شي جينپيڭ حىناندا حۋاڭحى وزەنى الابىنىڭ ەكولوگياسىن قورعاۋ جانە ساپالى دامۋ جونىندەگى اڭگىمە ءماجىلىسىن باسقارىپ اشقاندا مىنانى دارىپتەدى
جاپپاي قورعاۋدى بىرگە مىقتى يگەرىپ، جاپپاي جونگە سالۋدى سايكەستى ىلگەرىلەتىپ، حۋاڭحى وزەنىن حالىققا باقىت جاراتاتىن قۇتتى وزەنگە اينالدىرۋ كەرەك
حان جىڭ ماجىلىسكە قاتىناستى ءارى ءسوز سويلەدى
2019.09.20 16:07 كەلۋ قاينارى : حالىق تورابى
«حالىق گازەتى»، 9 - ايدىڭ 19 - كۇنى، جىڭجوۋ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 18 – كۇنى تۇستەن بۇرىن جىڭجوۋدا حۋاڭحى وزەنى الابىنىڭ ەكولوگياسىن قورعاۋ جانە ساپالى دامۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: تۇنىق سۋ، جاسىل تاۋ − باعالى بايلىق دەيتىن ۇستانىمدا تاباندى بولىپ، ەكولوگيانى الدىمەن ەسكەرۋدەن، جاسىل دامۋدان جازباي، سۋعا قاراي جوبا بەلگىلەپ، سۋ مولشەرىنە قاراي ارەكەتتەنىپ، جەر جاعدايىنا قاراي ىستەپ، تۇرگە ءبولىپ شارا قولدانىپ، جوعارى، تومەن اعاردى، نەگىزگى ارنا مەن تارماق ارنانى، وڭ - سول جاقتى ءبىر تۇتاس جوسپارلاپ، جاپپاي قورعاۋدى بىرگە يگەرىپ، جاپپاي جونگە سالۋدى سەلبەسىپ ىلگەرىلەتىپ، ەكولوگيانى قورعاۋدى، جونگە سالۋدى كۇش سالا نىعايتىپ، حۋاڭحى وزەنىنىڭ باياندى تىنىشتىعىن قامتاماسىز ەتىپ، تۇتاس اعارىنىڭ جوعارى ساپالى دامۋىن جەبەپ، حالىق بۇقاراسىنىڭ تۇرمىسىن جاقسارتىپ، حۋاڭحى مادەنيەتىن قورعاپ، جالعاستىرىپ، ساۋلەلەندىرىپ، حۋاڭحى وزەنىن حالىققا باقىت جاراتاتىن قۇتتى وزەنگە اينالدىرۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ اڭگىمە ماجىلىسىنە قاتىناستى ءارى ءسوز سويلەدى.
شي جينپيڭ ماڭىزدى ءسوز سويلەدى. ول مىنالاردى دارىپتەدى: حۋاڭحى وزەنى الابى − ەلىمىزدىڭ ماڭىزدى ەكولوگيالىق قالتقىسى جانە ماڭىزدى ەكونوميكالىق بەلدەۋى، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدەگى ماڭىزدى ءوڭىر، ول ەلىمىزدىڭ ەكونوميكالىق، قوعامدىق دامۋى مەن ەكولوگيالىق حاۋىپسىزدىگى جاعىندا توتەنشە ماڭىزدى ورىن الادى. حۋاڭحى وزەنىن قورعاۋ − جۇڭحۋا ۇلتىنىڭ ۇلى گۇلدەنۋى مەن باياندى دامۋىنا ساياتىن بولاشاقتىق ۇلى جوسپار. حۋاڭحى وزەنى الابىنىڭ ەكولوگياسىن قورعاۋ جانە ساپالى دامۋ − بەيجيڭ - تيانجين - حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى، چاڭجياڭ اتىراۋىنىڭ ءبىر تۇلعالانىپ دامۋى سياقتى كەلەلى مەملەكەتتىك ستراتەگيا. حۋاڭحى وزەنىن جونگە سالۋدى، قورعاۋدى كۇشەيتىپ، حۋاڭحى اعارىنىڭ ساپالى دامۋىن ىلگەرىلەتىپ، اعارداعى ولكە، اۆتونوميالى رايونداردىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋىن بەلسەنە قولداپ، اعارداعى حالىق بۇقاراسى، اسىرەسە، از ۇلت بۇقاراسى كوڭىل ءبولىپ وتىرعان تاسقىننان ساقتانۋ حاۋىپسىزدىگى، اۋىز سۋ حاۋىپسىزدىگى، ەكولوگيا حاۋىپسىزدىگى سياقتى ماسەلەلەردى ويداعىداي شەشۋ قوعام ورنىقتىلىعىن قورعاۋدا، ۇلتتار ىنتىماعىن جەبەۋدە ماڭىزدى مانگە يە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
