بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي جانشۋ رەسەيگە رەسمي دوستىق ساپارمەن باردى

2019.09.29 13:18     كەلۋ قاينارى : حالىق تورابى


  شينحۋا اگەنتتىگى، 9 – ايدىڭ 28 – كۇنى، ماسكەۋ (ءتىلشى: حۋ شياۋگۋاڭ، چىن فەي، لي اۋ) رەسەي مەملەكەتتىك دۋماسىنىڭ ءتوراعاسى ۆولوديننىڭ ۇسىنىسى بويىنشا، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 9 – ايدىڭ 25 – كۇنىنەن 28 – كۇنىنە دەيىن رەسەيدە رەسمي دوستىق ساپاردا بولىپ، ماسكەۋدە پرەزيدەنت پۋتينمەن، فەدەراتسيالىق كوميتەت ءتوراعاسى ماتيۆيەنكومەن جانە ۆولودينمەن جەكە – جەكە كەڭەس وتكىزدى ءارى جۇڭگو – رەسەي پارلامەنتتەرى سەلبەستىك كوميتەتىنىڭ 5 – رەتكى ماجىلىسىنە قاتىناستى. رەسەي جاقتىڭ باسشىلارى جاڭا جۇڭگو قۇرىلعاندىعىنىڭ 70 جىلدىعىن قۇتتىقتادى، جاڭا جۇڭگو قۇرىلعان 70 جىلدان بەرى قول جەتكىزگەن ۇلى تابىستارعا جوعارى باعا بەردى. لي جانشۋ راحىمەت ايتتى. ەكى جاق جۇڭگو مەن رەسەيدىڭ ديپلوماتيالىق قارىم – قاتىناس ورناتقاندىعىنىڭ 70 جىلدىعىن ءوزارا قۇتتىقتادى.

  پۋتينمەن كەزدەسكەن كەزدە، لي جانشۋ الدىمەن ءتوراعا شي جينپيڭنىڭ ىقىلاستى سالەمنى جەتكىزدى. لي جانشۋ بىلاي دەدى: ءتوراعا شي جينپيڭ مەن پرەزيدەنت مىرزانىڭ ستراتەگيالىق جەتەكشىلىگى مەن ىلگەرىلەتۋىنىڭ ارقاسىندا، جۇڭگو مەن رەسەي قارىم – قاتىناسى بۇرىن – سوڭدى بولماعان جوعارى ورەگە كوتەرىلىپ، اناعۇرلىم جوعارى دەڭگەيدەگى، اناعۇرلىم دامىعان جاڭا داۋىرگە قادام تاستادى. قازىرگى حالىقارالىق جاعدايدا، جۇڭگو مەن رەسەي ءوزارا ءتىپتى دە باتىل قولداۋ كورسەتىپ، ەكى ەلدىڭ ستراتەگيالىق تياناعى مەن حاۋىپسىزدىك قالتقىسىن بىرگە قۇرىپ، جاڭا تيپتەگى حالىقارالىق قارىم – قاتىناس پەن ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك. ەكى ەل باسشىسىنىڭ ستراتەگيالىق جەتەكشىلىگىندە، ساياسي جاقتاعى ءوزارا سەنىمدىلىك پەن ستراتەگيالىق سەلبەستىكتى تىڭ ورەگە كوتەرۋدى ىلگەرىلەتۋى، ەكونوميكا – ساۋدا سەلبەستىگىن جاڭا ورەگە كوتەرۋى، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك – سەرىكتەستىك قارىم – قاتىناسىن ۇزدىكسىز العا قاراي دامىتۋى كەرەك.

  پۋتين لي جانشۋدەن ءتوراعا شي جينپيڭگە ىقىلاستى سالەمىن جەتكىزۋدى ءوتىندى. ول بىلاي دەدى: رەسەي مەن جۇڭگو قارىم – قاتىناسى قازىرگى دۇنيە جۇزىندەگى ءىرى ەل قارىم – قاتىناسىنىڭ ۇلگىسى. رەسەي مەن جۇڭگونىڭ جاڭا داۋىردەگى جالپى بەتتىك ستراتەگيالىق سەلبەستىك – سەرىكتەستىك قارىم – قاتىناسى حالىقارالىق زاڭعا بويسۇنۋ نەگىزىندە قۇرىلعان، ەكى ەل مەن ەكى ەل حالقىنىڭ مۇددەسىنە ۇيلەسەدى. قازىر ەكى ەلدىڭ ءتۇرلى سالالارداعى سەلبەستىگى بەلگىلەنگەن نىساناعا قاراي ورنىقتى قادام تاستاۋدا. قازىرگى نەگىزدە، جالپى بەتتىك سەلبەستىكتى تەرەڭدەتىپ، ەكى ەل قارىم – قاتىناسىنىڭ اناعۇرلىم ويداعىداي دامۋىنا وراي جاراتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار