شي جينپيڭ چاۋشيان ەڭبەك پارتياسىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇننىڭ قارسى الۋ قوناعاسىسىنا قاتىناستى
2019.06.21 16:20 كەلۋ قاينارى : حالىق تورابى
«حالىق گازەتى»، 6 – ايدىڭ 20 – كۇنى، پيوڭياڭ (تىلشىلەر دۋ شاڭزى، ماڭ جيۋچىن). 6 – ايدىڭ 20 – كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇننىڭ پيوڭياڭ مۋلان سارايىندا وتكىزگەن قارسى الۋ قوناعاسىسىنا قاتىناستى.
ايبىندى دا اسقاق مۋلان سارايى شىراقتارى جارقىراپ، قوناققا لىق تولىپ، سالتاناتتى دا شات مەرەيگە شومدى.
كەشكى ساعات 7 مولشەرىندە شي جينپيڭ مەن حانىمى پىڭ لييۋان كيم جوڭ - ۇن مەن حانىمى ري سول - جۋدىڭ سەرىك بولۋىندا قوناعاسى زالىنا كىردى. زالداعىلار ورىندارىنان تۇرىپ، ۇزاققا دەيىن قول سوقتى.
قارسى الۋ قوناعاسىسى باستالدى، شي جينپيڭ مەن كيم جوڭ - ۇن قوناعاسىدا جەكە - جەكە ءسوز سويلەدى.
كيم جوڭ - ۇن بىلاي دەدى: ءبىز بۇگىن شەكسىز قۋانىشپەن ەڭ قۇرمەتتى جۇڭگولىق سيلى قوناق − باس شۋجي شي جينپيڭ مەن پىڭ لييۋان حانىمدى قارسى الىپ وتىرمىز. چاۋشيان مەن جۇڭگو سوتسياليزمدى ورتاق قۇرۋ بارىسىندا قۋانىش پەن جۇبانىشتى تەڭ كورەتىن، ءوزارا قولداپ، سەلبەسەتىن تاماشا ءداستۇردى الدەقاشان قالىپتاستىرعان. وتكەن ءبىر جىلدا 4 رەت كەزدەسۋ ارقىلى باس شۋجي جولداس ەكەۋىمىز سوتسياليستىك تۇزىمدە تاباندى بولۋ چاۋشيان مەن جۇڭگونىڭ دوستىعىن قورعاۋدىڭ وزەگى دەپ تۇراقتاندىردىق. بۇگىن باس شۋجي شي جينپيڭ جولداس چاۋشيان مەن جۇڭگو دوستىعىنىڭ شۇعىلالى جاڭا بەتىن اشتى. جاڭا عانا باس شۋجي جولداسپەن جاڭا داۋىردە چاۋشيان مەن جۇڭگونىڭ دوستىعىن اناعۇرلىم دامىتىپ، ەكى جاقتىڭ سەلبەستىگىن كۇشەيتۋ جونىندە ىشكەرىلەي پىكىر اۋىستىرىپ، ماڭىزدى ورتاق تانىمعا كەلدىك. مەن باس شۋجي شي جينپيڭ جولداستىڭ پارمەندى باسشىلىعىندا جۇڭگو كوممۋنيستىك پارتياسى مەن جۇڭگو حالقىنىڭ سوتسياليزمدى دامىتۋ بارىسىندا تىڭ دا ۇلى تابىستارعا قول جەتكىزەتىنىنە كامىل سەنەمىن. چاۋشيان بۇرىنعىداي جۇڭگومەن تىزە قوسا العا باسىپ، چاۋشيان مەن جۇڭگونىڭ دوستىق سەلبەستىگىنىڭ تىڭ داستانىن جازادى.
شي جينپيڭ ارناۋ سوزىندە مىنالاردى اتاپ كورسەتتى: جۇڭگو مەن چاۋشياننىڭ 70 جىلدىق قاتىناس تاريحىن ەسكە الساق، ەكى جاقتىڭ اعا بۋىن باسشىلارى جۇڭگو مەن چاۋشياننىڭ ءداستۇرلى دوستىعىن ءوز قولدارىمەن ورناتىپ، بىزگە ورتاق باعالى بايلىق قالدىردى. اۋمالى - توكپەلى جاعدايدا جۇڭگو مەن چاۋشياننىڭ دوستىعى ۇزاق ۋاقىت بەكەمدەلە ءتۇستى. الگىندە كوميتەت باستىعى كيم جوڭ - ۇنمەن تابىستى كەڭەس وتكىزىپ، جۇڭگو مەن چاۋشيان قاتىناسىنىڭ كوركەم بولاشاعىن بىرگە سىزىپ، ءبىرقىدىرۋ ماڭىزدى ورتاق تانىمعا كەلدىك. ءبىز ءبىر اۋىزدان بىلاي دەپ قارايمىز: جۇڭگو مەن چاۋشيان ءداستۇرلى دوستىقتى تاباندىلىقپەن جالعاستىرىپ، ساۋلەلەندىرىپ، ءداۋىردىڭ جاڭا داستانىن جازۋى كەرەك. ءبىز ءبىر اۋىزدان بىلاي دەپ قارايمىز: تۇبەك ماسەلەسىن ساياسي جولمەن شەشۋ − جۇرت تىلەگى، جالپى جاعداي بەتالىسى، بەيبىتشىلىك كەڭەسى تۋىن ۇزدىكسىز بيىك ۇستاپ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن جۇزەگە اسىرۋعا تىڭ دا اناعۇرلىم زور ۇلەس قوسۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
