شي جينپيڭ حىناندا قىزمەت تەكسەرگەندە مىنانى دارىپتەدى
سەنىمدى بەكەمدەپ، قاجىرلىلىقپەن ىستەپ، ەرلىكپەن العا ۇمتىلىپ، جاڭا داۋىردەگى ورتا جازىقتىڭ اناعۇرلىم شۇعىلالى داستانىن جازۋ كەرەك
2019.09.19 13:38 كەلۋ قاينارى : حالىق تورابى
«حالىق گازەتى»، 9 - ايدىڭ 18 – كۇنى، جىڭجوۋ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا حىناندا قىزمەت تەكسەرگەندە مىنانى دارىپتەدى: ورتالىقتىڭ، شەشىم، ورنالاستىرۋلارىن مۇقيات دايەكتى تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ تانىمىندا تاباندى بولىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ءبىر تۇتاس ويداعىداي ىستەپ، ءۇش ۇلكەن قامال الۋ شايقاسىن ويداعىداي جۇرگىزىپ، ەكونوميكانىڭ باياندى، اقاۋسىز دامۋىن، قوعامنىڭ جاراسىمدىلىعى مەن ورنىقتىلىعىن جەبەپ، حالىق بۇقاراسىنىڭ تابىس، باقىت، حاۋىپسىزدىك سەزىمىن ۇزدىكسىز كۇشەيتىپ، ورتا بولەكتەگى رايونداردىڭ ەڭسە كوتەرۋى بارىسىندا ەرلىكپەن العا ۇمتىلىپ، جاڭا داۋىردەگى ورتا جازىقتىڭ اناعۇرلىم شۇعىلالى داستانىن جازۋ كەرەك.
التىن كۇز، ورتا جازىقتىڭ بايتاق دالاسى مول ءونىم شاتتىعىنا شومدى. 9 – ايدىڭ 16 - كۇنىنەن 18 - كۇنىنە دەيىن شي جينپيڭ حىنان ولكەلىك پارتكومنىڭ شۋجيى ۋاڭ گوشىڭنىڭ، ولكە باستىعى چىن رۇن - ىردىڭ سەرىك بولۋىندا ىلگەرىندى - كەيىندى شينياڭ، جىڭجوۋ سياقتى جەرلەرگە بارىپ، توڭكەرىستىك بايىرعى رايونداردى، اۋىل - قىستاقتى، كاسىپورىنداردى ىشكەرىلەي ارالاپ، ەكونوميكالىق، قوعامدىق دامۋ جانە «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىنىڭ جاعدايى جونىندە تەكسەرۋ - زەرتتەۋ جۇرگىزدى.
دابيەشان رايونىنداعى شينياڭ قالاسى − حۋبەي - حىنان - انحۇي سوۆەت رايونىنىڭ ورتالىعى تۇرعان جەر. 9 – ايدىڭ 16 - كۇنى تۇستەن كەيىن شي جينپيڭ الدىمەن حۋبەي - حىنان - انحۇي سوۆەت رايونى ورتالىعى قۇرباندار قابىرستانىنا بارىپ، توڭكەرىستىك قۇربانداردىڭ ەسكەرتكىشتەرىن، ەسكەرتكىش سارايىن قۇرمەتپەن كورىپ، قاھارماندار تاۋىنداعى «قىزىل تۋلار جەلبىرەيدى» دەگەن تاقىرىپتىق مۇسىندەرگە الىستان نازار سالدى. ەسكەرتكىش الدىندا شي جينپيڭ توڭكەرىستىك قۇرباندارعا گۇل شارباق قويىپ، ءۇش رەت تاعزىم ەتىپ، توڭكەرىس جەڭىسىنە قاستەرلى ومىرلەرىن ارناعان قاھارمان پەرزەنتتەردى تەرەڭ سۇيىسپەنشىلىكپەن ەسكە الدى. ەسكەرتكىش سارايىندا شي جينپيڭ توڭكەرىستىك قۇربانداردىڭ ىزگى ىستەرى جونىندەگى تانىستىرۋدى تىڭداپ، ولاردىڭ ۇلەسىن جوعارى باعالادى. ول مىنالاردى دارىپتەدى : بۇل رەتكى تەكسەرۋدىڭ ءبىرىنشى بەكەتى − حۋبەي - حىنان - انحۇي سوۆەت رايونى ورتالىعىنىڭ قۇرباندار قابىرستانى، مۇنداعى ماقسات − جاڭا جۇڭگو قۇرىلعانىنىڭ 70 جىلدىعىن قۇتتىقتاۋ قارساڭىندا توڭكەرىستىك قۇربانداردى ساعىنا ەسكە الىپ، توڭكەرىستىك ارداگەرلەردەن حال سۇراۋ. مەن ءار جولى بايىرعى توڭكەرىستىك رايوندارعا بارىپ تەكسەرۋ - زەرتتەۋ جۇرگىزگەنىمدە، توڭكەرىستىك تاريحتى ەسكە ءتۇسىرۋ ورىندارىنا بارىپ، بۇكىل پارتياداعى جولداستارعا قىزىل ۇكىمەتتىڭ قالاي ورناعانىن، جاڭا جۇڭگونىڭ قالاي قۇرىلعانىن، بۇگىنگى باقىتتى تۇرمىستىڭ قالاي كەلگەنىن ەسكەرتەمىن، جۇڭگو كوممۋنيستىك پارتياسى باستان - اياق قىزىل تۋدى بيىك ۇستاپ، جۇڭگوشا سوتسياليزم جولىمەن باتىل ءجۇرىپ، اعا بۋىندار نەگىز قالاپ كەتكەن ىستەردى ۇزدىكسىز العا ىلگەرىلەتۋى قاجەت ەكەنىن قاداعالاپ تاپسىرىپ وتىرامىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
