سىرتقى ىستەر مينيسترلىگى اسكەري تىزگىندەۋ جانە يادرولىق قارۋلاردان ساقتانۋ ماسەلەسى جونىندە جۇڭگو مەن شەتەلدىڭ اقپارات قۇرالدارىنا قۇلاق قاعىس ەتۋ ءماجىلىسىن وتكىزدى
2019.08.07 15:12 كەلۋ قاينارى : حالىق تورابى
حالىق تورابى، 8 – ايدىڭ 7- كۇنى، بەيجيڭ. سىرتقى ىستەر مينيسترلىگى 8 – ايدىڭ 6 – كۇنى جۇڭگو مەن شەتەلدىڭ اقپارات قۇرالدارىنا قۇلاق قاعىس ەتۋ ءماجىلىسىن وتكىزدى. سىرتقى ىستەر مينيسترلىگىنىڭ اسكەري تىزگىندەۋ مەڭگەرمەسىنىڭ باستىعى فۋ سۇڭ جۇڭگو جاقتىڭ ا ق ش - ىنىڭ« ا ق ش – سوۆەت وداعى ورتا جانە ورتا قىسقا ارالىققا اتىلاتىن باسقارىلمالى بومبانى جويۋ شارتى»، يادرولىق سوعىس دايىندىعىن ازايتۋ سياقتىلاردان شەگىنىپ شىعۋ ماسەلەسى جونىندەگى مايدانىن تانىستىردى ءارى تىلشىلەردىڭ سۇراۋىنا جاۋاپ بەردى.
فۋ سۇڭ بىلاي دەدى: جۇڭگو ا ق ش – نىڭ اتالعان شارتتان رەسمي شەگىنىپ شىققانىنا قاتتى وكىنەدى. ا ق ش - نىڭ وسى ءبىر سىڭار جاقتىلىق ارەكەتى بۇكىل جەر شارىنىڭ ستراتەگيالىق ورنىقتىلىعىنا، ەۆروپا مەن ازيا - تىنىق مۇحيت ءوڭىرىنىڭ بەيبىتشىلىگى مەن حاۋىپسىزدىگىنە، حالىقارالىق اسكەري تىزگىندەۋ جۇيەسىنە كەرى ىقپال تۋدىرماي قويمايدى.
فۋ سۇڭ بىلاي دەدى: جۇڭگو ا ق ش – ىنا رەسمي سىناق جاريالادى، قۇرلىق نەگىزدىك ورتا ارالىقتى باسقارىلمالى بومبى جوسپارىن ورنالاستىردى، اسىرەسە ا ق ش – نىڭ كەيبىر جوعارى دارەجەلى ءمانساپتىلارىنا ازيا – تىنىق مۇحيت رايونىندا ورتا ارالىقتى باسقارىلمالى بومبىنى ورنالاستىرۋ جونىندە قاداعالاي نازار اۋداراتىندىعىن جاريالادى. جۇڭگو ا ق ش - ىن ۇستامدى بولۋعا ۇندەدى. ەگەر ا ق ش وسى وڭىردە قۇرلىق نەگىزدى ورتا ارالىقتى باسقارىلمالى بومبىنى ورنالاستىراتىن بولسا، جۇڭگو استە قاراپ وتىرمايدى، امالسىزدان قارسى شارا قولدانادى. جۇڭگو وسى وڭىردەگى ەلدەردى ا ق ش - نىڭ ءوز تەرريتورياسىندا قۇرلىق ارالىق باسقارىلمالى بومبىنى ورنالاستىرۋىنا جول قويماۋعا ۇندەيدى، ويتكەنى بۇل شارا وسى مەملەكەتتەردىڭ حاۋىپسىزدىك مۇددەسىنە پايدالى ەمەس.
فۋ سۇڭ بىلاي دەدى: جۇڭگو جاق جۇڭگو، ا ق ش، رەسەي سىندى ءۇش جاقتىڭ يادرولىق سوعىس دايىندىعىن ازايتۋ كەلىسسوزىنە قاتىناسقىسى كەلمەيدى. جۇڭگو بەيبىت ديپلوماتيالىق ساياسات پەن قورعانۋ سيپاتىندىق قورعانىس ساياساتىن اتقارىپ، يادرولىق قارۋدى الدىمەن ىستەتپەۋگە تاباندى بولادى. وتكەن نەشە ون جىلدا جۇڭگو يادرو كۇشىن دامىتۋعا ەڭ زور دارەجەدە ۇستامدىلىق ىستەدى. جۇڭگو مەن ا ق ش، رەسەي اراسىنداعى يادرولىق قارۋدىڭ سانى جاعىنداعى وراسان زور پارىقتى ەسكەرگەندە، قازىرگى كەزەڭدە جۇڭگونىڭ يادرولىق قارۋلاردى ازايتۋ كەلىسسوزىنە قاتىناسۋى ۇيلەسىمسىز، ءادىل ەمەس. دۇنيە جۇزىندەگى ەڭ ۇلكەن يادرولىق قارۋ قويماسىنىڭ يەسى بولعان ا ق ش پەن رەسەي يادرولىق قارۋلاردى ازايتۋ جاعىندا ەرەكشە، باستى جاۋاپكەرشىلىك ارقالايدى، بۇل حالىقارالىق قوعامنىڭ ورتاق تانىمى. سونىمەن بىرگە، حالىقارالىق قوعام جاپپاي بىلاي دەپ قارادى: ا ق ش پەن رەسەي قازىرگى اسكەري تىزگىندەۋ شارتىنا بويسۇنۋى ءارى وسى نەگىزدە يادرولىق قارۋلاردىڭ سانىن اناعۇرلىم ازايتىپ، باسقا ەلدەردىڭ يادرولىق قارۋلاردى ازايتۋ اياق الىسىنا قاتىناسۋىنا شارت - جاعداي جاراتۋى كەرەك.
فۋ سۇڭ بىلاي دەدى: ا ق ش – نىڭ « ا ق ش – سوۆەت وداعى ورتا جانە ورتا قىسقا ارالىققا اتىلاتىن باسقارىلمالى بومبانى جويۋ شارتىنان» شەگىنىپ شىعۋى دا، يران يادرو كەلىسىمىنەن شەگىنگەنى سياقتى، حالىقارالىق اسكەري تىزگىندەۋ جۇيەسىنىڭ نەگىزىن تۇبىرىنەن شايقالتتى، بۇل توتەنشە حاۋىپتى ارەكەت. ەگەر ا ق ش جۇڭگونىڭ «ەسىك الدىندا» باسقارىلمالى بومبى ورنالاستىراتىن بولسا، جۇڭگو امالسىز قارسى شارا قولدانادى، بۇل جونىندە ءارقانداي ادام قۇر قيالعا سالىنباسىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
