بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي جانشۋ قازاقستاندا رەسمي دوستىق ساپاردا بولدى

2019.09.26 14:18     كەلۋ قاينارى : حالىق تورابى


  حالىق گازەتى، 9 – ايدىڭ 25 – كۇنى، نۇر – سۇلتان (ءتىلشى:جوۋ حانبو) قازاقستان پارلامەنتى سەناتىنىڭ ءتوراعاسى نازاربايەۆا مەن پارلامەنت ءماجىلىسىنىڭ ءتوراعاسى نىعماتۋليننىڭ ۇسىنىسى بويىنشا، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 9 – ايدىڭ 21 – كۇنىنەن 25 – كۇنىنە دەيىن قازاقستاندا رەسمي دوستىق ساپاردا بولدى، نۇر – سۇلتان قالاسىندا تۇڭعىش پرەزيدەنت نازاربايەۆپەن جانە پرەزيدەنت توقايەۆپەن كەزدەستى، نازاربايەۆامەن، نىعماتۋلينمەن جەكە - جەكە كەڭەس وتكىزدى، پرەمەر مينيستر مامينمەن بىرگە قاتىستى قيمىلدارعا قاتىناستى. كەزدەسۋدە قازاقستان باسشىلارى جاڭا جۇڭگو قۇرىلعاندىعىنىڭ 70 جىلدىعىن قىزۋ قۇتتىقتادى، لي جانشۋ راحىمەت ايتتى.

  نازاربايەۆپەن كەزدەسكەن كەزدە، لي جانشۋ الدىمەن ءتوراعا شي جينپيڭنىڭ ىقىلاستى سالەمىن جەتكىزدى. ول بىلاي دەدى: جۇڭگو مەن قازاقستان ەشقاشان دا ىرگە بولمەيتىن تاتۋ كورشىلەر، ەڭ سەنىمدى دوستار ءارى سەرىكتەر. جۇڭگو مەن قازاقستان ديپلوماتيالىق قارىم – قاتىناس ورناتقان 27 جىلدان بەرى، ەكى ەل باسشىلارىنىڭ ستراتەگيالىق جەتەكشىلىگى مەن ىلگەرىلەتۋىنىڭ ارقاسىندا، جۇڭگو مەن قازاقستان قارىم – قاتىناسى تاتۋ كورشى دەڭگەيىنەن ماڭگىلىك جالپى بەتتىك ستراتەگيالىق سەرىكتەستىك دەڭگەيىنە، مۇددەلىك ورتاق تۇلعانى قۇرۋدان، تاعدىرلاس ورتاق تۇلعانى قۇرۋعا تاريحي سيپاتتى سەكىرىس جاساپ، مەملەكەتتەر ارا قارىم – قاتىناستىڭ ۇلگىسىنە اينالدى. ەكى جاق ساياسي سەنىمدىلىكتى ارتتىرىپ، جان – جاقتى سەلبەستىكتى تەرەڭدەتىپ، جۇڭگو مەن قازاقستاننىڭ سەلبەستىگى ارقىلى ەكى ەل مەن ەكى ەل حالقىنا كەڭ كولەمدە تيىمدىلىك جەتكىزۋى كەرەك. جۇڭگو جاق قازاقستاننىڭ بولاشاق دامۋىنا تولىق سەنىمدى، قازاقستاننىڭ ءوز ەلىنىڭ جاعدايىنا ۇيلەسەتىن دامۋ جولىمەن جۇرۋىنە بۇلجىماستان قولداۋ كورسەتەدى. نازاربايەۆ مىنانى ءبىلدىردى: جۇڭگو قازاقستاننىڭ جاقسى دوسى، جۇڭگونىڭ دامۋى قازاقستان ءۇشىن وتە ماڭىزدى. جۇڭگومەن سەلبەستىكتى تەرەڭدەتۋ ەكى ەلدىڭ ورتاق مۇددەسىنە ۇيلەسەدى. قازاقستان مەن جۇڭگونىڭ قارىم – قاتىناسىن ۇزدىكسىز بەكەمدەۋ جانە دامىتۋ — قازاقستاننىڭ سىرتقى ساياساتىنىڭ باسىم باعىتى. قازاقستان جۇڭگونىڭ دامۋ بولاشاعىنا سەنىمدى، جۇڭگونىڭ ۇلى گۇلدەنۋ سىندى زور نىسانانى، ءسوزسىز، ىسكە اسىرا الاتىنىنا سەنىمىمىز كامىل.

