شي جينپيڭ «ەڭ سۇيىكتى كۇرەسكەرلەردى» باعالاۋ، ماداقتاۋ جانە ۇيرەنۋ، ۇگىتتەۋ قيمىلى جونىندە ماڭىزدى نۇسقاۋ بەرگەندە مىنانى دارىپتەدى
جاڭا جۇڭگونىڭ كۇرەس سيمفونياسىن ورىنداپ، جاڭا داۋىردەگى كۇرەسكەرلەردىڭ ءانىن اسقاقتاتا شىرقاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى رۋحاني كۇش ۇيىستىرۋ كەرەك
ۋاڭ حۋنيڭ «ەڭ سۇيىكتى كۇرەسكەرلەر» بولىپ ماراپاتتالعاندارمەن نەمەسە ولاردىڭ ورنىنا كەلگەن تۋىس - تۋعانىمەن كەزدەستى
2019.09.26 15:59 كەلۋ قاينارى : حالىق تورابى
«حالىق گازەتى»، 9 - ايدىڭ 25 - كۇنى، بەيجيڭ (ءتىلشى شۇي جۇن). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا «ەڭ سۇيىكتى كۇرەسكەرلەردى» باعالاۋ، ماداقتاۋ جانە ۇيرەنۋ، ۇگىتتەۋ قيمىلىنا ماڭىزدى نۇسقاۋ بەرىپ، قايتىس بولعان «ەڭ سۇيىكتى كۇرەسكەرلەردى» تەرەڭ ساعىنىشپەن ەسكە الىپ، ماداقتالعان جولداستاردى قىزۋ قۇتتىقتادى، «ەڭ سۇيىكتى كۇرەسكەرلەردىڭ» تۋىس – تۋعانىنان شىنايى حال سۇرادى.
شي جينپيڭ مىنالاردى اتاپ كورسەتتى: جاڭا جۇڭگو قۇرىلعانىنىڭ 70 جىلدىعى قارساڭىندا، ورتالىق ۇگىت ءبولىمى قاتارلى ورىندار «ەڭ سۇيىكتى كۇرەسكەرلەردە» ۇيرەنۋ، ولاردى ۇگىتتەۋ قيمىلىن ۇيىمداستىرىپ ورىستەتىپ، جاڭا جۇڭگو قۇرىلعاننان بەرى جارىققا شىققان قاھارمان ۇلگىلەردى باعالاپ، ماداقتادى. بۇل قاھارمانداردىڭ ىزگى ىستەرىنەن ۇيرەنىپ، ءداۋىردىڭ جاڭا ادامدارىن جەتىلدىرىپ، جاڭا داۋىردەگى ۇزاق جورىقتى ويداعىداي باسۋدا توتەنشە ماڭىزدى ءمان الادى.
شي جينپيڭ مىنالاردى دارىپتەدى: ەلىمىزدىڭ سوتسياليستىك توڭكەرىس، قۇرىلىس، رەفورما سىندى وزگەشە بارىستارىندا نەشە ۇرپاق كۇرەسكەرلەر قايسارلىقپەن، قاجىماي - تالماي كۇرەس جۇرگىزىپ، بارشانى تەبىرەنتەتىن سانسىز قاھارمان ۇلگى جارىققا شىقتى. ولار اقىل - پاراساتى مەن ماڭداي تەرى، ءتىپتى، ىستىق قانى مەن ءومىرى ارقىلى مەملەكەتتى قۇدىرەتتەندىرۋ، ۇلتتى گۇلدەندىرۋ، حالىقتى باقىتقا كەنەلتۋ جولىندا جىرلاۋعا تاتيتىن ايبىندى داستان جازدى. ءاربىر تاريحي داۋىردەگى قاھارمان ۇلگىلەر ءبىزدىڭ قۇرمەتتەۋىمىزگە جانە ۇيرەنۋىمىزگە تاتيدى. «ەڭ سۇيىكتى كۇرەسكەرلەردىڭ» ىزگى ىستەرىن كەڭ كولەمدە ۇگىتتەپ، وتانشىلدىق كۇرەس رۋحىنا مۇراگەرلىك ەتىپ جانە ونى ساۋلەلەندىرىپ، جاڭا جۇڭگونىڭ كۇرەس سيمفونياسىن ورىنداپ، جاڭا داۋىردەگى كۇرەسكەرلەردىڭ ءانىن اسقاقتاتا شىرقاپ، قاھارمان ۇلگىلەردىڭ اسەرلى حيكايالارى ارقىلى بۇكىل پارتيانى، بۇكىل ەلدەگى ءار ۇلت حالقىن وتانشىلدىق سۇيىسپەنشىلىكتەن جازباۋعا، كۇرەس جىگەرىن بەكەمدەۋگە شابىتتاندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى رۋحاني كۇش توپتاۋ كەرەك.
«ەڭ سۇيىكتى كۇرەسكەرلەردى» ماداقتاۋ جينالىسى 9 – ايدىڭ 25 - كۇنى تۇستەن بۇرىن بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ماراپاتتالعاندارمەن نەمەسە ولاردىڭ ورنىنا كەلگەن تۋىس - تۋعانىمەن كەزدەستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
