بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

مەملەكەتتىك كەڭەس نەگىزگى زاڭعا سەرت بەرۋ سالتىن وتكىزدى

لي كىچياڭ زۇڭلي سەرت بەرۋدى باقىلادى

2019.07.09 16:28     كەلۋ قاينارى : حالىق تورابى

  شينحۋا اگەنتتىگى، 7 - ايدىڭ 8 - كۇنى، بەيجيڭ. 7 - ايدىڭ 8 – كۇنى مەملەكەتتىك كەڭەس جۇڭنانحايدا نەگىزگى زاڭعا سەرت بەرۋ سالتىن وتكىزدى، مەملەكەتتىك كەڭەستىڭ زۇڭليى لي كىچياڭ سەرت بەرۋدى باقىلادى.

  «جۇڭحۋا حالىق رەسپۋبليكاسىنىڭ نەگىزگى زاڭىنا» جانە «مەملەكەتتىك كەڭەس جانە ونىڭ تاراۋلارى تاعايىنداعان مەملەكەت قىزمەتكەرلەرىن نەگىزگى زاڭعا سەرت بەرۋگە ۇيىمداستىرۋ زاڭىنا» ساي، 2018 – جىلى 11 - ايدان 2019 – جىلى 6 - ايعا دەيىن مەملەكەتتىك كەڭەس تاعايىنداعان 25 تاراۋ مەن ورىننىڭ 28 جاۋاپتىسى نەگىزگى زاڭعا زاڭ بويىنشا سەرت بەردى.

  تۇستەن بۇرىن ساعات 11 دە مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى شياۋ جيە نەگىزگى زاڭعا سەرت بەرۋ سالتىنىڭ باستالعانىن جاريالادى. كوپشىلىك ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن شىرقادى. ونان سوڭ سەرت بەرۋشى نەگىزگى زاڭدى قورعاپ، سەرت ءسوزىن وقىدى، باسقا سەرت بەرۋشىلەر ارتقى شەپتە ساپ تۇزەپ تۇرىپ، سەرتتى ىلەسىپ وقىدى.

  سەرت بەرگەننەن كەيىن لي كىچياڭ كوپشىلىكتەن شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، نەگىزگى زاڭعا ادال بولىپ، مىندەتىن زاڭ بويىنشا اتقارىپ، حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز دەگەننەن جازباي، بورىشتى امالياتتا ايگىلەپ، جاۋاپكەرلىكتى شىنايى ارقالاپ، ادال، پاك بولىپ، اناعۇرلىم تاسقىنداعان رۋحاني كۇيمەن، اناعۇرلىم ناقتى قىزمەت ستيلىمەن جاۋاپكەرلىگىن ادا ەتىپ، ەكونوميكا مەن قوعامنىڭ باياندى، اقاۋسىز دامۋىن جەبەپ، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋ جولىندا قۇلشىنا كۇرەس جۇرگىزۋدى تالاپ ەتتى.

  مەملەكەتتىك كەڭەستىڭ ورىنباسار زۇڭليلەرى حان جىڭ، سۇن چۇنلان، حۋ چۇنحۋا، ليۋ حى، مەملەكەتتىك كەڭەستىڭ مۇشەلەرى ۋاڭ يۇڭ، جاۋ كىجى جانە مەملەكەتتىك كەڭەستىڭ قاتىستى تاراۋلارىنداعى نەگىزگى جاۋاپتى جولداستار سالتقا قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار