ءتوراعا شي جينپيڭنىڭ G20 وساكا سامميتىنە قاتىناسۋىنداعى 3 ءىرى كورىنەۋ تۇيىنگە نازار
2019.06.27 13:54 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 26 - كۇنى، بەيجيڭ. تاقىرىبى: ءتوراعا شي جينپيڭنىڭ G20 وساكا سامميتىنە قاتىناسۋىنداعى 3 ءىرى كورىنەۋ تۇيىنگە نازار
شينحۋا اگەنتتىگىنىڭ تىلشىلەرى پان جيە، ياڭ ي – جۇن
جۇڭگونىڭ مەملەكەت ءتوراعاسى شي جينپيڭ 6 – ايدىڭ 27 – كۇنى جاپونيانىڭ وساكا قالاسىنا بارىپ، 20 ەل توبى (G20) باسشىلارىنىڭ 14 – رەتكى سامميتىنە قاتىناسادى.
بۇل ءتوراعا شي جينپيڭنىڭ G20 سامميتىنە ءۇرتىس 7 رەت قاتىناسۋى نەمەسە ونى باسقارۋى بولماق. وسى مەزگىلدە ماماندار بىلاي دەپ قاراۋدا: قازىرگى حالىقارالىق جاعدايدا ءتوراعا شي جينپيڭنىڭ وساكاداعى G20 سامميتىنە قاتىناسۋى ءار جاقتىڭ نازارىن اۋدارادى، قيىنشىلىققا ءدوپ كەلگەن دۇنيە ءجۇزى ەكونوميكاسىنا پارمەندى وڭ ەنەرگيا قوسادى.
1 - كورىنەۋ ءتۇيىن: تىعىز كۇن ءتارتىپ قالاي ورنالاستىرىلعان؟
ءتوراعا شي جينپيڭنىڭ وساكاداعى G20 سامميتىنە قاتىناسۋىندا كۇن ءتارتىپ تىعىز ورنالاستىرىلدى.
ءبىرىنشى، ءسامميتتىڭ 4 كەزەڭدىك جالپى ماجىلىسىنە قاتىناسادى. ۇعىسۋعا قاراعاندا، ءتوراعا شي جينپيڭ دۇنيە ءجۇزى ەكونوميكاسى مەن ساۋداسى، سيفرلى ەكونوميكا، سيىسىمدى جانە باياندى دامۋ، نەگىزدىك قۇرىلعى، كليمات، ەنەرگيا، قورشاعان ورتا سياقتى كەڭەستىك تاقىرىپتار جونىندەگى تالقىعا قاتىناسىپ، دۇنيە ءجۇزى ەكونوميكاسىنىڭ جاعدايى جونىندەگى كوزقاراس، قۋاتتامالاردى ىشكەرىلەي پايىمداپ، قازىرگى ورىن تەۋىپ وتىرعان ماسەلەلەردىڭ ءتۇپ توركىنىن تابۋعا، تامىرىن ءدال ۇستاۋعا، شيپالى ءدارىسىن جازۋعا كۇش سالادى ەكەن.
«بۇگىنگى دۇنيە عاسىردا بولماعان زور وزگەرىستەرگە ءدوپ كەلۋدە، دامۋدىڭ ءتورت كوشەسىندە تۇر، بولاشاقتا ءار جاق ءبىر جاعادان باس، ءبىر جەڭنەن قول شىعارۋ كەرەك پە، الدە توز - توزى شىعۋ كەرەك پە، بۇعان كوپشىلىك ەرەكشە نازار اۋدارۋدا». جۇڭگو حالىقارالىق ەكونوميكالىق اۋىس - كۇيىس ورتالىعىنىڭ اعا زەرتتەرمەنى جاڭ يانشىڭ بىلاي دەدى: ءار جاق دۇنيە جۇزىندەگى 2 - ۇلكەن ەكونوميكالىق تۇلعا بولعان جۇڭگونىڭ دۇنيە ءجۇزى ەكونوميكاسىنىڭ سوقىر تۇمانىن سىرىپ تاستاۋىن ءۇمىت ەتەدى.
ەكىنشى، ءۇش رەتكى كوپ جاقتى «ءماجىلىس ىشىندەگى ماجىلىسكە» قاتىناسادى. ءسامميتتىڭ ءوز ماجىلىسىنەن سىرت، ءتوراعا شي جينپيڭ تەبىندى ەلدەر باسشىلارىنىڭ بەيرەسمي كەزدەسۋىنە، جۇڭگو - رەسەي - ءۇندىستان باسشىلارىنىڭ بەيرەسمي كەزدەسۋىنە، جۇڭگو - افريكا باسشىلارىنىڭ شاعىن كەڭەسىنە قاتىناسىپ، جاڭا گۇلدەنگەن بازار ەلدەرى مەن دامۋ ۇستىندەگى ەلدەردىڭ سەلبەستىگىن تەرەڭدەتۋ، ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋ سياقتى كەلەلى ماسەلەلەر جونىندە پىكىرلەسۋدى، سايكەسۋدى كۇشەيتىپ، ناقتى سەلبەستىكتى ىلگەرىلەتەدى.
ماماندار بىلاي دەپ قاراۋدا: وسى «ءماجىلىس ىشىندەگى ماجىلىستەر» جۇڭگونىڭ كوپ جاقتىلىقتى باتىل قولداۋىن ايگىلەدى، بۇل كەلەلى ماسەلەلەردى ارقاۋ ەتە وتىرىپ، جاڭادان گۇلدەنگەن بازار ەلدەرى مەن دامۋ ۇستىندەگى ەلدەردىڭ ورتاق تانىمىن اناعۇرلىم ۇيىستىرىپ، وساكاداعى G20 ءسامميتىنىڭ بەلسەندى تابىسقا قول جەتكىزۋىن ىلگەرىلەتۋگە ءتيىمدى.
ءۇشىنشى، كوپ رەت ەكى جاقتى كەزدەسۋ وتكىزەدى. ءتوراعا شي جينپيڭ ءسامميت كەزىندە كوپ ەلدىڭ باسشىلارىمەن ەكى جاقتى كەزدەسۋ وتكىزىپ، قاتىستى ەلدەرمەن سەلبەستىكتى تەرەڭدەتۋگە، ەكى جاقتى قاتىناستىڭ العا قاراي دامۋىن ىلگەرىلەتۋگە كۇش سالادى.
مۇنىڭ ىشىندە جۇڭگو- ا ق ش باسشىلارىنىڭ كەزدەسۋى دۇنيە ءجۇزىنىڭ نازارىن اۋدارادى.
جۇڭگو وسى زامانعى حالىقارالىق قاتىناستى زەرتتەۋ ورنىنىڭ زەرتتەۋشىسى چىن فىڭيىڭ بىلاي دەدى: ا ق ش ءوزارا قۇرمەت ەتۋ، تەڭدىك، ءوزارا تيىمدىلىك نەگىزىندە پىكىرلەسۋ، كەڭەسۋ ساۋدا الاۋىزدىعىن شەشۋدىڭ بىردەن - ءبىر شىعار جولى ەكەنىن تانىپ جەتۋى كەرەك. بۇل جۇڭگو مەن ا ق ش – تىڭ مۇددەسىنە ۇيلەسىپ قانا قويماي، حالىقارالىق قوعامنىڭ دا ورتاق تىلەگى بولىپ تابىلادى.
2 - كورىنەۋ ءتۇيىن: قانداي ماڭىزدى قۋاتتامالار پايىمدالادى؟
ءسامميت قارساڭىندا حالىقارالىق اقشا قورى ۇيىمى مەن دۇنيە جۇزىلىك ساۋدا ۇيىمى بايانداما جاريالاپ، قازىرگى دۇنيە ءجۇزى ەكونوميكاسىنىڭ بولاشاعىنان الاڭدادى، G20 مۇشەلەرى شىعارعان شەكتەۋ شارالارى مەن ولاردىڭ اراسىنداعى ساۋدا شۇعىل جاعدايى دۇنيە ءجۇزى ەكونوميكاسىنىڭ ارتۋىنداعى تۇراقسىزدىقتى اسقىندىردى دەپ قاراپ، G20 مۇشەلەرىن ورتاق كۇش سالىپ توتەپ بەرۋگە ۇندەدى.
بۇل جونىندە تىلشىلىكتى قابىلداعان ماماندار جالپى بەتتىك بىلاي دەپ قارادى: قازىر دۇنيە ءجۇزى ەكونوميكاسىنداعى تۇراقسىزدىق، ورنىقسىزدىق باستىسى ساۋداداعى شۇعىل جاعدايدان كەلەدى، ال ساۋداداعى شۇعىل جاعداي نەگىزىنەن سىڭار جاقتىلىق، قورعانىمپازدىق جانە زورەكەرلىك ارەكەتتەردەن كەلەدى.
جۇڭگو قوعامدىق عىلىمدار اكادەمياسى دۇنيە ءجۇزى ەكونوميكاسى مەن ساياسيىن زەرتتەۋ ورنىنىڭ باستىعى جاڭ يۇييان بىلاي دەدى: دۇنيە ءجۇزى ەكونوميكاسى ءدوپ كەلگەن ماڭداي الدى سايىس − ساۋدا قورعانىمپازدىعى. «جان تۇرشىگەرلىك ساۋدا قورعانىمپازدىعى دۇنيە ءجۇزى ەكونوميكاسىنا اۋىر كەرى ىقپال جاسادى. جۇڭگو اشىق دۇنيە ءجۇزى ەكونوميكاسىن قۇرۋدا تاباندى بولىپ، قورعانىمپازدىققا قارسى تۇرىپ، تۇماندانعان دۇنيە ءجۇزى ەكونوميكاسىنا وڭ ەنەرگيا قوستى».
ماماندار بىلاي دەپ قارادى: جۇڭگو قاشان دا ەرەجەنى نەگىز ەتكەن كوپ جاقتى ساۋدا ءتۇزىلىسىن قورعايدى، قاشان دا سىڭار جاقتىلىق، قورعانىمپازدىق جانە زورەكەرلىك ارەكەتتەرىنە قارسى شىعۋدىڭ ءبىرىنشى شەبىندە تۇرادى. وساكا ءسامميتى كەزىندە جۇڭگو ءارقايسى جاقپەن بىرگە كوپ جاقتىلىقتى قولداۋ، اشىق، سيىسىمدى بولۋدى قولداۋ، سەلبەسىپ تەڭ يگىلىككە كەنەلۋدى قولداۋ سىندى ادىلەتتىلىك ءۇنىن بەينەلەۋگە ۇزدىكسىز كۇش سالادى.
G20 مۇشەلەرىنىڭ قامتۋ كولەمى كەڭ، ۋاكىلدىك سيپاتى كۇشتى بولىپ، دامىعان ەلدەر مەن دامۋ ۇستىندەگى ەلدەردىڭ، سونداي - اق تۇرلىشە وڭىرلەردىڭ مۇددە تەپە - تەڭدىگىنە تەڭ ءمان بەرىلەدى، مەيلى تۇلعالىق جاقتان بولسىن، الدە ىقپال جاعىنان بولسىن، ءبارى دە دۇنيە ءجۇزى ەكونوميكاسىندا ماڭىزدى ورىندا تۇرادى.
«قازىرگى جاعدايدا G20 حالىقارالىق ەكونوميكالىق سەلبەستىكتىڭ نەگىزگى فورۋمى بولۋداعى ءتيىستى جاۋاپكەرلىگىن باسا ايگىلەپ، ىنتىماقتى، سەلبەستىكتى ىلگەرىلەتىپ، ساياساتتىڭ بىرىككەن كۇشىن قالىپتاستىرىپ، دۇنيە ءجۇزى ەكونوميكاسىنىڭ ارتۋىنداعى ورنىقتىرعىش بولۋى كەرەك» دەدى چىن فىڭيىڭ.
3 - كورىنەۋ ءتۇيىن: دۇنيە جۇزىنە نەندەي سيگنال تاراتادى؟
«دامۋ» − وساكا سامميتىندەگى ماڭىزدى كەڭەستىك تاقىرىپتاردىڭ ءبىرى. ماماندار بىلاي دەپ قارادى: وساكا ءسامميتى حاڭجوۋ سامميتىندەگى ورتاق تانىم مەن تابىسقا مۇراگەرلىك ەتەدى جانە ونى جالعاستىرادى، اسىرەسە، دامۋ ماسەلەسىنە باسا ءمان بەرىپ جانە قارجى قوسىپ، جۇڭگونىڭ دۇنيە ءجۇزى ەكونوميكاسىن جونگە سالۋدى ىلگەرىلەتۋ جاعىنداعى جەتەكشىلىك رولىن ايگىلەيدى.
