ورتالىق قىزىل ارميانىڭ ۇزاق جورىعىنداعى جينالىپ ساپارعا اتتانعان جەر − يۇيدۋعا قايتالاي تىلشىلىك ىستەۋ
كونە ءىزدى باسىپ، اۋەلگى ماقساتتى سەزىنۋ (ايبىندى 70 جىل، كۇرەسكە تولى جاڭا ءداۋىر − تىلشىلەردىڭ ۇزاق جورىق جولىمەن قايتالاي ءجۇرۋى) («حالىق گازەتى»)
«حالىق گازەتىنىڭ» تىلشىلەرى فەي ۋەي - ۋەي، جىڭ شاۋجۇڭ، جۋ لەي
2019.06.12 16:06 كەلۋ قاينارى : حالىق تورابى
رەداكتوردان: اۋەلگى ماقساتتى ۇمىتپاعاندا عانا ءىستىڭ سوڭى باياندى بولادى. 85 جىلدىڭ الدىندا ورتالىق قىزىل ارميا جياڭشيدىڭ يۇيدۋ قاتارلى جەرلەرىنەن اتتانىپ، دۇنيەگە ايگىلى ۇزاق جورىقتى باستادى. 20 نەشە كۇننىڭ الدىندا باس شۋجي شي جينپيڭ يۇيدۋعا ارنايى كەلىپ، ورتالىق قىزىل ارميا ۇزاق جورىعىنىڭ ەسكەرتكىشى الدىندا بۇكىل پارتيانى سوتسياليستىك وسىزاماندانعان مەملەكەت قۇرۋدىڭ جاڭا جورىعىندا بۇرىنعىعا مۇراگەر بولىپ، كەيىنگىگە جول اشىپ، تاعى دا تىڭ ساپارعا اتتانۋعا ۇندەدى.
جاڭا جۇڭگو قۇرىلعانىنىڭ 70 جىلدىعى، بۇكىل پارتيا «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىن ىشكەرىلەي ورىستەتكەن ساتتە، گازەتىمىز بۇگىننەن باستاپ «ايبىندى 70 جىل، كۇرەسكە تولى جاڭا ءداۋىر − تىلشىلەردىڭ ۇزاق جورىق جولىمەن قايتالاي ءجۇرۋى» ايدارىن اشىپ، توڭكەرىستىك اعا بۋىنداردىڭ ىزدەرىن ىزدەپ، اسەرلى ۇزاق جورىق حيكايالارىن تاۋىپ، ۇلى ۇزاق جورىق رۋحىن ساۋلەلەندىرەدى. توڭكەرىستىك قۇربانداردى ەسكە الۋ، توڭكەرىستىك گەندى جالعاستىرۋ ارقىلى توڭكەرىس تاريحىن رەالدىققا اينالدىرىپ، توڭكەرىستىك رۋحپەن بولاشاققا جول اشادى.
ارت - ارتىنان جاۋعان نوسەردەن جياڭشي ولكەسى يۇيدۋ وزەنىنىڭ سۋى بىرنەشە كۇن تاسىپتى، اۆتوموبيل كوپىردە بەس مينۋت ءجۇرىپ قارسى جاعاعا جەتتى.
85 جىلدىڭ الدىندا 86 مىڭنان استام ادام يۇيدۋ وزەنىنە كەلىپ، ۋاقىتپەن سەكۋندتاپ ساناسىپ، تۇپ - تۋرا 3 كۇندە وزەننەن ءوتىپ ۇزاق جورىققا اتتاندى.
تاريح 85 جىلدى ارتقا تاستادى، يۇيدۋ وزەنى ايالسىز اعۋدا، وزەن وتكەن مەن بۇگىننىڭ دانەكەرى ىسپەتتى. 1934 – جىلى 10 - ايدىڭ 18 - كۇنى ج ك پ ورتالىق كوميتەتى، ورتالىق توڭكەرىستىك اسكەري ىستەر كوميتەتى ورتالىق قىزىل ارميانىڭ نەگىزگى كۇشىن باستاپ، وڭتۇستىكتە يۇيدۋ وزەنىنەن ءوتىپ، ۇزاق جورىققا اتتاندى.
قايدا بارادى؟ قالاي جۇرەدى؟ مەيلى جاۋىنگەر بولسىن، الدە بۇقارا بولسىن، باسىم كوپ ساندى ادام جاعدايدى بىلمەيدى، ءبىراق پارتياعا ىلەسۋ دەگەن ءبىر عانا سەنىمى بار.
سول جىلى يۇيدۋ وزەنىنىڭ بويىندا قارا سۋىق كۇشتى بولدى، ادام قارا ءنوپىر، تەز ارادا قالقىما كوپىر سالۋ ءۇشىن بۇقارا ەسىك تاقتايىن، توسەك تاقتايىن الىپ شىقتى، ءتىپتى ءومىرىن ارناعاندار دا بولدى. اۋىلداستار ءبىر جاعىنان قىزىل ارمياعا ىلەسىپ ءجۇرىپ، ەندى ءبىر جاعىنان جۇمىرتقا، كۇرىشتەرىن جاۋىنگەرلەردىڭ قالتاسىنا سالىپ، ۇزاق ۋاقىتقا دەيىن قيماستىقپەن قاراپ تۇردى. سول كەزدەگى قىزىل 1 - ارميا 1 - ديۆيزيا 1 - پولكىنىڭ باستىعى ياڭ دىجى وتكەن ىستەردى ەسكە الىپ بىلاي دەيدى: «كۇن قاتتى سۋىق ەدى، شام، الاۋ ۇستاپ ارميانى اتتاندىرىپ سالعان قارسى جاعاداعى بۇقاراعا قايىرىلا قاراعانىمىزدا ءون بويىمىزدى ىستىق جالىن كەرنەپ جاتتى».
تاريحي ماتەريالداردا جازىلۋىنشا، ورتالىق قىزىل ارميا ۇزاق جورىق بارىسىندا 380 رەتتەن استام شايقاس جۇرگىزگەن، يىڭ دارەجەلىدەن جوعارى كادرلاردان 430 نەشە ادامدى قۇربان بولعان، ولاردىڭ ورتاشا جاسى 30 عا جەتپەيدى ەكەن. قارلى تاۋدان، ساحارادان ءوتىپ، 18 ۇلكەن تاۋدان اسىپ، 24 ۇلكەن وزەننەن وتتىك... قانداي اۋەلگى ماقسات پەن سەنىم بۇل قوسىندى قاجىماي - تالماي، قيىنشىلىق، حاۋىپ – قاتەر اتاۋلىنى جەڭۋگە شابىتتاندىردى؟
يۇيدۋ اۋدانىنىڭ ورتالىعىنان شىعىسقا قاراي ءبىر ساعاتتان استام ۋاقىت ءجۇرىپ دۋان – ۋ اۋىلىنىڭ حانشين قىستاعىنا جەتتىك.
شياۋ دۇڭياڭ كاريا قىزىل ءتۇستى قۇرباندار ەستەلىگى داپتەرىن الىپ شىعىپ، ءبىر بەت، ءبىر بەتتەن اشىپ كورسەتتى، ەڭ كىشكەنەسى 14 جاستا عانا ەكەن، ودان 1934 - جىلدان كەيىن حابار ءۇزىلىپتى. حانشين قىستاعىنان سول جىلى 100 ادام ۇزاق جورىققا قاتىناسقان، ەڭ سوڭىندا ءبىر ادام عانا قايتىپ كەلگەن.
مۇنداي اڭگىمەلەر وتە كوپ. جول بويى تىلشىلىك ىستەگەندە اسەرلەنىپ، كەيدە قالامدى توقتاتىپ، كوز جاسىمىزدى سۇرتتىك. جورىققا شىعار الدىندا يۇيدۋ حالقى شەشەسى بالاسىن، ايەلى كۇيەۋىن دەگەندەي قىزىل ارمياعا اتتاندىرعان، ءبىر جەردىڭ وزىندە 20 مىڭنان استام اسكەر تولىقتانعان؛ يۇيدۋ حالقى ىشەر استىعىن عانا الىپ قالعان، 1934 - جىلى 5 - ايدان 8 - ايعا دەيىن قىزىل ارمياعا كومەكتەسىپ 79 مىڭ 390 دان استىق بەرگەن... دۋان - ۋ اۋىلى ۋەيشاڭ قىستاعىنىڭ، تۇڭلوۋان قىستاعىنىڭ تۇرعىنى دۋان جيۋچاڭ سول كەزدە قىزىل ارمياعا قاتىناسقان.
تۇڭلوۋان ــ قىزىل 1 - ارميانىڭ ۇزاق جورىققا اتتاناتىن جەرى، سونداي - اق قىزىل 1 - ارميانىڭ شتابى تۇرعان جەر، دۋان جيۋچاڭنىڭ تەلەگرامما اپپاراتىن ارقالاپ شابىستان وتكەندەگى اڭگىمەسى الىس - جاقىنعا ابدەن تانىس.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