  توقايەۆپەن كەزدەسكەن كەزدە، لي جانشۋ ءتوراعا شي جينپيڭنىڭ ىقىلاستى سالەمىن جەتكىزدى. ول بىلاي دەدى: قازاقستان — جىبەك جولى ەكونوميكالىق بەلدەۋى دارىپتەمەسى تۇڭعىش رەت ورتاعا قويىلعان جەر. ەكى جاق ءتوراعا شي جينپيڭ مەن پرەزيدەنت مىرزا بىرگە تۇراقتاندىرعان جۇڭگو مەن قازاقستاننىڭ ماڭگىلىك جالپى بەتتىك ستراتەگيالىق قارىم – قاتىناسى سىندى جاڭا انىقتاما بويىنشا، حالىقارالىق جانە وڭىرلىك جاعداي قالاي وزگەرسە دە، باستان – اقىر ءوزارا قۇرمەتتەپ، سەنىمدىلىك كورسەتىپ، قولداۋ ءبىلدىرىپ، ءبىر – ءبىرىنىڭ دامىتۋ جانە گۇلدەندىرۋ ستراتەگيالارىنا تىرەك بولۋى كەرەك. دامۋ ستراتەگياسىن ۇشتاستىرۋدى تەرەڭدەتىپ، ءوندىرىس قۋاتى، اۋىل شارۋاشىلىعى، ۇلاستىرۋ – تۇتاستىرۋ، فينانس، شەكارا اتتاعان ەلەكتروندىق ساۋدا، جاڭا – جوعارى عىلىم – تەحنيكا، وقۋ – اعارتۋ، سپورت، مادەنيەت، ساياحات قاتارلى جاقتاردا سەلبەستىك جاساپ، ناقتى سەلبەستىكتىڭ جاڭا بەلەسكە كوتەرىلۋىن ىلگەرىلەتۋى كەرەك. توقايەۆ جۇڭگونىڭ ەكونوميكا مەن قوعامدى دامىتۋدا قول جەتكىزگەن ۇلى جەتىستىكتەرىنە جوعارى باعا بەردى. ول بىلاي دەدى: قازاقستان ەۆرازيا ۇلى قۇرلىعىنىڭ ورتالىعىنا ورنالاسقان، جۇڭگومەن ماڭگى تاتۋ كورشى بولادى. جۇڭگو دۇنيە ءجۇزىنىڭ حاۋىپسىزدىگىن قورعاۋ مەن ورنىقتىلىن ساقتاۋ جاعىندا شەشۋشى رول اتقارۋدا. قازاقستان جونىنەن «ءبىر بەلدەۋ، ءبىر جول» دارىپتەمەسىنىڭ ماڭىزى اسا زور، جۇڭگو جاقپەن بىرگە ءتۇرلى سالالارداعى سەلبەستىكتەردى تەرەڭدەتىپ، ەكى جاقتى كەلىسىمشارتتاردى جەدەل تياناقتاندىرىپ، اناعۇرلىم مول ناقتى جەتىستىكتەرگە قول جەتكىزۋدى، بىرگە دامۋدى مەن ءوڭىردىڭ گۇلدەنىپ – كوركەيۋىن، ورنىقتىلىعىن ىلگەرىلەتۋدى قالايمىز.

  نازاربايەۆامەن، نىعماتۋلينمەن كەڭەس وتكىزگەن كەزدە، لي جانشۋ بىلاي دەدى: جۇڭگو مەن قازاقستاننىڭ ساياسي جاقتاعى ءوزارا سەنىمدىلىگى جوعارى ورەدە، ناقتى سەلبەستىك سالاسى كەڭ، ەكى ەل دە دامۋدىڭ شەشۋشى كەزەڭىندە تۇر. ەكى ەلدىڭ زاڭ شىعارۋ ورگاندارى ەكى جاقتى قارىم – قاتىناستىڭ جاڭا انىقتاماسى بويىنشا، ەكى ەل باسشىلارى قول جەتكىزگەن ماڭىزدى ورتاق تانىمدى تياناقتاندىرپ، ەكى ەل قارىم – قاتىناسىنىڭ دامۋىن زاڭدىق جانە ساياساتتىق كەپىلدىكپەن قامتاماسىز ەتۋى كەرەك. ساۋدالىق ۆيزا جاعىنداعى جاڭا نۇسقاداعى جۇڭگو – قازاقستان قارجىلاندىرۋدى قورعاۋ كەلىسىمشارتىن ىلگەرىلەتىپ، شەكارالىق – كەدەندىك رەسميەتتەر، ەڭبەك رۇقساتناماسى قاتارلى رەسميەتتەردى ىقشامداپ، زاڭ – ءتۇزىم ارقىلى تاماشا قارجىلاندىرۋ ورتاسىن جاراتۋى كەرەك. نازاربايەۆا مىنانى ءبىلدىردى: قازىر دۇنيە ءجۇزى حاۋىپ – قاتەر مەن سىناققا ءدوپ كەلىپ وتىر، قازاقستان مەن جۇڭگونىڭ سەلبەستىكتى كۇشەيتۋىنىڭ ماڭىزدى ءمانى اناعۇرلىم كورنەكتىلەنە تۇسۋدە. قازاقستان مەن جۇڭگونىڭ دوستىق سارايىن ۇزدىكسىز كوركەيتىپ، سەلبەستىك ساپاسىن ۇزدىكسىز جوعارىلاتۋ كەرەك. نىعماتۋلين مىنانى ءبىلدىردى: جۇڭگو جاقپەن زاڭ شىعارۋ، باقىلاۋ – باسقارۋ تاجىريبەلەرىن ءوزارا ۇيرەنۋدى، ءوزارا ۇلگى الۋدى، كوپ جاقتى ماجىلىستەردى ۇيىمداستىرۋ جاعىندا سايكەسۋدى، قازاقستان مەن جۇڭگونىڭ قارىم – قاتىناسىن ىلگەرىلەتۋدە اناعۇرلىم زور رول اتقارۋدى قالايمىز.

  ساپار بارىسىندا، لي جانشۋ مەن ءمامين جۇڭگو قۇرىلىس بانكەسى استانا بولىمشەسىنىڭ جۇمىس باستاۋ سالتىنا جانە استانا حالىقارالىق فينانس ورتالىعىنىڭ تانىستىرۋ جيىنىنا بىرگە قاتىناسىپ، حالىقارالىق فينانس ورتالىعى قۇرىلىسىنىڭ جەتىستىكتەرىنە جوعارى باعا بەرىپ، اتالعان ورتالىقتاعى فينانس قۇرىلىمدارىن سەلبەستىكتى كۇشەيتىپ، «ءبىر بەلدەۋ، ءبىر جول» قۇرىلىسىنا بەلسەنە ات سالىسۋعا جانە قىزمەت وتەۋگە شابىتتاندىردى.

  لي جانشۋ الەمدىك كورمەنىڭ نەگىزگى سارايى جانە مەملەكەتتىك مۇراجاي قاتارلى ورىنداردى ەكسكۋرسيالادى.

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار