سىرتقى ىستەر مينيسترلىگى: ا ق ش جاقتىڭ ب م ۇ باس حاتشىسىنىڭ لاڭكەستىككە قارسى تۇرۋ ىستەرىنە جاۋاپتى ورىنباسارىنىڭ شينجياڭعا ساپارلاي كەلگەنى جونىندە ورەسكەل پىكىر بىلدىرگەنى بارىپ تۇرعان سوراقىلىق
2019.06.18 13:15 كەلۋ قاينارى : حالىق تورابى
شينحۋا اگەنتتىگى، 6 – ايدىڭ 17 – كۇنى، بەيجيڭ (ءتىلشى: حوۋ شياۋچىن) ا ق ش جاقتىڭ ءمانساپتىسىنىڭ ب م ۇ باس حاتشىسىنىڭ لاڭكەستىككە قارسى تۇرۋ ىستەرىنە جاۋاپتى ورىنباسارىنىڭ شينجياڭعا ساپارلاي كەلگەنىنە قاتىستى پوزيتسيا بىلدىرگەنى جونىندە، سىرتقى ىستەر مينيسترلىگىنىڭ مالىمدەمەشىسى لۋ كاڭ 6 – ايدىڭ 17 – كۇنى مىنانى ءبىلدىردى: ا ق ش جاق ورەسكەل پىكىر ءبىلدىرىپ، جۇڭگو مەن ب م ۇ - ىن سەبەپسىز جازعىردى، بۇل بارىپ تۇرعان سوراقىلىق، قۇر ارامتەر بولعاندىق.
سول كۇنى اشىلعان كەزەكتى تىلشىلەردى قابىلداۋ جيىنىندا ءتىلشى بىلاي دەپ سۇرادى: ا ق ش مەملەكەت ىستەرى حاتشىسىنىڭ ورىنباسارى سالليۆەن 6 – ايدىڭ 14 – كۇنى ب م ۇ – نىڭ باس حاتشىسى گۋتەرەسپەن تەلەفوندا سويلەسكەندە، ب م ۇ باس حاتشىسىنىڭ لاڭكەستىككە قارسى تۇرۋ ىستەرىنە جاۋاپتى ورىنباسارى ۆورونكوۆتىڭ شينجياڭعا ساپارلاي بارعانىنا «ايرىقشا نازار اۋدارعانىن» بىلدىرگەن. ول ب م ۇ جاقتىڭ بۇل ساپاردى ورنالاستىرۋى «مۇلدە ءجونسىز»، «بۇل ب م ۇ – نىڭ لاڭكەستىككە قارسى تۇرۋ جانە كىسىلىك ۇقىق ىستەرى جاعىنداعى ابىرويى مەن بەدەلىنە نۇقسان كەلتىرەدى» دەگەن، بۇل جونىندە جۇڭگو جاق قانداي پوزيتسيا بىلدىرەدى؟
لۋ كاڭ بىلاي دەدى: الدىمەن ايتارىم، ا ق ش جاقتىڭ ءمانساپتىسىنىڭ مۇنداي پوزيتسيا ءبىلدىرۋى بارىپ تۇرعان سوراقىلىق. ب م ۇ باس حاتشىسىنىڭ لاڭكەستىككە قارسى تۇرۋ ىستەرىنە جاۋاپتى ورىنباسارى ۆورونكوۆ 6 – ايدىڭ 13 – كۇنىنەن 15 – كۇنىنە دەيىن جۇڭگودا ساپاردا بولدى، ساپار وتە ءساتتى اياقتاپ، جۇڭگو مەن ب م ۇ – نىڭ لاڭكەستىككە قارسى تۇرۋ جاعىنداعى سەلبەستىگىن كۇشەيتتى، ب م ۇ بۇل رەتكى ساپارعا جوعارى باعا بەردى.
لۋ كاڭ مىنانى ءبىلدىردى: جۇڭگودا ساپاردا بولۋ بارىسىندا، ۆورونكوۆ باستاعان ب م ۇ قىزمەتكەرلەرى شينجياڭدا ەكسكۋرسيادا جانە ساپاردا بولىپ، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋداعى ناقتى جاعدايىن ۇعىستى. جۇڭگو جاق جۋىردا باسقا شەتەل ءمانساپتىلارىن، جۇڭگودا تۇراتىن باس ەلشىلەردى، تىلشىلەردى، وقىمىستىلاردى شينجياڭعا بارىپ ەكسكۋرسيالاۋعا، ساپاردا بولۋعا ۇسىنىس ەتتى. ولاردىڭ كوبى ناق مايداندا ەكسكۋرسيادا جانە ساپاردا بولدى، ولاردىڭ ساپارى شينجياڭنىڭ ءىس جۇزىندىك جاعدايىن ۇعىسۋلارىنا كومەگىن تيگىزدى، ءبارى دە جۇڭگو ۇكىمەتىنىڭ اتقارعان شارالارىنا جوعارى باعا بەرىپ، جۇڭگو ۇكىمەتىنىڭ تاجىريبەسى ۇلگى الۋعا تاتيدى دەپ قارادى.
