شي جينپيڭ چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن كەڭەس وتكىزدى
2019.06.21 16:17 كەلۋ قاينارى : حالىق تورابى
«حالىق گازەتى»، 6 – ايدىڭ 20 – كۇنى، پيوڭياڭ (تىلشىلەر دۋ شاڭزى، ماڭ جيۋچىن). 6 – ايدىڭ 20 – كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ پيوڭياڭداعى جينشيۋشان قوناق ۇيىندە چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن كەڭەس وتكىزدى. ەكى جاق جاڭا تاريحي باستامادا جۇڭگو مەن چاۋشياننىڭ اۋەلگى ماقساتىن ۇمىتپاي، قول ۇستاسا العا باسىپ، ەكى پارتيا مەن ەكى ەل قاتىناسىنىڭ جارقىن بولاشاعىن بىرگە اشۋعا ءبىر اۋىزدان قوسىلدى.
شي جينپيڭ مىنالاردى اتاپ كورسەتتى: بىلتىردان بەرى جولداس كوميتەت باستىعى ەكەۋىمىز 4 رەت كەزدەسىپ، جۇڭگو - چاۋشيان قاتىناسىنىڭ جاڭا داستانىن جازدىق ءارى تەرەڭ دوستىق ورناتتىق. كوميتەت باستىعى كيم جوڭ - ۇن جولداستىڭ وسى جولعى ساپارىم ءۇشىن وتكىزگەن سالتاناتتى دا قىزۋ قارسى الۋ سالتىنا العىس ايتامىن، بۇگىن ۇشاقتان ءتۇسىپ قونالقى ورىنعا بارعانعا دەيىنگى بارلىق جەردە جۇڭگو مەن چاۋشياننىڭ ءبىر شاڭىراقتىڭ ادامدارىنداي قويۋ سۇيىسپەنشىلىگىن سەزىندىم. بيىل − جۇڭگو مەن چاۋشياننىڭ ديپلوماتيالىق قاتىناس ورناتقانىنىڭ 70 جىلدىعى، ەكى پارتيا، ەكى ەل قاتىناسىنىڭ دامۋ تاريحىندا بۇرىنعىعا مۇراگەر بولىپ، كەيىنگىگە جول اشۋ سىندى ماڭىزدى مانگە يە، مەن كوميتەت باستىعى كيم جوڭ - ۇنمەن پيوڭياڭدا كەزدەستىم. مەن بۇل جولى جۇڭگو مەن چاۋشياننىڭ دوستىعىن بەكەمدەۋ، جالعاستىرۋ ءۇشىن، كورەي تۇبەگى ماسەلەسىن ساياسي جولمەن شەشۋ اياق الىسىن ىلگەرىلەتۋ ءۇشىن كەلدىم. وسى رەتكى ساپاردى وراي ەتىپ، جۇڭگو مەن چاۋشيان قاتىناسىنىڭ كوركەم بولاشاعىن، ءسوز جوق، بىرگە سىزىپ، جۇڭگو مەن چاۋشيان دوستىعىنىڭ تىڭ داستانىن جازاتىنىمىزعا سەنەمىن.
شي جينپيڭ مىنالاردى دارىپتەدى: جۇڭگو - چاۋشيان قاتىناسىنىڭ بارىسىنا كوز جىبەرسەك، مىنانى تەرەڭ تانۋعا بولادى: كوممۋنيستىك پارتيا باسشىلىعىنداعى سوتسياليستىك مەملەكەت − جۇڭگو - چاۋشيان قاتىناسىنىڭ ماندىك قاسيەتى؛ ورتاق مۇرات - سەنىم جانە كۇرەس نىساناسى − جۇڭگو - چاۋشيان قاتىناسىنىڭ العا باساتىن قوزعاۋشى كۇشى؛ ەڭ جوعارى باسشىنىڭ دوستىعىنا مۇراگەرلىك ەتۋى مەن ستراتەگيالىق جەتەكشىلىك ەتۋى جۇڭگو مەن چاۋشيان قاتىناسىنىڭ ەڭ ۇلكەن ابزالدىعى؛ وڭىرلىك تۋىسقاندىق پەن گۋمانيتارلىق تۇتاستىق − جۇڭگو - چاۋشيان قاتىناسىنىڭ بەرىك دانەكەرى. ءبىز جۇڭگو مەن چاۋشيان دوستىعىنىڭ ەكى ەل حالىقتارىنىڭ تىلەگىنە، ەكى ەلدىڭ ءتۇبىرلى مۇددەسىنە، ءداۋىردىڭ دامۋ اعىمىنا ۇيلەسەتىنىنە، سونداي - اق ەكى جاقتىڭ ۇزاق بولاشاقتىق جالپى جاعدايدى كوزدە ۇستاي وتىرىپ جاساعان ستراتەگيالىق تالعامى ەكەنىنە، حالىقارالىق جاعدايدىڭ وزگەرىسىنە بولا اۋىتقىمايتىنىنا كامىل سەنەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
