شينجياڭ لوپنۇر اۋدانى داشي قىستاعى:
تۇرعىنداردىڭ قالتاسى قالىڭداپ، رۋحاني تۇرمىسى جانداندى (تاپسىرىقتى ەستە بەرىك ساقتاپ، ارمانعا قۇلاش سەرمەۋ − باس شۋجيدىڭ جاۋاپ حاتىن تاپسىرىپ العاننان كەيىن)
«حالىق گازەتىنىڭ» تىلشىلەرى ياڭ ميڭفاڭ، حاۋ يىڭسان، ارداق
2019.08.05 16:19 كەلۋ قاينارى : حالىق تورابى
شينجياڭ بايىنعولين موڭعۇل اۆتونوميالى وبلىسى لوپنۇر اۋدانى شيڭپيڭ قالاشىعى داشي قىستاعىنىڭ كادرلارى ءبىر ارادا باس قوستى. لي فەي فوتوسى
شينجياڭدى گۇلدەندىرۋدىڭ، شينجياڭدى ورنىقتىرۋدىڭ ءتۇيىنى نەگىزگى ساتىدا. قىستاق پارتيا ياچەيكاسىنىڭ جاۋىنگەر قورعاندىق رولىن تولىق ساۋلەلەندىرىپ، اۋىلداستاردى تىعىز ۇيىستىرىپ، پارتياعا ىلەسۋ بەكىمى مەن سەنىمىن بەكەمدەپ، پارتيانىڭ ابزال ساياساتتارىن ءار وتباسىنا دەيىن تياناقتاندىرىپ، ءوندىرىستى، ۇلتتار ىنتىماعىن ءتىپتى دە جاقسى ىستەپ، اۋىلداستاردىڭ تۇرمىسىن كۇننەن - كۇنگە جاقسارتۋ كەرەك.
− شي جينپيڭ
«جۇرىڭدەر، ءبىز قىستاق تۇرعىندار كوميتەتىنە بارىپ اڭگىمەلەسەيىك!» لوپنۇر اۋداندىق پارتكوم ۇيىمداستىرۋ ءبولىمىنىڭ داشي قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، قىستاقتىڭ ءبىرىنشى شۋجيى لي يانفىڭ ءۇستى – باسىنداعى شاڭدى قاعىپ، قايىرعان بالاعىن ءتۇسىرىپ، موتوتسيكلگە وتىرىپ كەرى ءجۇردى. تىلشىلەر داشي قىستاعىنا كەلىپ تىلشىلىك جاساعاندا، ول جۇزگە جۋىق قىستاق تۇرعىنىمەن بىرگە قىستاق جولىنىڭ ەكى جاعىنداعى 10 كيلومەتر ۇزىندىقتاعى ىقتاسىن ورمان بەلدەۋىن تولىقتاپ ەگىپ جاتقان ەكەن.
داشي قىستاعى ءتاڭىر تاۋىنىڭ وڭتۇستىك ەتەگىنە، تاكلاماكان ءشولىنىڭ شىعىس سولتۇستىك جيەگىنە، شينجياڭ ۇيعۇر اۆتونوميالى رايونى بايىنعولين موڭعۇل اۆتونوميالى وبلىسى لوپنۇر اۋدانى ورتالىعىنىڭ شەتىنە ورنالاسقان. بۇرىن بۇل ارا ءبىر جىلدىڭ ءتورت ماۋسىمىندا سور باسىپ جاتاتىن، تۇقىم سىڭىرسە دە، ءونىم بەرمەيتىن. ءساۋىر مەڭلىك 1980 - جىلى قىستاق پارتيا ياچەيكاسىنىڭ شۋجيى بولعاننان كەيىن، ءار ۇلت بۇقاراسىن باستاپ سور ىعىستىرۋ توعانىن قازىپ، بوراننان ساقتانۋ ورمانىن ەگىپ، كوللەكتيۆ شارۋاشىلىقتى دامىتىپ، اۋقاتتانۋ جولىن اشتى.
2009 - جىلى 6 - ايدا سول كەزدەگى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، مەملەكەتتىڭ ورىنباسار ءتوراعاسى شي جينپيڭ داشي قىستاعىنا كەلىپ، نەگىزگى ساتى پارتيا قۇرىلىسى قىزمەتىن تەكسەردى. 2014 - جىلى 4 - ايدا باس شۋجي شي جينپيڭ شينجياڭدا قىزمەت تەكسەرگەندە داشي قىستاعىنىڭ قىستاق تالىمىنە اينالعان «قالتانى قالىڭداتىپ، رۋحاني تۇرمىستى جانداندىرىڭىزدار» دەگەن ءسوزدى تاپسىرىق رەتىندە ايتتى. حابار تارالىسىمەن قىستاق تۇرعىندارى تەبىرەنگەن سەزىممەن باس شۋجيگە حات جازىپ، قىستاقتىڭ 5 جىلدىق وزگەرىسىن مالىمدەدى. 2014 - جىلى 9 - ايدا باس شۋجي شي جينپيڭ ءساۋىر مەڭلىك پەن بارلىق قىستاق تۇرعىنىنا جاۋاپ حات جازىپ، شينجياڭدى گۇلدەندىرۋدىڭ، شينجياڭدى ورنىقتىرۋدىڭ ماڭىزدى ءتۇيىنى نەگىزگى ساتىدا ەكەنىن دارىپتەدى.
جەمىس - جيدەكتىڭ حوش ءيىسى اڭقىعان كەزدە داشي قىستاعى ومىرشەڭ بەينەگە شومدى. ءساۋىر مەڭلىك تىلشىلەرگە: «ۇلتتار ىنتىماعىنىڭ جان تامىرىن بەرىك ساقتاپ، ۇلتتىق سۇيىسپەنشىلىكتىڭ توراڭعى ورمانىن ويداعىداي باپتايمىز، ءار ۇلت بۇقاراسى كەڭ – بايتاق ءشولدى القاپتاعى توراڭعى ورمانىنداي تامىرلاس، تىلەكتەس بولادى» دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
