بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

قازىنا مينيسترلىگى كەدەيلىكتەن ارىلتۋدان قامال الۋداعى ءتۇيىندى قىزمەت جانە تولعاقتى ماسەلەلەرگە جاۋاپ قايتاردى ــ

كەدەيلەردى سۇيەمەلدەۋ قارجىسى ءوز ورنىنا جۇمسالدى

2019.07.18 14:23     كەلۋ قاينارى : حالىق تورابى

  «حالىق گازەتى»، 7 - ايدىڭ 17 – كۇنى، بەيجيڭ (ءتىلشى چۇي جىحان). قازىنا مينيسترلىگى كەدەيلىكتەن ارىلتۋدان قامال الۋداعى ءوز مىندەتىن قالاي وتەۋدە؟ قازىنانىڭ كەدەيلەردى سۇيەمەلدەۋ قارجىسى ءوز ورنىنا جۇمسالىپ وتىر ما؟ بىرنەشە كۇننىڭ الدىندا قازىنا مينيسترلىگىنىڭ كەدەيلىكتەن ارىلتۋدان قامال الۋ قىزمەتىنە باسشىلىق ەتۋ گرۋپپاسىنىڭ جاۋاپتىسى وسى جونىنەن ايقىن ەسەپ جاريالادى.سوڭعى جىلداردان بەرى ورتالىق قازىنا كەدەي رايوندارعا ادەتتەگى اۋدارىپ تولەۋ تەبىنىن ۇزدىكسىز كۇشەيتتى. 2019 - جىلى ورتالىقتىڭ كەدەيلەردى سۇيەمەلدەۋ ارناۋلى قارجىسىنان 126 ميلليارد 100 ميلليون يۋان ورنالاستىرىلىپ، ءۇرتىس 4 جىل بويى جىل سايىن 20 ميلليارد يۋان ارتىپ وتىردى.

  قارجىنى باقىلاۋ - باسقارۋدى كۇشەيتۋ ءۇشىن قازىنا مينيسترلىگى كەدەيلەردى سۇيەمەلدەۋ قارجىسىن يكەمدى باقىلاۋ - مەڭگەرۋ تەكشەسىن العاشقى ادىمدا قۇردى. قازىر 28 ولكە باقىلاۋ - مەڭگەرۋ تەكشەسىنىڭ ورنالاستىرۋىن ورىنداپ بولدى، 330 دان استام ايماق، قالا، 2 مىڭ 900 دەن استام اۋدان (رايون) جەلىدەن پايدالانۋدى باستادى.

  قىزمەت ناتيجەسىن باسقارۋ جاعىندا، ءار دارەجەلى قازىنا تاراۋلارى كەدەيلەردى سۇيەمەلدەۋ قارجىسىنا قاراتا «اقشا جۇمساۋدىڭ ونىمدىلىگىن قۋزاۋ، ونىمدىلىگى بولماسا، جاۋاپكەرلىگىن قۋزاۋ» سىندى باسقارۋ مەحانيزمىن ورناتتى. 2018 - جىلدىڭ سوڭىنا دەيىن، بۇكىل ەلدەگى 28 ولكە كەدەيلەردى سۇيەمەلدەۋ نىسانىنداعى 110 مىڭ ادامنىڭ ونىمدىلىك نىساناسى جونىنەن كەستە تولتىرۋ قىزمەتىن ورىندادى. 2019 - جىلى 5 - ايدىڭ سوڭىندا كەدەيلەردى سۇيەمەلدەۋ نىساندارىنىڭ ناتيجەسىنە قاراتا ءوزىن - ءوزى باعالاۋ قىزمەتى تولىق اياقتادى.

  مىندەتتى وقۋ - اعارتۋ جاعىندا 2019 - جىلى كۇزگى وقۋ ماۋسىمىنان باستاپ، وتباسىندا ەكونوميكالىق قيىنشىلىعى بار، جاتاقتا جاتپايتىن وقۋشىلار تۇرمىس كومەك قاراجاتى كولەمىنە ەنگىزىلەدى. 2019 - جىلى كەدەي رايوندارداعى اۋىل - قىستاق مىندەتتى وقۋ - اعارتۋ ساتىسىنداعى وقۋشىلارعا بەرىلەتىن قورەكتىك ازىق - تۇلىك قوسىمشا قاراجات ولشەمى ءار وقۋشىعا كۇنىنە 4 يۋاننان بولادى.

