لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2019.08.29 15:20 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 28 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 8 – ايدىڭ 28 – كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە ۇكىمەت قۇرىلىمدارىن ىقشامداپ، ۇقىقتى تومەنگە بەرىپ، ۇقىقتى تومەنگە بەرۋ مەن باسقارۋدى ىشكەرىلەي ۇشتاستىرۋدا ءىس بارىسىنداعى، ىستەن كەيىنگى باقىلاپ – باسقارۋدى كۇشەيتۋ ورنالاستىرىلىپ، ءادىل باسەكەمەن بازاردىڭ ونىمدىلىگىن جوعارىلاتۋ جەبەلدى؛ ءبىر توپ ونەركاسىپ ونىمدەرىن ءوندىرۋ رۇقسات كۋالىگىن كۇشىنەن قالدىرىپ، بازار نەگىزگى تۇلعالارىنىڭ جاڭالىق، جاسامپازدىق جاراتۋ ومىرشەڭدىك قۋاتىن اناعۇرلىم ارتتىرۋ ۇيعارىلدى؛ دەنە تاربيە، دەنە شىنىقتىرۋ جانە دەنە تاربيە تۇتىنۋىن اناعۇرلىم جەبەۋ شارالارى بەلگىلەنىپ، جەلىدە وقۋ - اعارتۋدىڭ اقاۋسىز دامۋىن ىلگەرىلەتىپ، وقۋ - اعارتۋدىڭ ادىلدىگىن جەبەۋ جونىندە ورنالاستىرۋ جاسالدى.
ماجىلىستە بىلاي دەپ اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، اناعۇرلىم كوپ اكىمشىلىك بايلىقتى الدىن الا تەكسەرىپ بەكىتۋدى ءىس بارىسىنداعى، ىستەن كەيىنگى باقىلاۋ - باسقارۋدى كۇشەيتۋگە اۋدارۋ − ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسىن تەرەڭدەتۋدىڭ، ساۋدا ورتاسىن ساپالىلاندىرۋدىڭ ماڭىزدى مىندەتى، قازىرگى بازاردىڭ ومىرشەڭدىك كۇشىن تاسقىنداتۋدا، قۇلدىراۋ قىسىمىنا توتەپ بەرۋدە ماڭىزدى مانگە يە. ءبىرىنشى، باقىلاۋ - باسقارۋ جاۋاپكەرلىگىن زاڭ، بەلگىلەمە بويىنشا تياناقتاندىرۋ كەرەك. جەر - جەر، تاراۋلار وزدەرى تەكسەرىپ بەكىتكەن نەمەسە اتقارۋعا جەتەكشىلىك ەتكەن اكىمشىلىك رۇقسات ىستەرىن ءىس بارىسىندا، ىستەن كەيىن باقىلاپ - باسقارادى. تەكسەرىپ بەكىتۋ كۇشىنەن قالدىرىلعان، ءبىراق ۇكىمەتتىڭ باقىلاپ - باسقارۋى قاجەت بولعان ىستەرگە باسقارۋشى تاراۋ جاۋاپتى بولادى. ازىق - تۇلىك، ءدارى - دارمەك، ەرەكشە جابدىقتار سياقتى الەۋمەتتىك اماندىققا جانە بۇقارانىڭ ءومىرى مەن دەنساۋلىعىنا ساياتىن ءتۇيىندى سالالارداعى باقىلاۋ - باسقارۋدى كۇشەيتىپ، قالتارىس رايونداردى جويۋ كەرەك. ەكىنشى، باقىلاۋ - باسقارۋدى قىزمەت وتەۋگە ءسىڭىرۋ كەرەك. قىزمەت وتەۋ كاسىپورىندارىنىڭ دامۋىن ارقاۋ ەتىپ، بۇكىل ەل بويىنشا بىرلىككە كەلگەن، قاراپايىمداندىرىلعان، اتقارۋعا قولايلى باقىلاۋ - باسقارۋ ەرەجەلەرى مەن ولشەمدەرىن سالالار بويىنشا جاساپ، شەكاراسى كۇڭگىرت، اتقارۋ قيىندىعى زور بولعاندارىن اداقتاۋ كەرەك. ءۇشىنشى، ءادىل باقىلاۋ - باسقارۋدى جاريالى ىلگەرىلەتۋ كەرەك. اكىمشىلىك زاڭ اتقارۋدىڭ تۇتاس بارىسىنا ءىز قالدىرۋ، زاڭ اتقارۋدىڭ نەگىزىن، ناتيجەسىن پرينسيپتىك جاقتان قوعامعا جاريا ۇستاۋ كەرەك. ءتورتىنشى، باقىلاۋ - باسقارۋدا جاڭالىق جاراتۋ كەرەك. كاسىپورىندارعا ساياتىن اكىمشىلىك تەكسەرۋ جۇرگىزۋدە پرينسيپ جاقتا تۇگەلدەي «ەكىنى كەزدەيسوق تەكسەرۋ، ءبىردى جاريا ۇستاۋ» ءتاسىلىن قولدانۋ كەرەك. تاراۋلار ارا، وڭىرلەر ارا بىرلەسىپ زاڭ اتقارۋدى ىلگەرىلەتۋ كەرەك. جاڭادان گۇلدەنگەن شارۋاشىلىقتاردى قامتىمدى، بايىپتى باقىلاپ - باسقارۋدى كەمەلدەندىرۋ كەرەك. «ينتەرنەت + باقىلاپ – باسقارۋ» مەن سەنىمدىلىك باقىلاپ - باسقارۋىن ىلگەرىلەتۋ كەرەك. بىرلەسىپ جازالاپ ساقتاندىرۋ، ءومىر بويى تيىم سالۋ سياقتى جازالاپ ساقتاندىرۋ مەحانيزمىن ورناتۋ كەرەك.بازارعا كىرۋ رۇقساتىن جەڭىلدەتىپ، «كۋالىكتى ازايتۋ» ارقىلى «ۇكىمەت ورىندارىن ىقشامداۋدى» جەبەۋ، كاسىپورىنداردىڭ جاڭالىق، جاسامپازدىق جاراتۋ قۋاتىن جانداندىرۋ ءۇشىن، ماجىلىستە مىنالار ۇيعارىلدى: سوڭعى جىلداردان بەرگى ءوندىرىس رۇقسات كۋالىگىن بارىنشا ازايتۋ نەگىزىندە تاعى ىشتەن جاناتىن دۆيگاتەل، اۆتوموبيل تورموز سۇيىقتىعى سياقتى 13 ءتۇرلى ءونىم ءوندىرۋ رۇقسات كۋالىگىن كۇشىنەن قالدىرۋ كەرەك، مۇنىڭ ىشىندە حاۋىپسىزدىككە، دەنساۋلىققا، قورشاعان ورتانى قورعاۋعا ساياتىندارىن زورلىق سيپاتىنداعى ءونىمدى كۋالاندىرىپ باسقارۋعا وزگەرتۋ، كۋالىك قاراجاتىن قازىنادان تولەۋ كەرەك. ماجىلىستە مىنالار تالاپ ەتىلدى: قاتىستى جاقتار ولشەم ارقىلى جەتەكشىلىك ەتۋ، كاسىپورىندار جاۋاپكەرلىك ارقالاۋ، ۇكىمەت باقىلاپ - باسقارۋ نەگىز ەتىلگەن باسقارۋ جۇيەسىن ورناتۋدى ىلگەرىلەتىپ، ونەركاسىپ ونىمدەرىنىڭ ساپا حاۋىپسىزدىگىنە شىنايى كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
