شي جينپيڭ قىرعىزستاننىڭ پرەزيدەنتى جيەنبەكوۆپەن كەڭەس وتكىزدى
2019.06.14 16:18 كەلۋ قاينارى : حالىق تورابى
«حالىق گازەتى»، 6 - ايدىڭ 13 – كۇنى، بىشكەك (تىلشىلەر دۋ شاڭزى، چۇي سۇڭ). مەملەكەت ءتوراعاسى شي جينپيڭ 6 - ايدىڭ 13 - كۇنى بىشكەكتە قىرعىزستاننىڭ پرەزيدەنتى جيەنبەكوۆپەن كەڭەس وتكىزدى. ەكى ەل باسشىلارى جۇڭگو - قىرعىزستان قاتىناسىنىڭ دامۋى مەن ءار سالاداعى سەلبەستىك تابىسىن جوعارى باعالاپ، جۇڭگو مەن قىرعىزستاننىڭ جالپى بەتتىك ستراتەگيالىق ارىپتەستىك قاتىناسىنىڭ تىڭ ساتىعا كوتەرىلۋىن ىلگەرىلەتۋگە ءبىر اۋىزدان قوسىلدى.
شي جينپيڭ مىنالاردى اتاپ كورسەتتى: جۇڭگو مەن قىرعىزستان ديپلوماتيالىق قاتىناس ورناتقان 27 جىلدان بەرى ەكى ەل قاتىناسى حالىقارالىق جاعدايدىڭ سىنىنان ءوتىپ، قارىشتاپ دامۋدى جۇزەگە اسىرىپ، ءوزارا قۇرمەت ەتەتىن، تەڭ تۇرعىدا سەلبەستىك جاسايتىن، ءوزارا پايدا جەتكىزىپ، تەڭ يگىلىككە كەنەلەتىن جاڭاشا مەملەكەت قاتىناسىنىڭ ۇلگىسىن ورناتتى. مەن پرەزيدەنت مىرزانىڭ جۇڭگومەن دوستىق تۇرعىدا تۇرعانىن القايمىن. جۇڭگو قىرعىزستاننىڭ دەربەس تاڭداعان دامۋ جولىمەن ءجۇرۋىن اۋەلگىدەي قولدايدى، قىرعىزستان ۇكىمەتىنىڭ مەملەكەتتىڭ تاۋەلسىزدىگىن، يەلىك ۇقىعىن، حاۋىپسىزدىگىن قورعاۋ ءۇشىن اتقارعان ىشكى - سىرتقى ساياساتتارىن قولدايدى. جۇڭگو قىرعىزستانمەن بىرگە جۇڭگو مەن قىرعىزستاننىڭ ۇرپاقتان - ۇرپاققا جالعاسقان دوستىق رۋحىن ساۋلەلەندىرىپ، ءوزارا ءتيىمدى سەلبەستىكتى تەرەڭدەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى. ءبىز ءوزارا قولداۋدى تاباندىلىقپەن كۇشەيتىپ، ءار سالاداعى سەلبەستىكتى تاباندىلىقپەن ىلگەرىلەتسەك بولعانى، جۇڭگو مەن قىرعىزستاننىڭ بىرگە دامۋ، گۇلدەنۋ جولى بارعان سايىن كەڭەيە تۇسەدى.
شي جينپيڭ مىنالاردى دارىپتەدى: «ءبىر بەلدەۋ، ءبىر جولدى» بىرگە قۇرۋ جۇڭگو - قىرعىزستان سەلبەستىگىنىڭ نەگىزگى جەلىسىنە اينالدى. جاڭا جاعدايدا ەكى جاق ەكى ەلدىڭ دامۋ ستراتەگياسىن ىشكەرىلەي ۇشتاستىرۋدى ىلگەرىلەتىپ، جاڭا سەلبەستىك كومەسكى كۇشىن، جاڭا سەلبەستىك ءورىسىن اشۋى كەرەك. ەكونوميكا - ساۋدا، قارجى قوسۋ سەلبەستىگىن كەڭەيتىپ، قاتىستى ءتۇيىندى سەلبەستىك نىساندارىن ويداعىداي تياناقتاندىرۋ كەرەك. جۇڭگو قىرعىزستاننىڭ جاسىل، ساپالى اۋىل شارۋاشىلىق ونىمدەرىن يمپورت ەتۋدى قالايدى. جۇڭگو قىرعىزستاننىڭ ەكونوميكالىق، قوعامدىق دامۋىن ۇزدىكسىز قولداپ، قىرعىزستانمەن بىرگە اۋىز سۋ، جول، شيپاحانا سياقتى حالىق تۇرمىسى نىساندارىن ويداعىداي اتقارادى. ەكى جاق گۋمانيتارلىق جانە جەرگىلىكتى ورىنداردىڭ اۋىس - كۇيىسىن جيىلەتىپ، ەكى ەلدىڭ جەرگىلىكتى ورىندارىنىڭ سەلبەستىگىنىڭ ساپاسىن، دارەجەسىن جوعارىلاتۋىن ىلگەرىلەتۋى كەرەك. حاۋىپسىزدىك سەلبەستىگى دەڭگەيىن جاپپاي جوعارىلاتىپ، «ءۇش ءتۇرلى كۇشكە»، ەل اتتاپ ۇيىمدىق قىلمىس وتكىزۋ، ەسىرتكى ساتۋ سياقتى قيمىلدارعا سوققى بەرۋ تەبىنىن ارتتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