  نەگىزدىك ەمدەۋ جاعىندا، ورتالىق قازىنا باستىسى ەمدەۋ كومەك قاراجاتى ارقىلى كەدەيلەردىڭ نەگىزدىك ەمدەۋ قامسىزداندىرۋىنا قاتىناسۋىنا قارجىلاي كومەك بەرەدى ءارى شارتقا ۇيلەسەتىن وبيەكتىلەردىڭ ەمدەلۋ قاراجاتىنداعى جەكەنىڭ ءوزى تولەيتىن بولەگىنە قوسىمشا قاراجات بەرىلەدى. 2016 - جىلدان 2019 - جىلعا دەيىن ورتالىق قازىنا 88 ميلليارد 996 ميلليون يۋان ەمدەۋ - قۇتقارۋ كومەك قاراجاتىن ءتۇسىردى.

  تۇرعىن ءۇي حاۋىپسىزدىگى جاعىندا، 2019 - جىلى قازىنا مينيسترلىگى، تۇرعىن ءۇي، قالا - اۋىل قۇرىلىسى مينيسترلىگى بۇكىل ەلدەگى ارحيۆ تۇرعىزىلىپ، كارتوچكا بەرىلگەن كەدەي وتباسى سياقتى 4 ءتۇرلى ءتۇيىندى وبيەكتىنىڭ ىشىندەگى قاتەرلى ۇيلەرى جوندەلمەگەن وتباسىلاردىڭ ۇيلەرىن جاڭالاۋ مىندەتىن ءبىرجولاتا تولىق ءتۇسىرىپ، جەر - جەردەن 2020 - جىلى 6 - ايدىڭ سوڭىنان بۇرىن تۇگەلدەي ءبىتىرىپ بولۋدى تالاپ ەتتى. سونىمەن بىرگە، « ءۇش رايون، ءۇش وبلىس» سياقتى اۋىر كەدەي وڭىرلەردىڭ 4 ءتۇرلى ءتۇيىندى وبيەكتىلەرىنە قاتەرلى ۇيلەردى جاڭالاۋ قوسىمشا قاراجات ولشەمىن بۇكىل ەلدەگى ءار وتباسىنا 14 مىڭ يۋان بەرۋ نەگىزىندە ءار وتباسىنا 2 مىڭ يۋان جوعارىلاتتى.

  اۋىز سۋ حاۋىپسىزدىگى جاعىندا، «13 – بەس جىلدىق» كەزىندە ورتالىق قازىنا ورتالىقتىڭ نەگىزدىك قۇرىلىس قارجىسى ارقىلى 22 ميلليارد يۋان قارجى ورنالاستىرىپ، اۋىل – قىستاقتىڭ اۋىز سۋ حاۋىپسىزدىگىن بەكەمدەۋ، جوعارىلاتۋ ينجەنەرياسىن قولدادى، وسى نەگىزدە 2019 – جىلدان 2020 – جىلعا دەيىن اۋىل – قىستاقتىڭ اۋىز سۋ حاۋىپسىزدىگىن بەكەمدەۋ، جوعارىلاتۋ ينجەنەرياسى قارجىسىنان 6 ميلليارد يۋان ورنالاستىرىپ، اۋىر كەدەي وڭىرلەردەگى ارحيۆ تۇرعىزىلىپ، كارتوچكا بەرىلگەن كەدەيلەردىڭ اۋىز سۋ حاۋىپسىزدىگى ماسەلەسىن جانە اۋىز سۋداعى فتور ولشەمنەن اسىپ كەتۋ ماسەلەسىن تۇيىندەپ شەشپەكشى. 2019 - جىلى ورتالىق قازىنا سۋ يگىلىگىن دامىتۋ قارجىسى ارقىلى ءبىر ميلليارد 450 ميلليون يۋان ورنالاستىرىپ، اۋىل - قىستاق اۋىز سۋ قۇرىلىسىن جوندەۋ، كۇتۋدى تۇڭعىش رەت ورتالىق قازىنانىڭ قوسىمشا قاراجات بەرۋ كولەمىنە ەنگىزدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار