بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

حالىق قۇرىلتايى تۇراقتى كوميتەتىنىڭ 12 - ءماجىلىسى گرۋپپالاردىڭ بىرلەسكەن ءماجىلىسىن وتكىزدى

2019.08.26 16:19     كەلۋ قاينارى : حالىق تورابى

  «حالىق گازەتى»، 8 - ايدىڭ 25 - كۇنى، بەيجيڭ (ءتىلشى ۋەي جىجى). مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 12 – ءماجىلىسى 8 - ايدىڭ 25 - كۇنى تۇستەن بۇرىن بەيجيڭدەگى حالىق سارايىندا بىرلەسكەن گرۋپپا ءماجىلىسىن اشىپ، سۋدىڭ لاستانۋىنان ساقتانۋ جانە ونى جونگە سالۋ زاڭىنىڭ اتقارىلۋىن تەكسەرۋ بايانداماسىن قارادى ءارى ارناۋلى تاقىرىپتا پىكىر الدى. كوميتەت باستىعى لي جانشۋ قاراۋعا جانە سۇراۋعا قاتىناستى.

  مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ۋاڭ چىن ءماجىلىستى باسقاردى. ۋاڭ جيننان، يۋان شۋ، چىڭ ليفىڭ، دوۋ شۋحۋا، لو باۋميڭ، ۋاڭ ي سىندى 6 مۇشە، فاڭ مين، جاڭ يۇيجىن، چىن رۇي - اي سىندى 3 ۋاكىل سۋدىڭ لاستانۋىنان ساقتانۋ جانە ونى جونگە سالۋ جاعىنداعى ءار جاقتىڭ جاۋاپكەرلىگىن تياناقتاندىرۋ، اۋىز سۋ حاۋىپسىزدىگىن قورعاۋ، ونەركاسىپ قۇرىلىمىن جانە ورنالاستىرۋىن تەزدەتىپ بىلعانىشتى قاينارىنان ازايتۋ، اۋىل - قىستاقتاعى لاس سۋدى ءبىر جاقتى ەتۋ قۇرىلعىلارى قۇرىلىسىن كۇشەيتۋ، كەمەلەردىڭ لاس زاتتاردى شىعارۋىن باقىلاۋ - باسقارۋدى كۇشەيتۋ، سۋ ەكولوگياسىنىڭ تولەم مەحانيزمىن اقاۋسىزداندىرۋ، لاستانۋدى جونگە سالۋداعى وزىق تەحنيكالاردى جالپىلاستىرۋ تەبىنىن ارتتىرۋ، وزەن باستىعىنىڭ زاڭدىق جاۋاپكەرلىگىن تياناقتاندىرۋ، لاس سۋ جيناۋ قۇبىر تورابى قۇرىلىسىن جانە باسقارۋىن ىلگەرىلەتۋ، لاس زاتتاردى شىعارۋعا رۇقسات ەتۋ ءتۇزىمىن تياناقتاندىرۋ سياقتى ماسەلەلەردى توڭىرەكتەپ پىكىر قويدى.

  مەملەكەتتىك كەڭەستىڭ مۇشەسى ۋاڭ يۇڭ، ەكولوگيالىق ورتا مينيسترلىگى، تۇرعىن ءۇي جانە قالا - اۋىل قۇرىلىسى مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى، ونەركاسىپ جانە ينفورماتسيالاندىرۋ مينيسترلىگى، اۋىل شارۋاشىلىعى، اۋىل - قىستاق مينيسترلىگى، قاتىناس - تاسىمال مينيسترلىگى، مەملەكەتتىك دامۋ جانە رەفورما كوميتەتى، قازىنا مينيسترلىگى، عىلىم - تەحنيكا مينيسترلىگى، سۋ يگىلىگى مينيسترلىگى قاتارلى مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى ىلگەرىندى - كەيىندى سۇراۋعا جاۋاپ بەردى.

  لي جانشۋ سوزىندە بىلاي دەپ اتاپ كورسەتتى: شي جينپيڭنىڭ ەكولوگيالىق وركەنيەت يدەياسى مەن پارتيا ورتالىق كوميتەتىنىڭ شەشىم، ورنالاستىرۋلارىن مۇقيات دايەكتىلەندىرىپ، تياناقتاندىرىپ، لاستانۋدى زاڭ بويىنشا جونگە سالۋ تانىمىن كۇشەيتىپ، سانالىلىقپەن زاڭ قارۋى جانە زاڭمەن جونگە سالۋ كۇشى ارقىلى سۋدىڭ لاستانۋىن جونگە سالىپ، سۋ ورتاسىن قورعاۋ كەرەك. 2017 - جىلى جاپپاي وزگەرىس ەنگىزىلگەن سۋدىڭ لاستانۋىنان ساقتانۋ جانە ونى جونگە سالۋ زاڭى − امالياتتىق تاجىريبەلەردىڭ، قىزمەت زاڭدىلىعىنىڭ قورىتىندىلانۋى، تۇراقتاندىرىلۋى، ءاربىر تارماق اسا كۇشتى باعىتتامالىلىققا جانە يكەمدىلىككە يە. وسى زاڭدى ويداعىداي ۇيرەنىپ، ويداعىداي پايدالانىپ، زاڭدىق بەلگىلەمەلەردى تياناقتاندىرۋدى تىعىز توڭىرەكتەپ، قۋزاۋ - تەكسەرۋ جۇرگىزىپ، زاڭدا بەلگىلەنگەن ءتۇرلى مىندەتتەردى ناقتاپ تياناقتاندىرۋ كەرەك. زاڭ اتقارۋدى، ءادىليانى قاتايتىپ، باعالاۋدى، جاۋاپقا تارتۋدى كۇشەيتىپ، جالپى جاعدايدا بىردەي، بۇكىل الاپ تولىق قامتىلاتىن باقىلاۋ - باسقارۋ جۇيەسىن قالىپتاستىرىپ، زاڭ ارقىلى تيىم سالۋ بۇيرىعىن سوقتىعۋعا بولمايتىن «جوعارى كەرنەۋلى جەلىگە» اينالدىرۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار