لي كىچياڭ ءىشىنارا ولكەلەردىڭ كاسىپتەندىرۋدى ورنىقتىرۋ قىزمەتى اڭگىمە ءماجىلىسىن باسقارىپ اشقاندا مىنانى دارىپتەدى
كاسىپتەندىرۋدى الدىمەن ويلاستىرۋدى ەكونوميكانى دامىتۋدا اناعۇرلىم كورنەكتى ورىنعا قويۋ كەرەك
2019.08.20 16:10 كەلۋ قاينارى : حالىق تورابى
شينحۋا اگەنتتىگى، 8 – ايدىڭ 19 – كۇنى، حاربين. 8 – ايدىڭ 19 – كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ حيلۇڭجياڭ ولكەسىنىڭ حاربين قالاسىندا ءىشىنارا ولكەلەردىڭ كاسىپتەندىرۋدى ورنىقتىرۋ قىزمەتى اڭگىمە ءماجىلىسىن باسقارىپ اشىپ، كاسىپتەندىرۋدى اناعۇرلىم ورنىقتىرۋ ساياساتتىق شارالارىن زەرتتەپ ورنالاستىردى.
اڭگىمە ماجىلىسىندە حيلۇڭجياڭ ولكەلىك پارتكومنىڭ شۋجيى جاڭ چيڭۋەي، ولكە باستىعى ۋاڭ ۋىنتاۋ جانە حىبەي ولكەسىنىڭ باستىعى شۇي چين، شاندۇڭ ولكەسىنىڭ باستىعى گۇڭ جىڭ، حۋنان ولكەسىنىڭ باستىعى شۇي داجى، شانشي ولكەسىنىڭ باستىعى ليۋ گوجۇڭ ءسوز سويلەدى. كوپشىلىك مىنانى اڭىس ەتتى: بيىل جىل باسىنان بەرى كاسىپتەندىرۋدى ورنىقتىرۋداعى ءتۇرلى ساياسات شوعىرلى دەم بەردى، اسىرەسە، باجىنى زور كولەمدە ازايتىپ، اقىنى تومەندەتۋ كاسىپورىندارعا جەڭىلدىك تۋدىرىپ، جۇمىس ورنىن ورنىقتىرۋ، جۇمىس ورنىن كوبەيتۋ قۋاتىن كۇشەيتتى. كوپشىلىك قازىرگى كاسىپتەندىرۋ ءدوپ كەلىپ وتىرعان ماسەلەلەر مەن وسىعان قاتىستى ۇسىنىستاردى دا تىلگە تيەك ەتتى. لي كىچياڭ بىلاي دەدى: توتەنشە كۇردەلى حالىقارالىق جانە ەل ءىشى جاعدايى الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بيىل ەلىمىزدىڭ ەكونوميكالىق اينالىمى جالپى جاقتان ورنىقتى بولىپ، ورنىقتىلىق بارىسىندا ىلگەرىلەدى، الدىڭعى 7 ايدا قالا - قالاشىقتا تىڭنان 8 ميلليون 670 مىڭ ادام كاسىپتەندى، بۇل تابىس وڭاي – وسپاق قولعا كەلمەدى. دەسە دە، 7 - ايدا بۇكىل ەل بويىنشا قالا - قالاشىقتا تەكسەرۋ جۇرگىزۋدە جۇمىسسىزدىق شاماسى ارتقان، بۇعان بارىنشا ءمان بەرۋ كەرەك. كاسىتەندىرۋ ــ ەڭ ۇلكەن حالىق تۇرمىسى، دامۋدىڭ ماڭداي الدى نىساناسى. ەلىمىزدە ءار جىلى قالا - قالاشىقتا كاسىپتەنۋگە تۋرا كەلەتىن تىڭنان كوبەيەتىن ەڭبەككۇش 15 ميلليون ادام شاماسىندا، بۇدان تىس اۋىل شارۋاشىلىعىنداعى 3 ميلليوننان استام بوس ەڭبەككۇشتى باسقا سالاعا ويىستىرىپ كاسىپتەندىرۋدى ويلاستىرۋ قاجەت، بۇل بارىستا كاسىپتەندىرۋ قىزمەتىنىڭ جاپالى بولاتىنىن جانە جاعدايدىڭ كۇردەلىلىگىن تولىق تانىپ، كاسىپتەندىرۋدى ورنىقتىرۋدى كورنەكتى ورىنعا قويۋ كەرەك. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، قازىرگى «التىنى ورنىقتىرۋ» قىزمەتىن جاقسى ىستەۋدە الدىمەن كاسىپتەندىرۋدى ورنىقتىرۋى، كاسىپتەندىرۋدى الدىمەن ەسكەرۋ ساياساتىن ويداعىداي اتقارىپ، ەكونوميكانى ورنىقتىرۋعا، قىزمەت ورنىن كوبەيتۋگە، تومەنگى شەكتەن تۇسىرمەۋگە كۇش سالىپ، ەكونوميكالىق اينالىمنىڭ ۇيلەسىمدى ارالىعىن ساقتاپ، ءبىرشاما تولىق كاسىپتەندىرۋدى جەبەپ، ساپالى دامۋدى ىلگەرىلەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
