لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2019.07.11 16:07 كەلۋ قاينارى : حالىق تورابى
سىرتقى ساۋدا شارالارىن اناعۇرلىم ورنىقتىرىپ، قاقپا اشۋدى كەڭەيتۋ ارقىلى ارتۋدى، كاسىپتەندىرۋدى ورنىقتىرۋعا دەم بەرۋ بەلگىلەندى؛ قوعامدىق قامسىزداندىرۋ اقىسىن تومەندەتۋ قىزمەتىن شىنايى جاقسى ىستەۋ تالاپ ەتىلىپ، مەملەكەت مەنشىگىندەگى كاپيتالدىڭ ءبىر بولەگىمەن قوعامدىق قامسىزداندىرۋ قورىن تولىقتىرۋدى جاپپاي اتقارۋ ۇيعارىلدى؛ ورتالىقتىڭ مەجە ەسەبىنىڭ اتقارىلۋى مەن باسقا دا قازىنالىق كىرىس - شىعىستى قازىنالىق باقىلاۋدا بايقالعان ماسەلەلەردى رەتتەۋ - تۇزەتۋ قىزمەتى ورنالاستىرىلدى
شينحۋا اگەنتتىگى، 7 - ايدىڭ 10 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 7 – ايدىڭ 10 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە سىرتقى ساۋدا شارالارىن اناعۇرلىم ورنىقتىرىپ، قاقپا اشۋدى كەڭەيتۋ ارقىلى ارتۋدى، كاسىپتەندىرۋدى ورنىقتىرۋعا دەم بەرۋ بەلگىلەندى؛ قوعامدىق قامسىزداندىرۋ اقىسىن تومەندەتۋ قىزمەتىن شىنايى جاقسى ىستەۋ تالاپ ەتىلىپ، مەملەكەت مەنشىگىندەگى كاپيتالدىڭ ءبىر بولەگىمەن قوعامدىق قامسىزداندىرۋ قورىن تولىقتىرۋدى جاپپاي اتقارۋ ۇيعارىلدى؛ ورتالىقتىڭ مەجە ەسەبىنىڭ اتقارىلۋى مەن باسقا دا قازىنالىق كىرىس - شىعىستى قازىنالىق باقىلاۋدا بايقالعان ماسەلەلەردى رەتتەۋ - تۇزەتۋ قىزمەتى ورنالاستىرىلدى.
ماجىلىستە مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ «التىنى ورنىقتىرۋ» قىزمەتى جونىندەگى ورنالاستىرۋىنا ساي، سىرتقى ساۋدانى ورنىقتىرۋ تالابىن تياناقتاندىرۋدىڭ تەتىگى سىرتقا قاقپا اشۋدى اناعۇرلىم كەڭەيتىپ، بازارلاندىرۋ رەفورماسى مەن ەكونوميكالىق ءتاسىل ارقىلى كاسىپورىنداردىڭ ىشكى قوزعاۋشى كۇشىن كۇشەيتۋگە اناعۇرلىم ءمان بەرۋدە. ماجىلىستە سىرتقى ساۋدانى اناعۇرلىم ورنىقتىرۋ شارالارى بەلگىلەندى. ءبىرىنشى، قازىنا - باجى ساياساتى كەمەلدەندىرىلەدى. يمپورت كەدەن باجىسىنىڭ جالپى دەڭگەيى ءۇرتىس تومەندەتىلىپ، ەكسپورتتان باجى قايتارۋ ساياساتى كەمەلدەندىرىلىپ، باجى قايتارۋ اياق الىسى تەزدەتىلەدى. ەكىنشى، فينانستىق قولداۋ كۇشەيتىلەدى. ەكسپورت سەنىمدىلىگىن قامسىزداندىرۋ رولى اناعۇرلىم ويداعىداي ساۋلەلەندىرىلىپ، قامتۋ كولەمى كەڭەيتىلىپ، قامسىزداندىرۋ اقىسى ۇيلەسىمدى تومەندەتىلىپ، كاسىپورىنداردىڭ قاجەتىنە ۇيلەسەتىن ارناۋلى قامسىزداندىرۋ تۇرلەرى زەرتتەپ ورتاعا قويىلادى. فينانس قۇرىلىمدارىنىڭ ورتا، شاعىن كاسىپورىنداردىڭ سىرتقى ساۋدا جاعىندا قارجى قۇراۋىن قولداۋدى كۇشەيتۋىنە جەتەكشىلىك ەتىلەدى. شارت - جاعداي جاراتىلىپ، حالىق اقشاسىنىڭ ەسەپ ايىرىسۋ قولايلىلىعى جوعارىلاتىلادى. ءۇشىنشى، شەكارا اتتاعان ەلەكتروندىق ساۋدانىڭ، وڭدەۋ ساۋداسىنىڭ قورعامالى باجى جوندەۋ كاسىبى سياقتى جاڭا كاسىپ فورماتسياسى جەدەل دامىتىلىپ، يمپورت ساۋداسىنان ۇلگى كورسەتۋ رايونى جەتىلدىرىلەدى. ءتورتىنشى، ساۋدانى قولايلىلاندىرۋ دەڭگەيى جوعارىلاتىلادى. يمپورت - ەكسپورت بۋىندارىن باقىلاۋ - باسقارۋ كۋالىگىن قاراپايىمداندىرۋ، كەدەننەن ءوتۋ ۋاقىتىن قىسقارتۋ، شەكارا وتكەلىنەن اقى الۋ شاماسىن تومەندەتۋ جاقتارىندا اناعۇرلىم زور تابىسقا قول جەتكىزىلەدى. ماجىلىستە مىنالار تالاپ ەتىلدى: جاعدايدىڭ وزگەرىسىنە جانە كاسىپورىنداردىڭ نازار اۋدارۋىنا ساي، ساياساتتىق زاپاستى كۇشەيتىپ، سونداي - اق دەر كەزىندە شىعارىپ، ورنىقتىلىق بارىسىندا سىرتقى ساۋدانىڭ ساپاسىن جوعارىلاتۋدى جەبەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
