شي جينپيڭ سىچۋان ولكەسىنىڭ چاڭنيڭ اۋدانىنداعى 6.0 بال جەر سىلكىنىسى جونىندە ماڭىزدى نۇسقاۋ بەردى
جەر سىلكىنىسىنە قارسى اتتانىپ، اپاتتان قۇتقارۋعا كۇش سالىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىزداندىرۋدى تالاپ ەتتى، لي كىچياڭ اپاتتان قۇتقارۋ قىزمەتى جونىندە بەكىتۋ جازدى
2019.06.19 16:39 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 18 - كۇنى، بەيجيڭ. بەيجيڭ ۋاقىتى 6 - ايدىڭ 17 - كۇنى ساعات 22 دەن 55 مينۋت وتكەندە سىچۋان ولكەسى ي - بين قالاسى چاڭنيڭ اۋدانىندا 6.0 بال جەر سىلكىندى، سىلكىنىس كوزىنىڭ تەرەڭدىگى 16 كيلومەتر. قازىرگە دەيىن جەر سىلكىنىسىندە 13 ادام ءولىپ، 158 ادام جارالانىپ، 140 مىڭنان استام ادام اپاتقا ۇشىراپ، ءبىر ءبولىم سۋ ەلەكتر، قاتىناس، حابارلاسۋ سياقتى نەگىزدىك قۇرىلعىلار ءبۇلىندى.
جەر سىلكىنىسى تۋىلعاننان كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا نازار اۋدارىپ، ماڭىزدى نۇسقاۋ بەرىپ، جەر سىلكىنىسىنە قارسى اتتانىپ، اپاتتان قۇتقارۋعا كۇش سالىپ، ادام ىزدەۋدى، جارالىلاردى قۇتقارۋدى ماڭداي الدى ورىنعا قويىپ، ءولىم - ءجىتىمدى مۇمكىندىكتىڭ بارىنشا ازايتۋدى تالاپ ەتتى. ازاتتىق ارميا، قارۋلى ساقشى بولىمدەرى جەرگىلىكتى ورىنداردىڭ قاتەردەن اراشالاۋ، اپاتتان قۇتقارۋ قىزمەتىن ورىستەتۋىنە قولداۋ كورسەتۋى جانە سايكەسۋى كەرەك. عىلمي قۇتقارۋعا نازار اۋدارىپ، سىلكىنىس جاعدايىن باقىلاۋدى كۇشەيتىپ، قايتا تۋىلاتىن اپاتتىڭ زاردابىنان ساقتانىپ، سۋمەن، توكپەن قامداۋ، قاتىناس - تاسىمال، حات - حابار الىسۋ سياقتى قىزمەتتەردى تەز ارادا قالپىنا كەلتىرىپ، اپاتقا ۇشىراعان بۇقارانى حاۋىپتەن اراشالاۋ، ورنالاستىرۋ سياقتى قىزمەتتەردى ويداعىداي ىستەۋ كەرەك. قازىر ءدال تاسقىن مەزگىلى، بۇكىل ەلدەگى ءىشىنارا رايونداردا نوسەر جاۋىپ، تاسقىن، سەل، جەر كوشكىنى سياقتى اپاتتار تۋىلىپ، ءولىم - ءجىتىم جانە مال - مۇلىك شىعىنى تۋىلدى، قاتىستى رايوندارداعى پارتكومدار مەن ۇكىمەتتەر حالىقتى وزەك ەتۋ يدەياسىن بەرىك ورناتىپ، تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتىن بەلسەنە ۇيىمداستىرىپ جانە ورىستەتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىزداندىرۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، جەر سىلكىنىسى اپاتى جاعدايىن انىقتاۋ قىزمەتىن مىقتى يگەرىپ، قاتەردەن اراشالاۋعا جانە جارالىلاردى قۇتقارۋعا كۇش سالىپ، بۇلىنگەن قاتىناس، حابارلاسۋ سياقتى نەگىزدىك قۇرىلعىلاردى تەز ارادا جوندەۋدى تالاپ ەتتى. اپات جاعدايى مەن اپاتتان قۇتقارۋ قىزمەتى ينفورماتسياسىن دەر كەزىندە جاريالاپ، اپات تۋىلعان رايوننىڭ قوعام ءتارتىبىن قورعاۋ كەرەك. سۋ يگىلىگى مينيسترلىگى، شۇعىل جاعدايعا توتەپ بەرۋ، باسقارۋ مينيسترلىگى، جاراتىلىستىق بايلىق مينيسترلىگى قاتىستى جەرلەردىڭ تاسقىن مەزگىلىندەگى نوسەردەن تۋىلاتىن ءتۇرلى اپاتتاردان ساقتانۋ جانە وعان توتەپ بەرۋ قىزمەتىن ويداعىداي ىستەۋىنە جەتەكشىلىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
