بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ: حاۋىپسىزدىكتى مەڭگەرۋ مەن اشىق ۇستاۋعا، جاڭالىق جاراتۋعا تەڭ ءمان بەرۋدە تاباندى بولىپ، قالىڭ حالىق بۇقاراسىنىڭ توراپ كەڭىستىگىندەگى تابىس، باقىت، حاۋىپسىزدىك سەزىمىن جوعارىلاتۋ كەرەك

2019.09.17 16:09     كەلۋ قاينارى : حالىق تورابى

  «حالىق گازەتى»، 9 - ايدىڭ 16 - كۇنى، تيانجين. تاياۋدا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك توراپ حاۋىپسىزدىگى ۇگىت اپتالىعىنا ماڭىزدى نۇسقاۋ بەرگەندە مىنانى دارىپتەدى: توراپ حاۋىپسىزدىگى ۇگىت اپتالىعىن وتكىزىپ، جالپى حالىقتىڭ توراپ حاۋىپسىزدىگى تانىمى مەن ونەرىن جوعارىلاتۋ − مەملەكەتتىڭ توراپ حاۋىپسىزدىگى قىزمەتىنىڭ ماڭىزدى مازمۇنى. مەملەكەتتىڭ توراپ حاۋىپسىزدىگى قىزمەتىندە توراپ حاۋىپسىزدىگى حالىق ءۇشىن، توراپ حاۋىپسىزدىگىندە حالىققا سۇيەنۋ كەرەك دەگەننەن جازباي، جەكەلەردىڭ ينفورماتسيا حاۋىپسىزدىگىن قامتاماسىزداندىرىپ، ازاماتتاردىڭ توراپ كەڭىستىگىندەگى زاڭدى ۇقىق - مۇددەسىن قورعاۋ كەرەك. توراپ حاۋىپسىزدىگى تاربيەسىنىڭ، تەحنيكاسىنىڭ، كاسىپ سالاسىنىڭ توعىسپالى دامۋىندا تاباندى بولىپ، دارىندىلاردى تاربيەلەيتىن، تەحنيكالىق جاڭالىق جاراتاتىن، كاسىپ سالاسىنىڭ دامۋىنا ءتيىمدى ەكولوگيا قالىپتاستىرۋ كەرەك. دامۋدى جەبەۋ مەن زاڭ بويىنشا باسقارۋدىڭ بىرلىگىندە تاباندى بولىپ، جاساندى زەردە، زات تورابى، كەلەر بۋىن حابارلاسۋ تورابى سياقتى جاڭا تەحنيكالاردى، جاڭا قولدانىستى كۇش سالا جەتىلدىرۋمەن بىرگە، زاڭ - ەرەجەلەر مەن ولشەمدى قاعيدادان پايدالانىپ، جاڭا تەحنيكانىڭ قولدانىلۋىنا جەتەكشىلىك ەتۋ كەرەك. حاۋىپسىزدىكتى مەڭگەرۋ مەن اشىق ۇستاۋعا، جاڭالىق جاراتۋعا تەڭ ءمان بەرۋدە تاباندى بولىپ، اشىق ورتانى تياناق ەتىپ، توراپ حاۋىپسىزدىگىن قورعاپ، حالىقارالىق اۋىس - كۇيىس پەن سەلبەستىكتى كۇشەيتىپ، قالىڭ حالىق بۇقاراسىنىڭ توراپ كەڭىستىگىندەگى تابىس، باقىت، حاۋىپسىزدىك سەزىمىن جوعارىلاتۋ كەرەك.

  2019 - جىلعى مەملەكەتتىك توراپ حاۋىپسىزدىگى ۇگىت اپتالىعىنىڭ اشىلۋ سالتى 9 - ايدىڭ 16 - كۇنى تيانجيندە وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى حۋاڭ كۇنميڭ اشىلۋ سالتىندا شي جينپيڭنىڭ ماڭىزدى نۇسقاۋىن وقىدى ءارى ءسوز سويلەدى. ول بىلاي دەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ينفورماتسيالاندىرىپ دامىتۋدىڭ جالپى جاعدايىن ىشكەرىلەي يگەرىپ، توراپ حاۋىپسىزدىگى سايىسىنا بەلسەنە توتەپ بەرىپ، قالىڭ حالىقتىڭ توراپ حاۋىپسىزدىگىن قورعاۋداعى تۇلعالىق رولىن تولىق ساۋلەلەندىرىپ، «تورتتە تاباندى بولۋ» پرينسيپتىك تالابىن ناقتاپ تياناقتاندىرىپ، حالىق بۇقاراسىنىڭ توراپ كەڭىستىگىندەگى ءتول مۇددەسىن پارمەندى قورعاۋ كەرەك.

  مەملەكەتتىك توراپ حاۋىپسىزدىگى ۇگىت اپتالىعى 2014 - جىلدان باستاپ جىلىنا ءبىر رەت وتكىزىلىپ كەلەدى. وسى كەزەكتى ۇگىت اپتالىعىندا «توراپ حاۋىپسىزدىگى حالىق ءۇشىن، توراپ حاۋىپسىزدىگىندە حالىققا سۇيەنۋ كەرەك» نەگىزگى تاقىرىپ ەتىلىپ، 9 - ايدىڭ 16 - كۇنىنەن 22 - كۇنىنە دەيىن توراپ حاۋىپسىزدىگى كورمەسى، توراپ حاۋىپسىزدىگى تەحنيكاسى فورۋمى، توراپ حاۋىپسىزدىگى تاقىرىپتىق كۇنى سياقتى قيمىلدار وتكىزىلەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار