بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ تاجىكستاننىڭ اقپارات قۇرالدارىندا اۆتورلى ماقالا جاريالادى

جۇڭگو - تاجىكستان دوستىعىنىڭ تىڭ شۇعىلاسىن بىرگە سومدايىق

2019.06.13 16:37     كەلۋ قاينارى : حالىق تورابى

  «حالىق گازەتى»، 6 - ايدىڭ 12 – كۇنى، بەيجيڭ. 6 - ايدىڭ 12 – كۇنى، ازيا ءوزارا سەلبەستىك جانە سەنىمدىلىك شارالارى ءماجىلىسىنىڭ 5 - رەتكى باس قوسۋىنا قاتىناسۋ ءارى تاجىكستان رەسپۋبليكاسىندا مەملەكەتتىك ساپاردا بولۋ قارساڭىندا، مەملەكەت ءتوراعاسى شي جينپيڭ تاجىكستاننىڭ «حالىق گازەتىندە»، حابار مەملەكەتتىك اگەنتتىگىندە «جۇڭگو - تاجىكستان دوستىعىنىڭ تىڭ شۇعىلاسىن بىرگە سومدايىق» دەگەن تاقىرىپتا اۆتورلى ماقالا جاريالادى. ماقالانىڭ تولىعى تومەندەگىدەي:

  جۇڭگو - تاجىكستان دوستىعىنىڭ تىڭ شۇعىلاسىن بىرگە سومدايىق

  جۇڭحۋا حالىق رەسپۋبليكاسىنىڭ ءتوراعاسى شي جينپيڭ

  «بارشا الاپتان قىر گۇلدەرىنىڭ حوش ءيىسى اڭقيدى، كۇمىس وزەن سىڭعىرلاپ تاۋدان تومەن قۇلايدى». تىرشىلىك تىنىسىنا تولى وسىناۋ جاز ماۋسىمىندا پرەزيدەنت راحموننىڭ ۇسىنىسى بويىنشا، مەن دوس ەل تاجىكستاندا مەملەكەتتىك ساپاردا بولامىن. 5 جىلدىڭ الدىندا تاجىكستاندا تۇڭعىش ساپاردا بولدىم. وسى بايىرعى جەرگە تاعى دا قادام تاستاپ، مەيماندوس تاجىكستاندىق دوستارمەن كەزدەسكەلى وتىرمىن، ساپاردان زور ءۇمىت كۇتەمىن.

  جۇڭگو مەن تاجىكستاننىڭ تاۋ - سۋى جالعاسقان، ەكى ەل حالىقتارىنىڭ دوستىق بارىس - كەلىسى ارىدان باستاۋ الادى. 2 مىڭ جىلدان استام ۋاقىتتىڭ الدىندا جۇڭگونىڭ حان پاتشالىعى داۋىرىندە جاڭ چيان باتىس وڭىرگە ساپار شەگىپ، ۇلى جىبەك جولىن اشىپ، ادامزات وركەنيەتىنىڭ اۋىس - كۇيىس تاريحىندا تاماشا داستان قالدىردى. ەكى ەلدىڭ اتا - بابالارى ءبىرىنىڭ كەمىن ءبىرى تولىقتاپ، ءوزارا ۇيرەنىپ، ءبىرىن - ءبىرى ۇلگى ەتتى. ورتا ازيا سىندى وسىناۋ ۇلان - بايتاق وڭىردە ۇلى تاڭ پاتشالىعىنان شۋانزاڭ، ميڭ پاتشالىعىنان چىن چىڭ دوستىق ىزدەرىن قالدىردى، سوموني، رۋداكي قاتارلى تاجىكستاننىڭ تاريح، مادەنيەت سالاسىنداعى ايگىلى ادامداردىڭ حيكايالارى دا جۇڭحۋانىڭ بايتاق دالاسىنا تارالىپ، سوعدىلاردىڭ الۋان ءتۇرلى كەلبەتى تاڭ پاتشالىعىنىڭ جىرلارىندا باس كەيىپكەر بولدى. نەشە مىڭ جىلدان بەرى ەكى ەل حالىقتارىنىڭ دوستىعى، بەينە، ايبىندى پامير ءۇستىرتى سياقتى، اۋمالى - توكپەلى جاعدايعا بولا مىزعىمادى، ءداۋىردىڭ وزگەرىسىنە ىلەسە وزگەرمەدى.

  27 جىلدىڭ الدىندا جۇڭگو تاجىكستاننىڭ تاۋەلسىزدىگىن ەڭ الدىمەن مويىندادى، ەكى ەل ديپلوماتيالىق قاتىناس ورناتتى، جۇڭگو مەن تاجىكستان حالىقتارىنىڭ دوستىعى تىڭ ومىرشەڭدىك كۇشكە يە بولدى. 27 جىلدان بەرى جۇڭگو مەن تاجىكستان باستان - اياق ءبىر - بىرىنە سەنىپ، ءبىر - بىرىنە قۇرمەت ەتىپ، ءار سالادا ءوزارا ءتيىمدى سەلبەستىك ورىستەتىپ، حالىقارالىق قوعامدا تۇرلىشە ءتۇزىم، تۇرلىشە وركەنيەت، تۇرلىشە كولەمدەگى ەلدەردىڭ دوستىق سەلبەستىگىنىڭ ۇلگىسىن ورناتتى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار