لي پىڭ جولداستىڭ سۇيەگى بەيجيڭدە ورتەلدى
شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين قاتارلىلار باباۋشان توڭكەرىستىك قۇرباندار قابىرىنا بارىپ سۇيەكپەن قوشتاستى. حۋ جينتاۋ سىرت جەردەن گۇل شەڭبەر جولداپ ازا ءبىلدىردى
2019.07.30 15:41 كەلۋ قاينارى : حالىق تورابى
لي پىڭ جولداستىڭ ناۋقاسى اۋىرلاعان كەزدە جانە دۇنيەدەن وتكەننەن كەيىن شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە لي پىڭ جولداستىڭ دۇنيەدەن وتكەنىنە ءتۇرلى فورمامەن قايعىلى ازا ءبىلدىردى ءارى تۋىس - تۋعاندارىنان شىن ىقىلاسپەن حال سۇرادى
شينحۋا اگەنتتىگى، 7 - ايدىڭ 29 - كۇنى بەيجيڭ. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن كوممۋنيزمنىڭ ادال جاۋىنگەرى، ۇزدىك پرولەتاريات توڭكەرىسشىسى، ساياساتشى، پارتيا مەن مەملەكەتتىڭ تاڭداۋلى باسشىسى، جۇڭگو كوممۋنيستىك پارتياسى 12 - كەزەكتى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، 13 - ، 14 - ، 15 - كەزەكتى ورتالىق كوميتەت ساياسي بيۋرولارىنىڭ تۇراقتى مۇشەسى، مەملەكەتتىك كەڭەستىڭ بۇرىنعى زۇڭليى، 9 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىعى لي پىڭ جولداستىڭ سۇيەگى 7 - ايدىڭ 29 - كۇنى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى.
لي پىڭ جولداس 2019 - جىلى 7 - ايدىڭ 22 - كۇنى ساعات 22 دەن 23 مينۋت وتكەندە بەيجيڭدە 91 جاسىندا اۋرۋدان دۇنيەدەن ءوتتى.
لي پىڭ جولداستىڭ ناۋقاسى اۋىرلاعان كەزدە جانە دۇنيەدەن وتكەننەن كەيىن شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە لي پىڭ جولداستىڭ دۇنيەدەن وتكەنىنە ءتۇرلى فورمامەن قايعىلى ازا ءبىلدىردى ءارى تۋىس - تۋعاندارىنان شىن ىقىلاسپەن حال سۇرادى.
7 - ايدىڭ 29 - كۇنى تۇستەن بۇرىن باباۋشان توڭكەرىستىك قابىرىنىڭ ۇلكەن زالى قايعىلى جىم - جىرت كۇيگە ەنىپ، ازالى مۋزيكا باياۋ تولقىپ تۇردى. زالدىڭ ءتورىنىڭ جوعارعى جاعىنا «لي پىڭ جولداسقا قايعىلى ازا بىلدىرەمىز» دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا لي پىڭ جولداستىڭ سۋرەتى قويىلعان. شالقالاي جاتقىزىلعان لي پىڭ جولداستىڭ سۇيەگىنىڭ اينالاسىنا الۋان گۇلدەر مەن ارشالار قويىلىپ، سۇيەگىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.
تۇستەن بۇرىن ساعات 9دان 30 مينۋت وتكەن مولشەردە شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين قاتارلى جولداستار ازالى مۋزىكا ءۇنى ىشىندە لي پىڭ جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، لي پىڭ جولداستىڭ سۇيەگىنە 3 رەت تاعىزىم ەتتى ءارى لي پىڭ جولداستىڭ تۋىس - تۋعاندارىمەن ءبىر - بىرلەپ قول الىسىپ حال سۇرادى. حۋ جينتاۋ سىرت جەردەن گۇل شەڭبەر جولداپ، لي پىڭ جولداستىڭ دۇنيەدەن وتكەنىنە ازا ءبىلدىردى.
پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاسۋعا باردى نەمەسە ءتۇرلى جولدارمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، لي پىڭ جولداستىڭ كوزى تىرىسىندەگى جاقىن دوستارى مەن اۋىلداستارىنىڭ ۋاكىلدەرى دە سۇيەكپەن قوشتاستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
