شي جينپيڭ بەيجيڭنەن اتتانىپ بىشكەككە جەتتى
قىرعىزستان رەسپۋبليكاسىندا، تاجىكستان رەسپۋبليكاسىندا مەملەكەتتىك ساپاردا بولادى ءارى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 19 - ماجىلىسىنە، ازيا ءوزارا سەلبەستىك جانە سەنىمدىلىك شارالارى ءماجىلىسىنىڭ 5 - رەتكى سامميتىنە قاتىناسادى
2019.06.13 16:33 كەلۋ قاينارى : حالىق تورابى
«حالىق گازەتى»، 6 - ايدىڭ 12 – كۇنى، بىشكەك (تىلشىلەر ۋاڭ شياۋدۇڭ، دۋ شاڭزى). مەملەكەت ءتوراعاسى شي جينپيڭ 6 - ايدىڭ 12 - كۇنى ارناۋلى ۇشاقپەن بىشكەككە جەتىپ، قىرعىزستان رەسپۋبليكاسىنداعى مەملەكەتتىك ساپارىن باستادى، الدا شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 19 - ماجىلىسىنە قاتىناسادى.
سول جەر ۋاقىتى بويىنشا كەشكى ساعات 7 دەن 40 مينۋت وتكەندە، شي جينپيڭ وتىرعان ارناۋلى ۇشاق ماناس حالىقارالىق اۋەجايىنا قوندى. شي جينپيڭ ۇشاق ەسىگىنەن شىققاندا، قىرعىزستاننىڭ پرەزيدەنتى جيەنبەكوۆ ۇشاق باسپالداعىنىڭ جانىندا ىستىق ىقىلاسپەن قارسى الدى. سول جەر بويجەتكەندەرى شي جينپيڭگە گۇل جانە بولكا، بال ۇسىنىپ، سيلى قوناقتاردى قارسى الاتىندارىن ءبىلدىردى. قىرعىزستان قۇرمەت قاراۋىلى قىزىل كىلەمنىڭ ەكى جاعىندا ساپ تۇزەپ، قۇرمەت ءبىلدىردى.
ەكى ەل باسشىلارى ىقىلاسپەن اڭگىمەلەستى. شي جينپيڭ جيەنبەكوۆتىڭ اۋەجايعا ءوزى بارىپ قارسى العانىنا العىس ايتىپ، تاتۋ قىرعىزستان حالقىنا جۇڭگو حالقىنىڭ ىقىلاستى سالەمى مەن ىزگى تىلەگىن جەتكىزدى. شي جينپيڭ مىنالاردى اتاپ كورسەتتى: جۇڭگو مەن قىرعىزستاننىڭ تاۋ - وزەندەرى تۇتاسقان، حالىقتارى ۇرپاقتان - ۇرپاققا ىرگەلەس تۇرىپ كەلەدى. بايىرعى جىبەك جولى ءبىزدى تىعىز بايلانىستىردى. قازىر جۇڭگو مەن قىرعىزستاننىڭ جالپى بەتتىك ستراتەگيالىق ارىپتەستىك قاتىناسى ۇزدىكسىز ىشكەرىلەي دامىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىنىڭ تابىسى قوماقتى بولىپ، ەكى ەل ناعىز كورشى، ابزال دوس، جاقسى سەرىك بولىپ وتىر. ساپار كەزىندە مەن جيەنبەكوۆ پرەزيدەنتپەن جۇڭگو - قىرعىزستان جالپى بەتتىك ستراتەگيالىق ارىپتەستىك قاتىناسىن تەرەڭدەتۋ، «ءبىر بەلدەۋ، ءبىر جولدى» بىرگە قۇرۋ، ءار سالاداعى ءوزارا ءتيىمدى سەلبەستىكتى كەڭەيتۋ، سونداي - اق باسقا دا ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، جۇڭگو - قىرعىزستان قاتىناسىنىڭ بولاشاق دامۋىنا جاڭا جوبا جاسايمىن. وسى رەتكى ساپاردىڭ جۇڭگو مەن قىرعىزستاننىڭ ءداستۇرلى دوستىعىن بەكەمدەپ، جۇڭگو مەن قىرعىزستاننىڭ جالپى بەتتىك ستراتەگيالىق ارىپتەستىك قاتىناسىن تىڭ ساتىعا كوتەرەتىنىنە سەنەمىن.
شي جينپيڭ مىنالاردى دارىپتەدى: بىشكەك ءسامميتى شاڭحاي سەلبەستىك ۇيىمىنىڭ بولاشاق دامۋى جونىنەن ماڭىزدى مانگە يە. قىرعىزستان كەزەكتى ءتوراعا ەل رەتىندە وسى رەتكى سامميتكە دايىندىق كورۋ ءۇشىن قىرۋار قىزمەت ىستەدى. مۇشە ەلدەردىڭ بىرگە قۇلشىنۋىندا، وسى رەتكى سامميتتە، ءسوز جوق، مول تابىسقا قول جەتكىزىلىپ، شاڭحاي سەلبەستىك ۇيىمىنىڭ جاڭا دامۋىن جۇزەگە اسىرۋ ىلگەرىلەتىلەتىنىنە سەنەمىن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