بۇدان سىرت، 6 - ايدىڭ باسىندا وتكىزىلگەن 20G قازىنا مينيسترلەرى مەن ورتالىق بانكە باستىقتارىنىڭ ماجىلىسىندە «20G نىڭ ساپالى نەگىزدىك قۇرىلعىلارعا قارجى قوسۋ پرينسيبى» تەكسەرىپ بەكىتىلدى. كاسىپتىك قايراتكەرلەر بىلاي دەپ قارادى: وسى تابىس قۇجاتىندا دامۋ تياناق ەتىلىپ، دامۋعا قولداۋ كورسەتىلدى، جۇڭگو ءبىرىڭعاي دارىپتەپ كەلە جاتقان «بىرگە اقىلداسۋ، بىرگە قۇرۋ، بىرگە يگىلىكتەنۋ»، «بايلانىستىرۋ – تۇتاستىرۋ» سياقتى ماڭىزدى ۇستانىمدار بەينەلەندى.
«‹ءبىر بەلدەۋ، ءبىر جولدى› بىرگە قۇرۋ جۇڭگونىڭ جەلى بويىنداعى ەلدەرمەن نەگىزدىك قۇرىلعى، بايلانىستىرۋ – تۇتاستىرۋ سياقتى جاقتاردا سەلبەستىك جاساۋىن ىلگەرىلەتىپ، قاتىستى ەلدەردىڭ قارجى قوسۋىنا، كاسىپتەندىرۋىنە جەبەۋشى بولىپ، جەرگىلىكتى ەكونوميكانىڭ دامۋىن ىلگەرىلەتەدى، دۇنيە ءجۇزى ەكونوميكاسىنا دا پايدالى» دەدى جاڭ يۇييان.
ءسامميتتىڭ الدىندا حالىقارالىق قوعام جاپپاي نازار اۋدارىپ وتىرعان كوپتەگەن كەڭەس تاقىرىبى جونىنەن جۇڭگو جاق ءۇرتىس وڭ ينفورماتسيا تاراتتى −
ءىشىنارا ەلدەردىڭ باسقا ەلدەردىڭ كاسىپورىندارىن قالاعانىنشا تۇنشىقتىرۋىنا قاراتا جۇڭگو جاق مىنانى ءبىلدىردى: ءارقايسى جاقپەن بىرگە قاقپا اشۋ سىندى ساياساتتىق بەتالىستان جازباي، ءار ەل كاسىپورىندارى مەن قارجى قوسۋشىلارىنا ەركىن، ءادىل، كەمسىتۋسىز، اشىق، بولجامدى جانە ورنىقتى ساۋدا. قارجى قوسۋ ورتاسىن جاراتۋدى قالايمىز.
«جاھاندانۋعا قارسى تۇرۋ» يدەيالىق اعىمىنا قاراتا جۇڭگو جاق مىنانى دارىپتەدى: ساۋدا، قارجى قوسۋ جانە سيفرلى ەكونوميكانىڭ ىشكەرىلەي توعىسۋىن جەبەپ، جاڭا تەحنيكا، جاڭا ءبىلىم ارقىلى ءتىپتى دە كوپ مەملەكەت پەن حالىققا باقىت جاراتىپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، بارابار بولۋىن، تەڭ يگىلىككە كەنەلۋدى ىلگەرىلەتەمىز.
كوپتەگەن مامان بىلاي دەپ قارادى: دۇنيە جۇزىندەگى ەكىنشى ۇلكەن ەكونوميكالىق تۇلعا رەتىندە جۇڭگو بوران - شاشىننان تايسالماي، رەفورمانى تاباندىلىقپەن تەرەڭدەتىپ، قاقپانى ايقارا اشىپ، ۋاقىت وتكەن سايىن دۇنيە ءجۇزى ەكونوميكاسىنىڭ سەنىم قاينارىنا اينالدى.
«وساكا ءسامميتى دۇنيە جۇزىنە جۇڭگونىڭ دۇنيە جۇزىمەن قاۋىشاتىن، ءار ەلمەن دامۋ ورايىنان بىرگە يگىلىكتەنەتىن قاقپا اشۋ جانە سەلبەستىك جاساۋ بەينەسىن تاعى ءبىر رەت كورسەتەدى، بۇل دۇنيە ءجۇزى ەكونوميكاسىنىڭ، اسىرەسە، قارجى قوسۋشىلاردىڭ سەنىمى جونىنەن ايقىن بەلسەندى سيگنال سانالادى» دەدى چىن فىڭيىڭ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
