سالتىنا قاتىناستى
2019.06.11 08:56 كەلۋ قاينارى : شينجياڭ گازەتى
شينحۋا اگەنتتىگىنىڭ 6 - ايدىڭ 6 - كۇنى سانت - پەتربۋرگتەن بەرگەن حابارى (تىلشىلەر حو شياۋگۋاڭ، لۇي چۋانجۇڭ). مەملەكەت ءتوراعاسى شي جينپيڭ 6 - ايدىڭ 6 - كۇنى سانت - پەتربۋرگتە سانت - پەتربۋرگ مەملەكەتىك داشۋەسىنىڭ قۇرمەتتى دوكتورى عىلمي اتاعىن قابىلداۋ سالتىنا قاتىناستى. رەسەيدىڭ زۇڭتۇڭى پۋتين سالتقا قاتىناستى.
شي جينپيڭ سانت - پەتربۋرگ مەملەكەتتىك داشۋەسىنىڭ نەگىزگى عيماراتىنا كەلگەندە، پۋتيننىڭ قىزۋ قارسى الۋىنا بولەندى. سانت - پەتربۋرگ مەملەكەتتىك داشۋەسىنىڭ جۇڭگومەن سەلبەستىك كورمەسىن بىرگە ەكسكۋرسيالاعاننان كەيىن، ەكى ەلدىڭ مەملەكەت باسشىلارى ۇلكەن ساباقحاناعا بىرگە كىردى. ساباقحاناداعى وقىتۋشى - وقۋشىلار مەن قۇرمەتتى قوناقتار تۇگەل ورىندارىنان تۇرىپ، قىزۋ شاپالاق سوعىپ قارسى الدى. ناق مايداندا جۇڭگو - رەسەي ەكى ەلدىڭ مەملەكەت ءانى ورىندالدى.
سانت - پەتربۋرگ مەملەكەتتىك داشۋەسىنىڭ باستىعى عىلمي اتاق بەرۋ ۇيعارىمىن وقىدى ءارى ءتوراعا شي جينپيڭگە قۇرمەتتى دوكتور عىلمي اتاق كۋالىگىن تابىس ەتتى.
شي جينپيڭ العىس ءسوز سويلەپ، مىنانى ءبىلدىردى: سانت - پەتربۋرگ مەملەكەتتىك داشۋەسىنىڭ قۇرمەتتى دوكتورى اتاعىن العانىمدى ماقتانىش سەزىنەمىن. سانت - پەتربۋرگ مەملەكەتتىك داشۋەسى دۇنيە جۇزىنە ايگىلى ءبىلىم ورداسى. تاريحى ۇزاق، ايتۋلى ۇستازدار شوعىرلانعان، دارىندىلار كوپتەپ شىققان، رەسەيدىڭ جانە دۇنيە ءجۇزىنىڭ عىلىم - تەحنيكاسىنا، مادەنيەتىنە، وقۋ - اعارتۋىنىڭ دامۋىنا ۇزدىك ۇلەستەر قوستى، سونداي - اق حانزۋ تىلىنە جانە جۇڭحۋا مادەنيەتىنە قانىق قىرۋار جۇڭگونى زەرتتەۋشىلەردى باۋلىدى.
وقۋ - اعارتۋ سەلبەستىگى حالىقتىڭ ءتۇسىنىسۋى مەن دوستىعىن نىعايتۋدىڭ ماڭىزدى ارناسى. تاياۋ جىلداردان بەرى، سانت - پەتربۋرگ مەملەكەتتىك داشۋەسى جۇڭگونىڭ جوعارى مەكتەپتەرىمەن تىعىز اۋىس - كۇيىس، سەلبەستىك ورىستەتىپ، جۇڭحۋا مادەنيەتىنىڭ رەسەيدە تارالۋىن پارمەندى ىلگەرىلەتىپ، رەسەيدىڭ جۇڭگونىڭ دامۋىن زەرتتەۋىن تەبىندى جەبەدى.
شي جينپيڭ بىلاي اتاپ كورسەتتى: بيىل 4 - ايدا مەن بەيجيڭدە چيڭحۋا داشۋەسىنىڭ پۋتين زۇڭتۇڭعا قۇرمەتتى دوكتور عىلمي اتاعىن تابىستاعانىنا كۋا بولدىم. چيڭحۋا داشۋەسى مەن سانت - پەتربۋرگ مەملەكەتتىك داشۋەسى جەكە - جەكە ەكى ەلدىڭ ۇزدىك جوعارى مەكتەپتەرىنىڭ ۋاكىلى، سونداي - اق مەن جانە پۋتين زۇڭتۇڭنىڭ انا مەكتەپتەرى. ەكى مەكتەپ جەكە - جەكە ەكى ەلدىڭ مەملەكەت باسشىسىنا ءوزارا قۇرمەتتى دوكتور عىلمي اتاعىن بەرۋى ەكى جاقتىڭ وقۋ - اعارتۋ جانە گۋمانيتارلىق سالادا تىعىز اۋىس - كۇيىس جاساعاندىعىنىڭ كۋاسى بولىپ قانا قويماي، ءتىپتى، جۇڭگو - رەسەي قارىم - قاتىناسى جوعارى ورەسىنىڭ ماڭىزدى بەينەسى سانالادى. ەكى جاقتىڭ وقۋ - اعارتۋ سالاسىنداعى اۋىس - كۇيىسىن، سەلبەستىگىن ۇزدىكسىز كەڭەيتىپ، وزدەرىنىڭ تاڭداۋلى مادەنيەتتەرىن كەڭىنەن تاراتىپ، بارلىعىن قامتىپ ساقتاپ، ءوزارا ۇيرەنىپ، ءوزارا ۇلگى الىپ، ەكى ەلدىڭ ءوز - ءوزىنىڭ دامۋ قۇرىلىسى ءۇشىن ءتىپتى دە كوپ دارىندى تاربيەلەپ شىعۋىن ءۇمىت ەتەمىن.