لۋ كاڭ بىلاي دەدى: سەن ايتقان ا ق ش ءمانساپتىسىنىڭ ءسوزى جونىندە، اشىعىن ايتساق، ا ق ش جاق حالىقارالىق قوعامنىڭ جۇڭگونىڭ شينجياڭى جونىندە ءادىل، وبيەكتيۆ پوزيتسيا ءبىلدىرۋىن تىڭداعىسى، كورگىسى كەلمەيدى، بۇل الدەقاشان جۇرتقا ايان بولعان. ول بىلاي دەپ تانىستىردى: بيىل 3 – ايدا ءىسلام سەلبەستىك ۇيىمىنا مۇشە ەلدەردىڭ سىرتقى ىستەر مينيسترلەرى القالار كەڭەسىنىڭ 46 – رەتكى ءماجىلىسى قاۋلى ماقۇلداپ، جۇڭگونىڭ جۇڭگوداعى مۇسىلماندارعا قامقورلىق جاساۋ جاعىندا كورسەتكەن قۇلشىنىستارىن ماداقتادى، جۇڭگومەن سەلبەستىكتى كۇشەيتۋدى قالايتىنىن ءبىلدىردى. ا ق ش جاق بۇل جونىندە دە نارازىلىق ءبىلدىردى.
لۋ كاڭ بىلاي دەدى: ا ق ش جاق جۇڭگو شينجياڭ ىستەرى جونىندە جۇڭگو ۇكىمەتىنىڭ اتقارعان ساياساتتارى مەن شارالارىنا جالا جاپتى، بۇل جۇڭگونىڭ ىشكى ىستەرىنە كيلىگۋ ەسەپتەلەدى، جۇڭگو جاق بۇل جونىندە كوپ رەت ايقىن مايدانىن جانە باتىل قارسى تۇراتىن پوزيتسياسىن ءبىلدىردى. ا ق ش جاقتىڭ وسى جولى ۆورونكوۆتىڭ شينجياڭعا ساپارى جونىندە ورەسكەل پىكىر ءبىلدىرۋى، جۇڭگو مەن ب م ۇ – نى جازىقسىز جازعىرۋى قۇر ارامتەر بولعاندىق.
ول بىلاي دەدى: ب م ۇ حاتشىلار باسقارماسىنىڭ ءمانساپتىسىنىڭ جۇڭگوعا ساپارلاي كەلۋىن قارسى الۋ — جۇڭگو مەن ب م ۇ – نىڭ قالىپتى سەلبەستىگىنىڭ ءبىر بولەگى، ا ق ش جاق تا كەزىندە ۆورونكوۆتىڭ ساپارلاي بارۋىن قابىلداعان. سوندىقتان، ا ق ش جۇڭگو مەن ب م ۇ – نىڭ قالىپتى سەلبەستىگى جونىندە الباتى پىكىر بىلدىرۋگە قاقىلى ەمەس.
لۋ كاڭ سوڭىندا مىنانى ءبىلدىردى: ۆورونكوۆتىڭ جۇڭگو شينجياڭعا ساپارلاۋى — جۇڭگو مەن ب م ۇ كەڭەسىپ بەكىتكەن ساپاردىڭ ءبىر بولەگى. «ا ق ش جاق ءبىر جاعىنان ، جۇڭگو جاقتان شينجياڭدا ۇشقارىلىقتى الاستاۋ جونىندە اتقارعان شارالارى تۋرالى تۇسىنىك بەرۋدى تالاپ ەتتى، ءبىراق، جۇڭگو جاق قاقپانى ايقارا اشىپ، ب م ۇ ءمانساپتىسىن شينجياڭعا ساپارلاي بارۋعا ۇسىنىس ەتكەندە، ب م ۇ – نىڭ بۇل ساپارىن «مۇلدە ءجونسىز» دەپ جازعىرۋدا، بۇل تەگى قانداي لوگيكا؟ ا ق ش جاقتىڭ ارەكەتى اسا مونتانىلىق، مۇلدە قيسىنسىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