شي جينپيڭ بىلاي باسا دارىپتەدى: جاستار ادامزاتتىڭ العا باسۋىنىڭ ءۇمىتى، جۇڭگو - رەسەي دوستىعىنىڭ بولاشاعى. بيىل جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى، ەكى ەل قارىم - قاتىناسى جاڭا داۋىرگە قادام تاستادى. ەكى ەل جاستارى ءداۋىر جۇكتەگەن بورىشتى باتىلدىقپەن ارقالاپ، قول ۇستاسا قۇلشىنىپ، ءبىر - بىرىن دەمەپ بىرگە العا باسىپ، ءوز ارماندارىن جۇزەگە اسىرۋدى ەكى ەلدىڭ دامۋى، گۇلدەنۋى جانە ەكى ەل حالقىنىڭ داۋىرلىك دوستىعى ۇلى ىسىندە توعىستىرىپ، جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىن دامىتۋعا ۇلەس قوسۋى كەرەك.پۋتين سوزىندە مىنانى ءبىلدىردى: ءتوراعا شي جينپيڭنىڭ انا مەكتەبىم بەرگەن قۇرمەتتى دوكتور عىلمي اتاعىن تاپسىرىپ العاندىعىنا قۋانىشتامىن. ءتوراعا شي جينپيڭدى شىن جۇرەكتەن قۇتتىقتايمىن. ءتوراعا شي جينپيڭ رەسەي - جۇڭگو قارىم - قاتىناسىنىڭ ىشكەرىلەي دامۋىن ىلگەرىلەتۋگە ماڭىزدى ۇلەس قوستى، حالىقارالىق قارىم - قاتىناس سالاسىندا ءبىرسىپىرا كەلەلى باستامالاردى العا قويدى ءارى ءوزى باس بولىپ اتقارىلۋىن ىلگەرلەتتى. ءتوراعا شي جينپيڭ ورتاعا قويعان ”ءبىر بەلدەۋ، ءبىر جول“دى بىرگە قۇرۋ باستاماسى حالىقارالىق قوعامنىڭ جاپپاي قولداۋىنا جانە ات سالىسۋىنا يە بولدى. سانت - پەتربۋرگ مەملەكەتتىك داشۋەسى قاتارلى رەسەيدەگى ەڭ ۇزدىك عىلمي قۇرىلىمنىڭ جۇڭگوداعى ماڭداي الدى عىلمي قۇرىلىممەن اسا ءونىمدى اۋىس - كۇيىس سەلبەستىگىن ورىستەتۋى ەكى ەل حالقىنىڭ ءوزارا تۇسىنىستىگىن ۇزدىكسىز تەرەڭدەتىپ، رەسەي - جۇڭگو قارىم - قاتىناسىنىڭ ىشكەرىلەي دامۋىن ىلگەرىلەتەتىندىگى داۋسىز.
سالت وقىتۋشى - وقۋشىلاردىڭ ”حالىقارالىق وقۋشىلار ءانى “ن بىرگە شىرقاۋىمەن اياقتادى. سالت اياقتالعاننان كەيىن رەسەيلىك وقۋشىلار شي جينپيڭگە ماي بوياۋلى سۋرەت تۋىندىسىن ۇسىندى، رەسەيدە وقىپ جاتقان جۇڭگولىق وقۋشىلار پۋتينگە ماي بوياۋلى سۋرەت تۋىندىسىن ۇسىندى.
ەكى ەلدىڭ مەملەكەت باسشىلارى مەندەلەيوۆ قىزمەت كەڭسەسىن بىرگە ەكسكۋرسيالادى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىناستى.
جەرگىلىكتى ۋاقىت 6 - ايدىڭ 6 - كۇنى تۇستەن كەيىن، شي جينپيڭ ارناۋلى ۇشاقپەن ماسكەۋدەن اتتانىپ، سانت - پەتربۋرگكە جەتىپ، 23 - كەزەكتى سانت - پەتربۋرگ حالىقارالىق ەكونوميكا تالقى مىنبەرىنە قاتىناستى. شي جينپيڭ سانت - پەتربۋرگ اۋەجايىندا رەسەيدىڭ جوعارى دارەجەلى ءمانساپتىلارىنىڭ قىزۋ قارسى الۋىنا بولەندى. ماسكەۋدەن اتتاناردا، رەسەي ۇكىمەتى اۋەجايدا اتتاندىرۋ سالتىن وتكىزدى. اسكەري وركەستر جۇڭگو - رەسەي ەكى ەلدىڭ مەملەكەت ءانىن ورىندادى. شي جينپيڭ رەسەي ءۇش ارمياسىنىڭ قۇرمەت قاراۋىلىن جانە سالتانات قاتارىن كوزدەن كەشىردى. (تيانشان تورابى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
